حرام عليكم يامعلمى مصر

[طه السعدني]

[quote=ahmedalkber;3803291]الرجاء من المعلمين احترام البلد وبلاش اضرابات وكفايه ان البلد سيباكم بتعطو دروس خصوصيه وبيصل دخل الواحد منكم الى اكثر من 10 الاف جنيه ولم تحصل منكم البلد اى ضرائب وكمان عيزين تعملو اضرابات على العموم البلد منيانه مؤهلات هليات وشهادات تربيه نايمه بالشوارع مش لقيه واتمنى من وزارة التربيه والتعليم كل واحد بيعمل اضراب يفصل من عمله لان مصر فى مرحلة بناء اعلم انه ده مش هيعجل كثير من الاخوه بالمنتدى ولاكن هذا واقع وبلاش الكلام عن الاضربات والا نطالب باغلاق هذا الموقع الذى يقوم بالتحريض وخراب البلد وشكرا[/quote

يا أخي الكريم المعلمين الذين يتقاضون هذه المبالغ معدودون على أصابع اليد الواحدة لما أصابهم من شهرة ساعد عليها غباء الأهالي و الرغبة في الشو الاجتماعي ( شغل ستات ) علشان تقعد الهانم مع معرافها وتقول والله والله المستر بتاع الولاد بياخد في الشهر ........ مائة جنيه
و السنة كلفتنا فوق العشرة آلاف جنيه و المستر الساعة بيضبطها بالثانية و بس و الولاد تطلع من عنده تتكلم ده عربية نوعها ..... و لا نظارته بولس ريبان و كارير ...... وميدالية مفاتيحه ذهب صيني
وفي الآخر كام المجموع مفيش ليه لأن الناس خدت المظهر
ونسيت إن اللي بيربوا بصحيح ناس بيحبوا مهنتهم و ميهمهمش الشو و لذلك المدرس المحترم عمره ما يتظاهر بمنظره أبدا
وأخيرا ليس كل المعلمين من هذه الفئة الأفية شأنهم شأن الأطباء منهم اللي شغال في عيادات شعبية ومنهم نجوم التليفزيون اللي بيقبض من الفنانات بالدولار أصله بيخسس كويس و بيعمل رجيم سحري
خلاصة الموضوع العيب في الناس اللي تظن إن الدروس هي الأفيونة اللي الطالب حينجح بيها وبس
وقفة الدروس الخصوصة محتاجة قناعة ووقفة من الناس قبل الحكومة و الدولة
و كمان أنا كمدرس لو قبضت راتب جيد و محترم إيه اللي حيخليني أنزل أشتغل دروس بعد الظهر
وبعدين هي دي الشغلانة اللي أعرفها ذي الدكتور
مينفعش أسوق تاكسي و لا محل بقالة ( ليس انتقاصا من أصحابها ) و لكنها الأقرب