ثورة معلمى أسيوط لعدم زيادة أجور المعلمين

[فارس البطل]

من فضلكم كل مدرس ليه اصدقاء معلمين من الشرقية او اداريين او مشرفين نشاط اواى وظيفة بالتربية والتعليم ان نتجمع كلنا امام مبنى محافظة الشرقية لعمل مظاهرة ضخمة يوم الاربعاء الموافق 10 اغسطس 2011 للمشاركة بمظاهرات حقيقية فعالة وباعداد ضخمة للضغط على الحكومة المصرية والمجلس العسكرى لزيادة اجورنا أسوة ببقية الموظفين فى الوزارات الاخرى.
ايماناً منا بقيمة المعلم بالنهوض بالمجتمع وملاحظة منا بالظلم الواقع على معلمي مصر الشرفاء فقد قررنا ان نثور من اجل رفعتنا وكرامتنا المهدره ومن اجل مساواتنا بزملائنا الموظفين فى الوزارات الأخرى
يمكن الدخول على الجروب والانضمام الينا فى الفيس بوك واسم الجروب
ثورة معلمى الشرقية لعدم زيادة أجور المعلمين
الدعوة لجميع المعلين والاداريين والعاملين بجميع مدارس محافظة الشرقية كل المدرسين اساسيين او تعاقد عايزين نعمل ثورة بجد مش مجرد مظاهرة
المظاهرة فى الشرقية يوم الاربعاء الموافق 10 - 8 - 2011 الساعة التاسعة صباحاً امام مبنى محافظة الشرقية ثم التحرك من الساعة الحادية عشرة صباحاً للوصول الى مديرية التربية والتعليم الشرقية والتظاهر امامها يمكنكم احضار لافتات معكم مكتوب بها شعاراتكم الخاصة

[هيما2011]

ثورة المعلمين الى الامام
ماضاع حق وراءه مطالب

[احمد عبد الرحمن مخلوف]

ياريت ما يبقاش كلام في الهوا , في لاخر تلاقي 10 او 20 مدرسين معظمهم بالتعاقد

[محمدبدران النجدي]

[quote=ابوالوفا السوهاجى;3794332]بلاش طمع
بتاخد كادر 125%
بتاخد مكافاة 85%
بتاخد حوافز 25%
وبتدى ردوس وقاعد فى الصيف فى بيتك

احمدو ربنا على النعمة ولا ربنا يزولها منكم

موظف بالصحة
اطلع بره منتدى المعلمين وحافظ على كرامتك احسنلك منتش قد المعلمين انتوا اساسا موظفين ملكوش لزمه وبتلهفوا فلوس من الدوله خسارة في جتتكم وجاي تتكلم علينا انت بتروح الشغل يوم ايه في الاسبوع والساعة كام وبتعمل ايه طبعا الجواب ولا حاجة

[ماجد جمال]

ابعد عنا انت داخل عشان تشتتنا يالى معندكمش ذمة يا بتوع الصحة ابعدوا عنا .يالى الاطباء سابوا المرضى على الاسرة علشان الفلوس و حتى انتوا جايين تعملوا اسود علينا يا شوية فئران.يا ريت محدش يقولى انت معلم بلاش الغلط ده اقل واجب للبيه اللى داخل يفرسنا و يبعدنا عن هدفنا الاصلى

[ماجد جمال]

ابعد عنا انت داخل عشان تشتتنا يالى معندكمش ذمة يا بتوع الصحة ابعدوا عنا .يالى الاطباء سابوا المرضى على الاسرة علشان الفلوس و حتى انتوا جايين تعملوا اسود علينا يا شوية فئران.يا ريت محدش يقولى انت معلم بلاش الغلط ده اقل واجب للبيه اللى داخل يفرسنا و يبعدنا عن هدفنا الاصلى

[ماجد جمال]

انا معاكم يوم الاربعاء انا و اخى و اصحابى. اه يا دولة الظلم

[طلعت احمد]

لابد من حصولنا على حقوقنا
حتى نتساوى بالغفير حته
احنا محصلناش مرتب الغفير

[raafats2004]

صرح الدكتور أحمد جمال الدين موسى، وزير التربية والتعليم، خلال مؤتمر صحفي عقده اليوم، بديوان الوزارة، بأن وزارته لم تتلق أي تهديد من المعلمين بالإضراب عن أعمال مراقبة أو تصحيح الثانوية العامة، كنوع من الضغط للاستجابة لمطالبهم.
وقال الوزير لا يصح أن نلتفت لمجرد تهديدات ضعيفة انتشرت على لسان نقابة لا تضم أكثر من 10 أعضاء على الأكثر، يقصد نقابة المعلمين المستقلة، خاصة أن هناك غيرهم مليون و300 ألف معلم على مستوى مصر من الوطنيين الذين يخافون على مصلحة أبناء مصر أهم من الخوف على مصالحهم الشخصية.
فى قلة ادب وعدم احترام اكتر من كده يقول ان اللى هددوا بالاضراب مش اكتر من 10 اعضاء
يوم الاربعاء 10-8-2011 موعدنا فى اسيوط من الساعة التاسعة امام مبنى محافظة اسيوط ولمدة ساعتين ثم مسيرة الى مديرية التربية والتعليم باسيوط
عايزين نعرفهم اسيوط ورجالتها وعددهم قد ايه
وهنطالب باسقاط الوزير الفاشل ده
كل واحد يكتب الشعارات على لوحة ويجيبها معاه
وكل واحد عنده شعار يكتبه فى الردود
ويا ريت كل واحد يجيب كل اصحابه معاه
عايزين على الاقل 1000 شخص يهزوا المديرية وتكون الثورة فاعلة
ثورة الى النهاية

[raafats2004]

عضو فى لجنة السياسات أيام جمال مبارك وسلملى على الحزب الوطنى
يسقط عميل النظام السابق
يسقط وزير التربية والتعليم

[حمدى السيد 89]

يا بتاع الصحة كنت اذهب بزوجتى للمستشفيات وهى المصابة بمرض خبيث ونجد الأطباء مضربين وتم لهم ما أرادوا . فهل تصمت ام انك من المكابرين؟