عاجل / اضخم وقفة للمعلمين غدا الاثنيين 25 / 7 / 2011 10 صباحا

[أنت عمرى]

النصرة من عند الله

[hample]

معاكم وعل بركة الله
ى

[احمد عزت عمر]

معاكم باذن الله وربنا يوفقنا جميعا

[marwa elminia]

يا جماعه فهمونا يعنى الناس اللى مش هاتقدر تشارك بكره فى الوقفه امام الوزاره تشارك امام المديريه فى المحافظات وهيبقا فى توحد فى جميع المحافظات غدا ان شاء الله

[dr.gody]

خلاص زهقت كل شوية وقفة حرام مصر مش مستحملة انتظروا هناك بعض المحافظات جلهم جوبات انتم نسيتوا لما كنا بالمكأفأة لما كنا بنقبض 104 جنيهاً يامعلمين تعقلوا وشوف لما بتبقى فى الفصل وأمامك 80 تلميذ وكلهم بيتكلموا فى وقت واحد ماذا يحدث فى الفصل يارب سترك

[حازم الغزالى]

يا ريت لو حد من الشرقية يقول واحنا بكرة رايحيين امام المديرية

[احمد عزت عمر]

ارجوا من سيادتكم التوضيح والنصيحة
هل من حقنا رفع قضية على الوزارة بالنسبة للدرجات المتاخرة
التى لم نحصل عليها حتى الان فى مجلس الدولة والقضاء الادارى
وخصوصا قانون الكادر لايمنع حصولنا على هذه الدرجات وقانون العاملين بالدولة
فجميع القوانين اؤيد حصولنا على الدرجات المجمدة
ولكم جزيل الشكر

[عمر مصطفى احمد]

القضايا بتقعد سنين احنا لازم نعمل اعتصام ونطالب بحقوقنا

[ناديه خفاجي]

يا أخوانا انا شايفه الوزير كويس وحرام علينا نشيله لانه حدثت حاجات كتيره في الفتره اللي تعين فيها وزير

[التغيير]

ان شاء الله يتغير بكم يا معلمين يا شرفاء كل معلم شريف سيكون معنا ان شاء الله لنأخذ حقنا
ويا اساتذة الوقفة الاساسية امامالوزارة يعنى لازم نكون كلنا امام الوزارة ان شاء الله والى عنده عذر قهرى ممكن يبقى امام المديرية او المحافظة

[spidermane23]

لازم كلنا نتحرك و نبقي ايد واحدة علشان ناخد حقوقنا

[Amr 82]

اخيرا هنتحرك مش هصدق اللى لما اشوف بعينى غدا وانشاء الله مطالبنا هتتنفذ

[فداك يارسول الله]

يعنى كل اللى بيقول هيشارك دا هيشارك فعلا ولا كلامممممممم


فليقل خيرا او ليصمت

[yoyo_595]

ياقوم اليس منكم رجل رشيد
أقالة وزير التربية والتعليم لماذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!
الدكتور احمد جمال الدين حقق لنا الكثير فى فترة وجيزة
أنا اتحدث اليكم بالوقائع
هل كنتم تحلمون بهذا الحجم من التعيينات فى التربية والتعليم فى ظل النظام السابق
هل كنتم ترجون غير تعيين عدد 43الف معلم المنتظر تعيينهم منذ زمن
**** تاريخ الرجل مشرف بالادلة لقد خدم هذا الرجل فى وزارة التربية والتعليم سابقا فترة وجيزة جدا تعادل تلك المرحلة او الفترة الانتقالية وقدم فيها الكثير ففى عام 2004-2005 اعلن احتساب مكافأة امتحان للعاملين بنظام الحصة مراعاة لظروفهم المعيشية ولم تكن تصرف لهم من قبل بالرغم من اننا بمحافظة المنيا لم نصرفها ولكن الحق يقال .
نحن نحتاج الى الاستقرار الوزارى لضمان تحقيق المطالب
نحن نحتاج الى اولوياتنا وهى تطبيق الحد الادنى للاجور واحتساب الكادر واحتساب مدد الخدمة السابقة
هذه مطالبنا ولا لكل دعوة مجهولة المصدر تصيرنا صما وعميا نجرى وراءها دون أدنى تفكير
ليس كل من كان سابقا كان فاسدا والا لاستمر فى عمله ولم يتم عزله فورا من الوزارة
أنا لا أعرف كيف ننساق نحن كمعلمين دون تفكير وان نكون بهذا الحال ان نهاجم من يستحق التقدير والتكريم
وما فائدة ذلك اصلا ونحن على وشك انتهاء المرحلة الانتقالية وسيتم تشكيل حكومى جديد بلا شك قريبا ولكن هذا الرجل خسارة ان يترك التربية والتعليم اصلا .
وليس لنا الا الاصلاح ايا كان من يتولى
ليس لنا الا مطالبنا ان كانت مشروعة تقبلوا مرورى وشكرا.

[ihabsaid]

المشاركة الأصلية كتبت بواسطة dr.gody

خلاص زهقت كل شوية وقفة حرام مصر مش مستحملة انتظروا هناك بعض المحافظات جلهم جوبات انتم نسيتوا لما كنا بالمكأفأة لما كنا بنقبض 104 جنيهاً يامعلمين تعقلوا وشوف لما بتبقى فى الفصل وأمامك 80 تلميذ وكلهم بيتكلموا فى وقت واحد ماذا يحدث فى الفصل يارب سترك

يعني انته عاجبك اللي بيحصل للسادة المدرسين