|
|
|
#1
04-08-2011, 03:01 PM
|
|||
|
|||
الأخ المحترم الاستاذ احمد كاتب الموضوع
كل سنة وحضرتك بخير .... رغم انى مشترك فى المنتدى من فترة الا انى عادة لا أشارك فى المناقشات الا نادرا ولكن ما دعانى للمشاركة الأن هو ان لى شهادة وجدت ان الله سبحانه وتعالى سيحاسبنى ان لم أقلها ... أولا أنا عشت فى السعودية كمدرس انجليزى لمدة 4 سنوات وبعدها رجعت لمدة سنة - هذا العام - والأن بخلص فى ورقى للعودة مرة ثانية ..وعايز أقول لحضرتك ان ظروف السفر والعمل تختلف كثيرا من شخص لأخر طبقا لما قدره الله لكل واحد منا .. -- أنا أتفق مع حضرتك فى كثير مما قلته بخصوص مستوى الطلاب فى السعودية .. وعدم رغبتهم فى المذاكرة أو الاجتهاد - دى حقيقة هم لم ينكروها وده السبب اللى بيخليهم يستقدموا المدرس المصرى لأنهم يؤمنوا - حتى لو لم يصرحوا - انه قادر على كل شئ من النواحى التربوية والتعليمية ... --- لأ أتفق معك فى ما قلته فى وصفهم رافضا التعميم وأقسم لك بالله العظيم ان فيهم شبابا زملاء تعاملنا معهم كالأخوة ودخلنا بيوتهم حتى أصبحوا أكثر من أخوان لنا .. --- هقولك على حكاية بسيطة من واقع الخبرة أيضا ، أنا عشت السنة الأولى فى كره تام لكل الوضع هناك حتى مع المدير اللى كنت دائما اعارضه وهو يتدخل فى عملى ويقدم لى الاقتراحات رغم انه ليس متخصص وفى أخر العام كتب توصية الراجل بأن أكون مع الراحلين ..وأمام أصرار وكيلى المصرى ومالك المدرس فى بقائى تقديرا لتعبى تراجع عن طلبه ... وبعد بشهرين فقط قررت أن أغير من جلدى وأجتهد فيما يتماشى مع طبيعة العملية هناك ..الانشطة الطلابية - الالتزام بالحضور - الابتكار لافكار جديدة - الالتزام بزى ثابت وهكذا ... أقسم لك بالله ان هذا المدير نفسه هو من كان السبب فى حصولى على معلم متميز على مستوى مكتب التربية والتعليم بالدمام ( أهم شهادة تقدير هناك ) والسنوات الاخرى التالية رغم انى كنت من أصغر مدرسى المدرسة ..حتى انه أصبح يأخذ رأيى فى كل ما يخص المدرسة ولا يأتمن سواى على أسرارها بمرور الوقت ..بعد أن أجتهدت وعملت ما على .... ساعات كتير يتصل أقوله أنا عندى درس مع طالب يقولى الله يرزقك بس عاوزك لما تخلص ..... وعلى فكرة انا روحت من هنا كنت مدرس اعدادى ولما وصلت كان مدرس الثانوى مشى اشتغلت مكانه تعبت معاهم شوية وبعدين أدمنت العمل فى المرحلة الثانوية هناك .. باختصار ..... العمل هناك له أسس للنجاح 1- الالتزام والصبر والهيئة المناسبة 2- الاهتمام بعمل الانشطة والبرامج الطلابية 3 - أن يرزقك الله بشغل خارجى وده مالى الدنيا وبالذات فى المدن الكبرى جده والرياض والدمام .. ساعتها هتصبح المدرسة بالنسبة لك تأشيرة فقط وسينصب جزء من أهتمامك على الدروس والفلوس وتزيد خبرتك - على فكرة اخى الحبيب انا تقريبا عملت معاهم بمبلغ يوازى ما اتقاضاه فى مصر فى 20 سنه كامله على الاقل رغم انى طلعت على مدرسة متواضعة الامكانات وده شئ كويس فى حد ذاته ... 4 - ودى أهم نقطة فى مثل هناك يقولك يا تشغل الطالب أو يشغلك هو ..بمعنى انك طول الحصه شرح ودفتر وأوراق عمل ودى الغلطة اللى بنقع فيها فى الأول لأننا بنروح هناك نفاجأ اننا أمام مجموعة من التيوس وتلاقى نفسك مخلص شرح بعد ربع ساعة بس وبعدها يبدأو هم يزهقوك ..لأ العكس هو المطلوب أنا أسف انى طولت عليكم لكنها شهادة امام الله وتنبيه لأى حد عايز يسافر ان السعودية ليست جهنم ولكنه شأن كل البلاد فيها الخير والشر ....فيها العمرة والحج والمولات والمدارس الكيفة والدروس والسيارة ... وفيها التعب والاجتهاد والصبر والتحمل ولكن تبقى السعودية هى السبب فى ذهابنا للحج لسنوات وأهلنا وأخواننا وعمل عمرة كل أسبوع لو تحب ..ولو الله رزقك يبقى مبلع محترم هترجع بيه اخر السنه ..والله على ما أقول شهيد أخوكم رمضان عوض مدارس ربوة الشرقية بالظهران سابقا وحاليا مدارس الاعتصام الاهليه بالدمام ان شاء الله 
|
|
#2
04-08-2011, 04:12 PM
|
|||
|
|||
|
ذكريات
لقد ذكرتني يا اخ رمضان بذكريات حلوة
لقد كنت اعمل في الخبر - حي الجسر وكنت ازور اصدقائي في الدمام وكنت في مدرسة ثانوي الطلاب فيها حدث ولا حرج وكان الوقت السيئ لي في السعودية فقط هو الوقت اثناء الحصة ولقد كان الكفيل يحبني لدرجة انه رفض انهاء عقدي بسبب طلبي ومنحني اجازة لمدة 9 اشهر وعدت مرة اخري لمدة عام ولكن لاوضاع والدي المرضية رجعت مرة اخري منذ سنتين ومازالت الذكريات تراودني كل فترة انصح كل من يريد ان يسافر ان يدقق في المكان لان السعودية كبيرة فمن وجهة اري ان المكان مهم جدا لقد عملت في حفر الباطن وفي الخبر وشتان بين المكانين والسلام عليكم ورحمة الله وبركاته
|
|
#3
04-08-2011, 06:31 PM
|
|||
|
|||
|
اقتباس:
ربنا يكرمك يا استاذنا ...انا اتشرفت بحضرتك .. مدام كنت فى الخبر أكيد كنت ساكن فى الثقبة ..صح ؟ لو صح تبقى أبو زمل انا فعلا بنتهز الفرصة واشكر الاستاذ احمد على التوبيك ده ...بس اتمنى اننا نقلب دفة الحديث عشان يبقى السؤال .. لو كان نفسى اسافر اعمل ايه ...ده المهم ؟؟
زى حضرتك ما قلت ...انت كنت فى حى الجسر ... فى العزيزية هناك مدارس الاوائل ..حبايبنا كتير ... اللى عايز أقوله يا جماعه المهم المكااااااااان ...يعنى انا اشتغلت فى الظهران ورغم انى طالع من هنا على 1800 شامله كل شئ فى الدنيا ...الا انى كنت بتحرك فى مثلث كامل الخبر والظهران والدمام بسيارة جبتها ب 4000 ريال بس وربنا بيوفق والواحد بيطحن من بعد الظهر لاخر الليل .... وكمان يفضل نسأل عن المدارس ...يعنى لو رايح الشرقية بلاش تروح الاحساء او القطيف او سيهات أو لو حتى الراتب 4000 ريال لان دى مناطق ميته جدا .. ربنا يوفق الجميع يارب ..أكرر تحياتى يا استاذنا
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 05:19 AM.
