من الاخر الحال مش عاجبني

[كركركوكو]

المشاركة الأصلية كتبت بواسطة أرق ملاك

شكرااااااااااااا يا كركر ع الموضوع

بس صراحة انا حاسة ان احنا مش جيل فاشل لا احنا جيل عايز يبقى فاشل و ع فكرة انا ملاحظة اننا كلنا لما بيتعمل موضوع جميل زى بتاعك بنتناقش و بنقول حلول بس و لا شفت حاجة حصلت و لا شفت شباب اتحرك عادى كلام بنقوله بنطلع اللى جوانا انا يمكن اول مرة اقول كده بس بجد الموضوع فى ايد الشعب و خاصة الشبااااااااااااااااب

جزاكم الله كل الخير

المشاركة الأصلية كتبت بواسطة حــــH0samــــسام

ياجماعه نفسي نرجع بذاكرتنا ورا ونبص الحاجه كان فيها بركه إزاي لما أسره 7أو8أفراد تاخد أمهم جنيه وتنزل السوق تشتري لحمه وخضار وووووووو.. وترجع بباقي الجنيه وياكلو ويشبعو دلوقتي الجنيه يجيب لك حتت مصاصايه والبركه دلوقتي كمان راحت مصر فيها ثروات متعدهاش لتتعب منها قناة السويس والسد العالي والبترول والغاز الطبيعي والنايل سات وتوشكى والزراعه اللي خيبنا ورجعنا وره حكومتنا اللي اللي خلت مصر أرخص حاجه فيها البني آدم إذا مكنش ببلاش والسرقه ثم السرقه ثم السرقه

يرحم زمان وليالي زمان
جزاكم الله كل الخير

المشاركة الأصلية كتبت بواسطة amr_2010

لو الشعب بيقول لا مش هيحصل كل ده
لكن المثل بيقول يا فرعون ايه فرعنك قال ملقتش حد يلمني
الجمله دي قالها طلعت السادات في برنامج القاهرة اليوم علي الهوا وبعدها اتحبس
يا جماعه زمان لما اللحمة غليت بقت بجنيه الناس عملت ثورة وقالت احيه احيه كيلو اللحمه بقي بجنيه
ورجع تاني سعرها زي مكان
ولو مش عارفين اسألو الناس الكبيرة وهي تقولكو

جزاك الله كل الخير
هو ده اللي انا بدور عليله لما واحد بيتكلم الباقي بيقول انا مالي فلذلك الواحد بيعتقلوه انما لو الكل اتكلم الحال هيتغير

الحال هيتغير
ارحموا مصر
ارحموامصر
ارحموا مصر
الحلو يعود

[TEMO_KHALED]

بص يا كيمو يا حبيب قلبي ...هدي نفسك كدة وبراحة ...اولا لو فضلت تعد المهازل الي في مصر هايكون آخرك الخانكة من الآخر...اما بالنسبة للحاجة الاساسية وهي ارتفاع الاسعار ... بص يا حبي ... ماشاء الله في ناس في مصر بياكلوا اللحمة 21 مرة في الاسبوع او بمعنى اصح في ال3 وجبات يوميا ... وناس اصلا بتاكل اللحمة كل كام سنة مرة وناس بتموت من غير ما تدوقها.... ننتقل الى مرحلة اخرى وهو الانتحار المصري اليومي (رغيف السم الي بناكله )ماشاء الله العيش ماليان فيتامينات ... مسامير تلاقي .. قش تلاقي.... دبان تلاقي.. فيه كل حاجة والمشكلة انه كمان غلا يعني..... ننتقل الى مرحلة اخرى... الامراض..خلاص يا حبي احنا جتتنا نحست من الحاجات دي... دا بيحرقوا الزبالة قدام المدارس والمستشفيات ... ويكتبولك على علبة السجاير ضار بالصح ..بالذمة مش دي قمة السذاجة ... والمواطن الي بياخد 300 جنية في الشهر...تيجي تعترض ..يقولولك هو الي غلطان بيخلف كتير ليه ..وليه يخلف من اصله.... حضرتك الناس الرؤساء بياكلوا الاستاكوزا والجامبري و الشعب ياكل فضلات الحيوانات(آسف عاللفظ ) .. واحنا عاوزين نعمل حاجة ومستنين البيه سوسو لما يفكر فينا ...... ويفتكر ان البلد دي مسئوليته اولا ....