جروب طلاب الصف الاول الثانوى

[*(amera)*]

المشاركة الأصلية كتبت بواسطة asmaa232

يا جماعة ياريت كل واحد فينا يبدأ درس يقول الحاجات المهمة اللى الاستاذ قالهاله مش قصدى الشرح يعنى لا قصدى مثلا الاستاذ قالكم ركزوا على ايه وانتوا بتزاكروا المادة دى لا اعملوا ايه لا نظموا وقتكوا ازاى كدا كأننا بالظبط اسرة واحدة اوك وانا هبدأ بنفسى .. ولو مش عايزين براحتكوا المهم يعنى انا عيزة اقولكوا انبارح ايه اللى حصل ف الدرس يعنى عشان ممكن تستفادوا


امبارح روحت درس الانجليزى

هو الاستاذ اللى بروح عنده عارفنى عشان كنت بروح عنده ف الاعدادى انما هو بتاع ثانوى اصلا ماعلينا المهم يعنى كنت حاسة بألفة وكدا وان الوضع مش جديد عليا بس طلع عكس كدا خاااالص
قعد بقى يقولنا كلااام علشان نهيأ نفسنا للثانوى وكدا اول حاجة قالنا ع الوقت وان الوقت بيضيع بسبب الدروس الكتير وكل ما تكون متميز كل ما يكون عدد الدروس بتاعك قليل ليه ؟؟ عشان دا هيوفرلك وقت طيب واحنا دلوقتى لس المدارس مش بدأت وبناخد تقريبا ف اليوم لا يقل عن 3 دروس وتعبنا امال لما المدارس تبدأ هتعملوا ايه على ما تروح المدرسة والدروس تكون صلاة العشا جات تقوم واكل الأكل بتاع اليوم كله ومصلى الصلوات بتاع اليوم كله بردو وتناااااااام وتصحى تانى يوم الصبح وهكذا فقلنا هنعمل ايه للمشكلة دى ؟؟؟

1- لازم نكون عارفين ان دا هيحصل عشان مش نتفاجئ من الاول كدا


2-لازم نكون عاملين حسابنا اننا لازم نتعب شوية السنة دى


3-لازم الشهرين اللى قبل المدرسة دول نزاكرهم كويس جدا عشان ندخل مرتاحين المدرسة وسيبك بقى م الناس اللى بتقول متزاكرش م الاول مهو انت لو مزاكرتش م الاول هتيجى ف الاخر وتحتاااس وتصوت


4-رابع حاجة واخيرا نصحنا بالصحبة الصالحة لازم تكون مصاحب حد كويس واذا لقيته مش بيتكلم ف المفيد قله معلش معدتش تجيلى عادى مفهاش حاجة صاحبك الوحش دا مش هيبقى ييجى يقعد مكانك ف الامتحان وطبعا لازم تكون قريب من ربنا جدا


بس كدا انا حبيت اقولكوا اهم الحاجات اللى قالهالنا معلشوا طولت عليكوا

جزاكى الله خيرا
وفعلا ده كلام مهم جدااااا