حل للطلبة اللى اتظلمت بسبب الكوسة اللى كانت فى الثانوية

[محمد مودى]

بتاريخ 23/7 من 3 أيام يعنى. فى جاريدة التحرير اللى مؤسسها ابراهيم عيسى وعلى غلافها هتلاقوا مكتوب ان طالبة جابت26 من30 فى العربى و22.5 فى علم النفس وهى ماكتبتش ولا حرف فى ورقة الامتحان عشان كانت عايزة تؤجل
اسمها كوثر رمضان عباس ودا رقم جلوسها219346 من أسيوط
ونقل الجورنال على لسانها(لم أكتب حرفا واحدا فى هذه الاوراق)
وهتقابل الوزير.

[محمد مودى]

المشاركة الأصلية كتبت بواسطة h3ossam

اللى بيقول انه اتساوى مع ناس تانيه (مبتفهمش)
يا عم اولا قول الحمد لله انك جبت المجموع ده غيرك كان نفسه مجموعك

و ثانيا انت كنت فين من الأول لما معظم اللى فى لجنتك كانوا عمالين يغشوا و انت ساكت ؟
انت كده تستحمل نتيجه سكوتك عليهم
و لو فعلا كان كل واحد مسكتش على الغش اللى كان فى اللجان بتاعه
كنت هتكون مبسوط بمجموعك و هتعرف تخش الكليه و انت حاطط رجل على رجل كمان

و ان شاء الله ربنا مش هيضيع تعب حد

بالنسبة لاولا فالحمد لله حتى لو سقطت
أما ثانيا فأنا ماقولتش ان لجنتى كانت بتغش.البعض حاول من تحت لتحت بس معظم لجنتى كانوا بيراجعوا معايا وأقسم لك بالله ان كان بعضهم عنده بدل الغلطة اتنين وجابوا الدرجة النهائية وهما نفسهم مش مصدقين لحد دلوقت
أنا بتكلم عن كوسة التصحيح بالاضافة للغش

[محمد مودى]

المشاركة الأصلية كتبت بواسطة العم الكبير

بص يا باشا انت مجموعك كبير يعنى لازم تبص لقدام ...عملنا اللى قلت عليه...السنة الجاية صاحبك جاب اقل من السنة دى و ملحقش الكلية اللى هاوس نفسه بيها هينزل قدام الوزارة و يقول اشمعنا السنة اللى فاتت اتلغت..ايه رايك؟

تقوله انت واشمعنا السنة دى نقصت وهى السنة اللى اتلغت دى اتلغت عليك لواحدك ولا على مصر بحالها

[محمد مودى]

المشاركة الأصلية كتبت بواسطة !! Dark man !!

لو اتعملت سنة واحدة هتبقى سنة سودة علينا
اكثر من 14 مواد وفى سنة واحدة حررررررررررررررررررررام

14 مادة ايه هما خمس مواد عمى مفيش غيرهم +المستوى

[محمد مودى]

المشاركة الأصلية كتبت بواسطة m_sallam

اولا / احمد ربك على المجموع الكويس ده واعتقد كتيييييييير من الطلبة كانو يحلموا بالمجموع ده
بس اكيد انت علمي علوم مدام طالع فيها اوي كدة

ثانيا بص لقدام وحاول تطور من مستواك وحافظ على المجموع واستفيد من المستوى واعتقد لو حافظ على المجموع وخت المستوى بلاش كامل خت 9 من 10 يعني 1% يعني جبت 99.2 اعتقد نسبة زي دي كفيلة تدخلك الكلية اللى انت عاوزها ولو ملحقتهاش في بلدك هتلحقها في اي محافظة تانية وبعدين تحول الحكاية مش صعبة

اهم حاجة تعملها دلوقتي تحاول بقدر الامكان تحافظ على مجموعك

أحب أقولك انى للأسف علمى رياضة يعنى مش طالع فيها ولا حاجة وانى ان شاء الله داخل الكلية اللى أنا عايزها ومجموعى أعلى منها بكتير كمان بس هى مسألة مبدأ حط نفسك مكان طالب اتظلم هتفهم

[محمد مودى]

المشاركة الأصلية كتبت بواسطة the matrex

أولا استحاله طالب مبيفهمش يجيب 97أو98 أو أعلي دا لازم يكون بيذاكر طول السنه. يعني مينفعش طالب مش فاهم حاجه يجيب المجاميع دي بالغش .
أما الناس اللي غشت وعدت90% دول السنه اللي جايه هيظبطوا . والفكره اللي أنت بتفكر فيها دي هتظلم الناس اللي كانت بتذاكر طول السنه كدا تعبهم هيروح

وهو دلوقت تعبهم مارحش لما اتساووا باللى أقل منهم ويمكن كمان قلوا عنهم وبعدين طب ما أنا مثلاااااااااااا ذاكرت وجبت مجموع بس متأكد ان تعبى مش هيروح

[n_11111]

يا جماعة الكلام ده انا بسمعه كتييييير بصوا طيب الامتحانات كانت سهلة فالمجاميع كلها رفعت طيب اللي قلوا ومستواهم عالي زي ما حضرتك بتقول مالهم يعني ؟؟؟؟ المتحانات كانت سهلة على الفشلة والغشاشين وهم كانت عليهم وحشة .... لالالا ما فيش حاجة اسمها كدة كل واحد يخليه في نفسة وبعدين كفايه بقى توتر ...... اللي اتظلم يشتكي على درجته .... اما اللي ما اتظلمش ما يستكترش على الباقين ربنا بيدي لكل واحد نصيبه وطالما ربنا كرمك سيب اللي جاب حلو لو كان غاشش حيقع لو ما كنش ربنا حيكرمه والمظلوم يعمل تظلم .... لكن مش المظلوم اللي يقول بقي فلان يجيب اكتر مني انا وكلام فارغ كده ربنا يكرم كل واحد

[محمد مودى]

المشاركة الأصلية كتبت بواسطة عبير المنصورة

ههههههه
والنبي بلاش فزلكة
يعني انت ضامن تجيب المجموع ده السنة الجاية؟
بلاش طمع واحمد ربنا
وبعدين عمر ما ربنا هيساوي اللي ذاكر باللي غش
لو انت مفهمتش ده يبقي محتاج تراجع تفكيرك كويس

أولا دى مش فزلكة أنا لو بتفزلك كنت عملت موضوع قلت فيه انى من أوائل الجمهورية وانى جايب99.9% ومظلوم
ماشى يا حاجة.
وأنا فعلا مش ضامن بس مش خايف لانى عايز مجموع يقيس قدراتى عشان أدخل كلية تناسبنى مش أروح أدخل هندسة وأجيب مقبول فى الاعدادية.

[محمد مودى]

المشاركة الأصلية كتبت بواسطة n_11111

يا جماعة الكلام ده انا بسمعه كتييييير بصوا طيب الامتحانات كانت سهلة فالمجاميع كلها رفعت طيب اللي قلوا ومستواهم عالي زي ما حضرتك بتقول مالهم يعني ؟؟؟؟ المتحانات كانت سهلة على الفشلة والغشاشين وهم كانت عليهم وحشة .... لالالا ما فيش حاجة اسمها كدة كل واحد يخليه في نفسة وبعدين كفايه بقى توتر ...... اللي اتظلم يشتكي على درجته .... اما اللي ما اتظلمش ما يستكترش على الباقين ربنا بيدي لكل واحد نصيبه وطالما ربنا كرمك سيب اللي جاب حلو لو كان غاشش حيقع لو ما كنش ربنا حيكرمه والمظلوم يعمل تظلم .... لكن مش المظلوم اللي يقول بقي فلان يجيب اكتر مني انا وكلام فارغ كده ربنا يكرم كل واحد

أولا محدش بيعمل تظلم وبياخد حقه لأن المدرسين بيحابوا لبعض وثانيا أنا مش مستكتر على حد حاجة أنا عايز كل واحد فى مكانه اللى يستحقه فعلا.
وياريت تخليكى انتى فى نفسك لانه واضح انك عارفة ان المجموع اللى جبتيه السنة دى عمرك ما هتعوضيه وعارفة ان دا مش مستواكى عشان كدا خايفة وبتردى

[n_11111]

اولا: انا في مدرستي كل واحد اخد حقة صحيح ان معظم الناس جيبين من 98 الي 99 الا ان اللي اخد درجة مش كويسة كان معروف انه مكانش بيبذل كل جهد
ثانيا وده المهم ان انا كنت بذاكر بجد وكنت متوقعة لنفسي في الامتحانات العادية 99 اما لما جت الامتحانات كده جبت 99.8%
وبعدين انا في كل الحالات بذاكر وعارفة اني باذن الله من مذاكرتي اقدر اجيب درجات عالية ان شاء الله مش زي ما حضرتك بتقول انا ماليش غير اختين الاتنين في طب _ رغم ان امتحاناتهم كانت صعبة_ وبجد ميرسي على الرد ........

[العم الكبير]

المشاركة الأصلية كتبت بواسطة محمد مودى

تقوله انت واشمعنا السنة دى نقصت وهى السنة اللى اتلغت دى اتلغت عليك لواحدك ولا على مصر بحالها

كويس اوى ادخل على المنتدى اللى جنبنا بتاع تنسيق 2011 و حاول تقنعهم

[إسلام صبري]

حضرتك على اى اساس بتقول الى جايبين اقل من 90 هيقشروا بصل جمب بابا وماما
وانتا اساسا حسيت بحد تعب وجه فى الاخر اتظلم
عارف انا واثقه انك مش هتلحق حاجه السنه الى جايه ياما ناس كانت جايبه 98 وفى 3ثالته التوتل بتاعهم كان 91
وناس كانت جابيه 86 و87 وجابت 91 وبقوا زى بعض
متدريقش على الناس الى اق من 90 لاننا كلنا عارفين الى معظم المجاميع دى من الغش بس ربنا مبيضيعش تعب حد وعمر الى تعب يتساوا مع الى غش

[ahmedracket]

ههههههههههههه
عندو حق انا كنت بلعب طووول السنة ومعديتش ولا امتحان الا وغشيت فيه ههه وجبت 96 عادي يعني

[n_11111]

المشاركة الأصلية كتبت بواسطة إسلام صبري

حضرتك على اى اساس بتقول الى جايبين اقل من 90 هيقشروا بصل جمب بابا وماما
وانتا اساسا حسيت بحد تعب وجه فى الاخر اتظلم
عارف انا واثقه انك مش هتلحق حاجه السنه الى جايه ياما ناس كانت جايبه 98 وفى 3ثالته التوتل بتاعهم كان 91
وناس كانت جابيه 86 و87 وجابت 91 وبقوا زى بعض
متدريقش على الناس الى اق من 90 لاننا كلنا عارفين الى معظم المجاميع دى من الغش بس ربنا مبيضيعش تعب حد وعمر الى تعب يتساوا مع الى غش

انا اتوافق مع حضرتك في الرأي تماماً

[the-bright-sun]

يا عم احمد ربنا حرام عليك انت بس حبيت تنشر الموضوع ده علشان الي مش جايب مجموع حلو تحسره علي نفسه وتقله انا علي الاقل الحق وانت لا
يا اخي احمد ربنا ما يمكن تزيد شد بس انت حيلك وجيب الدرجة النهائية السنة الي جايه لانه متوقع فعلا السنة الي جاي يكون الامتحان صعب ربنا يسترها علينا