هفطر وهفطر حد تاني وأخذ ثوابه في ميزاني

[شاكر الرحمن]

السلام عليكم ورحمة الله وبركاته
بسم الله الرحمن الرحيم

الهدف ده هو اننا نشارك فى افطار اكثر عدد من الصائمين واكيد الفكرة ديه جديدة للجميع وان شاء الله هنسعى لتنفذها
مش عارف نكلمكم على اجر افطار الصائم ازاى بس ممكن تشوفوا اللينك اللى فى اخر الايفنت بس كفاية انك هتاخد مثل اجر من فطرته فى الصيام
...يعنى لو انته فطرت 10 يبقى مبروك عليك ثواب ال 11 يوم اللى هتخدهم ولو كلنا فطرنا 100000 كلنا هناخد اجر الميت الف + صيامنا
فكرتنا

1- للشباب اللى فى المحافظات اللى فيها متروا
2- للشباب اللى فى محافظات مفيهاش متروا
3- للشباب اللى خارج مصر
4- للفتيات وايه دورهم
نبدأ ب 1 كل شاب هيختارمحطة متروا يقف امام مخرجها بعلبة بلح فى -7او 8 ج - قبل اذان المغرب ب 5 دقائق ويفتح العلبة ويمد يديه بها للخارجين او الداخلين الى المتروا
مش هيعمل اكتر من كده هيلاقى الناس بتاخد عشان تفطر وكله فى ميزانك واوعى تتكسف انته بتشتغل لله وكمان بتضحى انك متفطرش فى البيت لله تخيل ممكن يديك ايه ؟؟؟
وديه خطوط المتروا نرجوا ان كل واحد قرر انه يشارك يكتب اسم المحطة اللى هيشارك بيها هما 51 محطة يعنى لو 51 شاب كل واحد اخد محطه هنفطر المتروا كله
ولكى لا تنطبق علينا الاية الكريمة (أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ أَفَلاَ تَعْقِلُونَ) (البقرة : 44 ) ان شاء الله انا فى اخترت محطة البحوث

2-
رقم 2 الشباب اللى فى محافظات لا يوجد بها متروا ممكن تقف فى محطة اتوبيس قريبة من بيتك او موقف للسيارات او فى اى مكان تعلم ان به اناس كثيرون لن يصلوا الى بيوتهم الا بعد الافطار

3-
للشباب خاج مصر نترك لهم حسن التدبير لانهم احسن منا فى ذلك المهم انك تعما على افطار ناس اكتر

4-
البنات اهم دور يا ترى هيكون ايه الدور بتعهم ؟؟؟؟
ممكن تشجعى اخوكى انه يعمل كده او تديلوا فلوس يجيب بيها البلح وممكن تنشرى الايفنت فى اكثر من جروب وتشجعوا الناس كلها وممكن كمان لو كنتى هتركبى فى عربية بنات فى المتروا او هتركبى موصلة ساعة الافطار توقفى لدقيقة عند اى تاجر واشترى البلح ووزعيه فى الموصلة اللى هتكونى ركباها ساعة الافطار

اللى مش هيقدر يعمل اى حاجة يدعى ان ربنا يزيد الخير بين الناس ويهديهم لفعل الخير ولطاعته على خير ويبلغنا رمضان ويحاول
يسلام بردوا لو حد عنده فكره نفطر بيها الصائمين يحطها لعل حد تانى يستفيد وينفذها
http://www.facebook.com/pages/%D9%81%D8%B7%D8%B1-%D9%88%D8%A7%D8%AD%D8%AF-%D9%88%D8%A7%D8%AF%D8%AE%D9%84-%D8%A7%D9%84%D8%AC%D9%86%D9%87/188621477865244
ثواب افطار صائم
جزيتم الجنة جميعا
والسلام عليكم ورحمة الله وبركاته
منقول وللجميع حق النقل

[نقاء الروح]

فكرة جميلة جداً
بارك الله فيكم
وجزاكم كل الخير يارب


يُترك فترة ثم يُنقل للقسم المناسب ،

[BaNZeR]

تمام فكرة جميلة اوي

وثوابها كبير جداً مقارنة بالمجهود بتاعها

[ايه كمال]

جزاك الله خيرا
فكرة جميلة
كل سنة وحضراتكم طيبين

[scream angle]

جزاكم الله خيرا

[شاكر الرحمن]

بارك الله فيكم اجمعين
ويشرفني تعليقكم

[sh.sh.]

لا طبعا ربنا قال الغير قادر عالصيام يفطر)مسكين)مش يقف عالمترو ويوزع بلح ده لو غير قادر ياريت ياجماعة ادام ابتدينا نفكر نفكر صح يامنفكرش احسن مش تقول هفطر واوزع بلح وفي ميزاني وتدعو الغير (((((((((((((((((((((((((والله اعلم)))))))))))))))))))))))))))تقبل مروري

[شاكر الرحمن]

المشاركة الأصلية كتبت بواسطة sh.sh.

لا طبعا ربنا قال الغير قادر عالصيام يفطر)مسكين)مش يقف عالمترو ويوزع بلح ده لو غير قادر ياريت ياجماعة ادام ابتدينا نفكر نفكر صح يامنفكرش احسن مش تقول هفطر واوزع بلح وفي ميزاني وتدعو الغير (((((((((((((((((((((((((والله اعلم)))))))))))))))))))))))))))تقبل مروري

مين قال ان الموضوع توزيع البلح بدل الصيام حضرتك ركز في الكلام المكتوب
البلح ده حاجه بسيطه بتتوزع للناس اللي مش هتلحق تروح في بيوتها
عسكري مرور / عمال .................الخ
ادام ابتدينا نفكر نفكر صح يامنفكرش احسن مش تقول هفطر (ياسيدي الفاضل شكرا على حسن الرد)واكيد في ناس مش عاجبها الموضوع
بارك الله فيك

[Mr. Hatem Ahmed]

جزاك اللهُ خيراً وبارك فيك