برافوا اعتصام قنا نجح بشكل مبهر جدا اقسمت عليكم تقروا كويس

[الملك النائم]

برافوا الاعتصام كان بشكل فعلا يليق بابناء الازهر البواسل ياااااااااه من زمان الواحد مشافش العدد دا
بس اللى زعلنى حاجة وحدة بس هو الاعداد الزيادة عن حدها مخلتناش نعرف نتحرك و لا نقدر نعبر عن راينا
طبعا 3500 متعاقد امام المنطقة الازهرية بقنا و انا اقلهم يا اخوانى ادوا علشان نسمع بعض و النس مش ساكته الله اكبر الله اكبر الله حى التثبيت جاى
وانا اقلهم براحة لحسن المنطقة تقع علينا
و فى تمام الساعة 11 كان عدد المعتصمين حوالى 5001 متعاقد و بعدين زادوا بقوا 10002 و الاعداد سدت الشوارع و قفلت الطريق و طلع وكيل الوزارة
قالهم ابوس ايديكم اسكتوا مش عارف انام هو الواحد ميعرفش ينام فى الازهر دا والا ايه
قلنا له عايزين التثبيت يا شيخ قال حاضر حاضر هوا راح المصيف و انا بعتله جاى فى الطريق ممكن بس الصوت علشان ننام
قلنا ماشى نستنى كام كدا على ماياجى
قال 50 سنة او 100 سنة لانه بصراحة ممعهوش حق المواصلات
قلنا بسيطة نلم فلوس و نبعتهاله يا شيخ رد وقال لا اصله فى مكان مفهوش بنك قلنا بالبوسطة يا شيخ
قال ولا بوسطة
قلنا طيب ممكن نتصل بيه
قال خسارة ممعهوش تليفون
قلنا طيب نرحله يا شيخ رد بسرعة و خوف
وقال لالالالا مينفعش انتو بس استنوا هنا احنا هنام جوه و انتوا ناموا شويا و هوا هيجى استنينا لحد الساعة 12.30 الظهر وطبعا الجو فى قنا ممطر بهيج و الشمس مش قاعدة ليها يومين و بعدين خير الله ما جعل خير لقينا ناس ناس كتيرة رايحة سيدى عبد الرحيم شايلين جنازة سئلونا
انتو هنا ليه قلنالهم مستنين التثيبت رد واحد لابس طربوش احمر فى ابيض وقال و هوا بيبكى سبيل الله يا خوى سبيل الله يا سيبنا و راايح هناك قعدنا نضحك فى سرنا و بعد ما صلينا عليه ببص و بكلم اللى جنبى هو مين اللى مات
قلى يا راجل امال انت بتصلى كدا و بس
قلتله اهو كله بثوابه
قلى دا الاستاذ الدكتور / التثبيت
حمر وشى ونفسى ضاق قلتله الحاج تثبيت بتاعنا بتاع الازهر قلى اه
جانى اسها و امساك و تبول لا ارادى
و قلتله انت متاكد قلى اه
قلت فى بالى لا اله الا الله دا كان جاى انهارده احنا مستنينوا
رد وقلى يا استاذ دا مات من زمان بس مات مقتول و كانوا بيحققوا لما يشوفوا مين اللى قتله و لما عرفوا دفنوه انهاردة
جريت حافى ورحت لشيخ المنطقة:
انت كنت عارف انه مات و مات مقتول و مقلتناش
رد وقالى يا استاذ انا قلتلكم انه ميقدرش ياجى و ميقدرش يتصل و متقدروش تكلموه انتو مش فهمتوا اعملكم ايه ايييييييييييييييييييييه دنيا فانية يا بنى البقاء لله المهم صحتكم
ومشيت فى الشوارع وانا حافى و قعدت اقول دا كان قريب مننا دا كان جاى و انا و مروح بصيت لقيت ناس بتضحك وواحد طويل بيضحك فى النص
سالت واحد فى ايه و مين دول و مين الطويل قلى دول بتوع التريبة و التعليم ودا الحاج تثبيت رديت وانا مذهول الله مش الحاج تثبيت مات و احنا صلنا عليه من ربع ساعة
قلى لا يا استاذ دا الحاج تثبيت تربية و تعليم اللى مات الحاج تثبيت الازهر اخوه شقيقه
و فضلت ماشى و ماشى لحد ما قبلنى ضبط كبير قلى رايح فين يا خفيف قلتله مروح يا باشا قلى تعالى عاوزينك و هوووووووووووووووووب رامنى فى البوكس سالته انا عملت ايه قلى اركب و رمانى لقيت ال10001 متعاقد موجودين فى البوكس سالت واحد احنا هنا ليه رد قلى متهمينا فى ان احنا اللى قتلنا الحاج تثبيت الازهر قعدت اضحك و اضحك و اضحك و قلت الله حى االتثبيت جاى الله حى التثبيت جى
و توته توته فرغت الحدوته حلوة والا ملتوته
اقسم بالله انا هذه القصة لم احضرها بل هى ارتجال كتبتها و انا دمع عينى ما وقف
سلبية لا حدود لها اهانة لا حدود لها احنا اللى عملنا كدا فى نفسنا اسبوعين و احنا بنحضر للاعتصام والناس تتصل و الناس توعد وفلوس تتصرف و فى الاخر 20 واحد وكل ما تتصل بحد يقلك طيب لما تكتروا رنوا عليا و اللى قاعد فى بيتهم يقول اصل الجو حار واللى نايم اصلا طيب بذمتكم انتو عايزين ايه انتو رجالة انتوا عايزين تثبيت التثبيت مات يا حبيبى منك له خلاص هتجدد عقدك تانى و غصبت عنك و اللى مش عاجبه ؟؟؟؟؟؟؟؟؟؟؟
حسبى الله و نعم الوكيل حسبي الله ونعم الوكيل في
1- كل متعاقد ضيع حقي وحق نفسه وخاصة بتوع المنطقة من اداريين وعمال ومدرسين اللي قاعدين زي قلتهم
2- في كل واحد اتصلت عليه ومجاش في الثلاث مرات بتوع الاعتصام
3-في كل هانم قاعدة في بيتها عايزة تاكل وتقبض ويحرق ابوه التثبيت ماهو مش وراها تكوين مستقبل زينا بقي
4-في كل واحد قرأ دعوتي او دعوة زمايله ومحضرش
5- في كل واحد بلغته او بلغه احد زملائي جهارا
فى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
7-في كل واحد شافنا في عز الحرارة نموت ولا سال فينا وقعد في بيته
8-في كل بني ادم صرفت قرش واحد في الاتصال به ولم يحضر
واشرفكم انني لم ولن احضر اي اعتصامات نهائيا وساترك الجبناء الذين في بيوتهم ويشوفوا المصايب وقت تجديد العقد علشان يعرفوا قيمة انفسهم كويس وبعد كده يقولوا اصل محدش بلغنا , اصل احنا قاعدين في دولة تانية .!!!! اسف علي الاطالة والسلام ختام

[ahmed elghrieb]

والله العمليه مش ناقصه الاستهبال وحرقة الدم نقراايه ياراجل حرام عليك !!!!!! من الأفضل كتابة كلام مفيد

[الملك النائم]

هو دا المفيد يا اخ احمد اقرا و انت تعرف ازاى ضيعنا حقوقنا و بعدين نقعد نبكى زى النسوان و نقول حسبى الله و نعم الوكيل

[ahmedelassal]

سامحك الله انتا بتضحك علينا زيهم
حسبى الله ونعم الوكيل

[abdelsalam1983]

فعلا حسبي الله ونعم الوكيل في كل متخاذل

[مستر / وائل الفايد]

بدون تعليق

[ايادممدوح]

والله وقتكم ثمين جدا

طيب ما تثتثمروه في حاجة مفيدة

بصراحة هو عنده حق في السخرية

[جوجو***]

عادي يا ملك
مش أول مرة يحصل كدا
الخوف من بدء الدراسة
تيجي تقول لزملائك اضربو عن استلام جدول او دخول حصص لحد ما نتثبت يقوللك لا انا خايف اتحول للتحقيق
لا تبكي علي الاموات
ابكي علي الاحياء
الجبن سيد الاخلاق؛؛
يا ملك!!!

[mr_mohamed_elalfy]

يعنى فعلا العدد كان كبير ولا بيهرج

[farag72]

مش عارف اقول اية

[د/ايمن محمود البتشتى]

انت فعلاغلطان مين قلك انه فى رجال فى الزمن ده الرجالة انعدمت
انت تقعد تعتكف فى البيت وهو شيخ الازهر عطاك شهر رمضان بحالة ادعى
ربنا ما بيردش دعوة الولايا

[مستر محمود عبد العاطى]

لالالالاتععليق

[الكسائى]

الارتقاء بلغة الحوار يا معامى الاجيال

[الملك النائم]

عدد ايه الكتير احنا موجودين من 8 الصبح لحد الساعة 11.30 و مكملناش 20 واحد بالذمة دا كلام و بعدين انا مش بيخر يا اخوانى انا بفضفض باللى فى قلبى من الغيظ و الكبت اللى جواياه و بعدين احنا لسه هنستنى لما نجدد و المعلومة المهمة يا اخوانى التجديد تلقائى بدون ما تروزح هناك علشان متعرفش تعمل مظاهرات

[حمدي تحيف]

معاك حق .... لكن كن على يقين بالله.....امن هذا الذي يرزقككم ان امسك رزقه...
واعلم..علمت ان رزقي لن ياخذه غيري فأطمن قلبي...
متفهمش كلامي سلبيه .....وان شاء الله نبارك لبعضنا بالتثبيت لان كلامك اكيد هيقوم زملائنا من على الكنبة اللي اقعدوا عليها كتييييييييييييييييييييييييير