اقتباس:
المشاركة الأصلية كتبت بواسطة شيشانا
اه انا متفقه معاكى بس الغش مكنش السنه دى بس والغشاشين موجودين فى كل سنه
بس انا ممكن اقوللك ان امتحانات السنه دى كانت اسهل شويه من امتحانات السنه اللى فاتت
انتى عارفه فى ماده المستوى الرفيع غالبا كل الطلبه الى معايا فى اللجنه دخلوا الحمام وليه علشان الحمام كان مليان مذكرات المستوى الرفيع بقولهم ازاى قالولى المس تفتشنا قبل ما ندخل ونخش جوه نقرا اللى احنا عايزينه ونخرج تانى يا سلام وبالنسبه لبلدنا فربنا يسترها فى المرحله الجايه ونشوف بقا التغييرات والاصلاحات بس بصى سيبك من الكلام الموزون وخلينا فى الجد شويه انا فعلا هزعل لو مدخلتش علوم دى حقيقه وهو اه فعلا ربنا مش بيضيع تعب حد بس الواحد هيكون فعلا زعلان انا بعد ما جبت مجموع تانيه كنت بفكر كتير اوى بيطرى واحلم بيها عشان جنب بيتى وكمان ماما دكتوره فيها وفلا الاخر مكنتش فى نصيبى وعلوم بقا هتبقى الصدمه الاخيره وبعديها معتقدشى انى ممكن احس بحاجه وهمشى فى كل حاجه بدون احساس حتى ولو قالولى خشى زراعه او حقوق وخلاص مش هتفرق
طبعا انا متاكده ان الله لا يضيع اجر من احسن عملا بس باردو مش هكدب عليكى واقوللك انى كنت بذاكر ال24 ساعه زى اوائل الثانويه العامه وانا عارفه ان ربنا هيدينا على اد عملنا
بس باردو يعنى انتى لما عرفتى مجموعك مزعلتيش خالص لو قلتى اه هقوللك انتى بتضحكى عليا
على العموم ربنا يوفقنا كلنا
انتى قلبتى عليا المواجع متسيبيها فى حالها
هههه
وربنا يوفقك يا رب
هى نتيجه التنسيق ممكن تطلع الحد باليل ولا لا على النت
|
ههههههههه لا والله دة انا حتى وانا بقرأ كلامك حسيت اني بسمع صوت نفسي بيكي انت اصلا متعرفيش انا كنت منهارة ازاي و والله و الله انا فعلا وصلت لمرحلة كل ما كنت افتكر اللي حصلي السنة دي من كتر العياط الاقيني بضحك و والله و صلت لحالة هستيرية اوكي بس تعرفي مش هكدب عليكي انا فعلا مكنتش راضية خالص خالص و عارفة استغفر الله العظيم يعني قعدت افكر اني لو اقدر اقلب الدنيا راس على عقب كنت عملت و فعلا يمكن كنت اصعب منك و مش هقول كنت لاننا عارفين انه فعل ماضي انا برده الوقتي زعلانة و بقول لنفسي يمكن برده ملحقش علوم بس خلينا لا نستبق الاحداث
عارفة انا يمكن عملت تظلم ع العربي و الانجليزي و فعلا اجاباتي زيس النموذج بالضبط يعني لو خدت الدرجات اللي ليا هكون جايبة 96 وحسة اني مش هاخد ولا درجة يعني انا برده مصيبة اكبر
على العموم احنا الاتنين مقدمين علوم و احنا الاتنين مجموعنا قريب جدا من بعض و ان شاء الله نلحقها و لو ملحقنهاش متخفيش انا مش هقولك ممكن اعمل ايه بس اي حاجة هعملها هناديكي معايا فيها عشان نبقى زملا هههههه المهم بصي يا بنتي انا قبل ما اقرا موضوعك بيوم واحد و والله و مش بكدب انا عيط بعد الفجر و انهرت و لقيت وحده صحبتي ع الشات معايا هي ماشاء الله جابت 99 و دخلت اسنان لان دي رغبة باباها المهم كلمتها و هي فعلا ما شاء الله مؤمنة جدا و قالت لي و كلمتني و بعدين قلت لها انا بس محتاجة شوية وقت عشان افوق م الصدمة لانها بجد صدمة عمري ما توقعتها ابدا و بجد كنت مخنوقة بالعايط لان عامة كل ما كنت اعيط اعيط بسكات من غير صوت فالمرة دي بقة رحت معيطة بصوت عالي جدا جدا و والله بعد ما سمعت كلامها عن حكمة ربنا و ان ربنا كاتبلي ان شاء الله خير حتى لو فين المهم العاملين اشتغلو مع بعض كانهم معادلة كيميا العياط و الكلام المهم تخرجي اللي جواكي لما نمت و قمت كانت عينيا ورما من كتر العياط بس حسيت علا براحة اكيد مش راحة قوي بس ارتحت جدا فانت كل اللي محتاجاه حد يتكلم معاكي و تعيطي او تخرجي اللي جواكي باي طريقة ان شالله تصرخي لان دة عامل نفسي مهم بريح جامد و بعد كدة تستني النتيجة التنسيق ع نار برده و ان اشاء الله هيجيلك علوم يا جميل كمان انا فعلا بقول لنفسي زيك بالضبط انا مكنتش بذاكر زي مثلا اوائل ث عام بس ع الاقل كنت بذاكر و انا عارفة نفسي اوكي فصدقيني انت كل اللي بتقوليه مر عليا و مش بقولك ان انا بقة بت متقية قوي و خلاص مزعلتش ع اللي راح و الله انا كنت زيك بس صدقيني كل اللي انت عايزاه انك تصرخي شوية بصوت عالي و لو خايفة حد يسمعك و يقول عليكي مجنونة يبقة عيطي بصوت عالي المهم تخرجي الحزن اللي مكبوت هي فكرة عبيطة قوي قوي جبتها من مسلسل the mentalist بس والله نفعت هههههههههه جربي و ادعيلي و استني التنسيق
07-08-2011, 02:16 AM
العرض الشجري
