احنا بتوع الأدبى .... مع احترامنا لبتوع العلمى !!!

[MOSTAFA093]

المشاركة الأصلية كتبت بواسطة سكر مملح

ايوه كده انتو فين انا زهقت اقول الادبي مالوش مكان ولا ايــــــه كله بيتكلم على طب وصيدله

إحنا هنا وبنحاول نتكلم لربما حد يعبرنا شوية
ربنا يستر

المشاركة الأصلية كتبت بواسطة medo_messi30

بص يا مصطفى اكاد اقسملك ان لو الصبح قالوا هنشغل كل اللى هيتخرجوا من تجارة فى البنوك فورا .. هتلاقى كله ساب هندسه والكليات دى و كتب تجارة رغبه اولى .. هى مسألة ثقافه شعب و مجتمع اتعود ان اعلى كلية بتاخد اعلى مجموع يبقى دى احسن حاجة .. بالعكس انا اعرف ناس اتخرجوا من تجارة و قدروا يثبتوا نفسهم و يبقوا احسن من 100000 مهندس و دكتور مع احترامى لكل المهندسين و الدكاتره

كلامك مظبوط 100% ، المهم فى ثقافتنا إحنا ومعرفتنا بالكليات
وفعلاً فيه ناس والله واخدة هندسة بحالها وقاعدة على القهوة ، وواحد جايب 65% فى الثانوية ، ودخل حقوق وبقى من أكبر المحامين فى مصر
بالتوفيق للجميع

المشاركة الأصلية كتبت بواسطة yasmine ibrahim

كل ما فى الامر ان المجاميع عالية اوى فى علمى بطريقة رهيبة يعنى 95 ادبى يلحق اقتصاد ولكن فى علمى مش هايلحق حاجة
ومين قال ان الادبى كلياته وحشة بالعكس مستقبلها حلو
وبالنسبة للتوقعات انتوا مستريحين كتير بمعنى ان الواحد لو جايب 94 هايلاقى نفسة فى اليوم فى كزا جرنال مرة دخل هندسة ومرة مش هايلحقها وبالتالى نفسيتنا بتتعب وبعدين 85 ادبى اكييييييييييييد هاتلحقى تجارة او حقوق او اداب بينما فى العلمى مش هايلحق اى حاجة خالص بس
فامتخدوش الموضوع علمى وادبى ومين احسن كل واحد حلو فى مجالوا بس المهم مين هايتميز عن التانى

بالنسبة للمجاميع العالية ، ده فى الإثنين من علمى بس ، وده مشكلته الامتحانات السهلة اللى جتلنا السنة دى
واحنا مش عارف مستريحين فى إيه !!!!!!
لما تلاقى 1000000000 طالب جايب 85% فى أدبى ، وعايزين يدخلوا أداب . هل هتفضل زى ما هى
بالطبع هترفع زى ما رفعت باقى الكليات وهبقى من 90% وأكتر ، عشان المجاميع
يعنى الكل تعب فى دراسته مش علمى بس ، والكل هيتظلم فى التنسيق
صح ولا غلط ؟