ياجماعة أنا كل يوم بدخل على الموقع علشان أشوف استفسارات لكن للأسف مش بلاقى وبصراحة بلاقى كل الناس عماله تهنى بعضها أنا حاسس ان الناس دى مقضياها رمضانيات بمعنى الكل بيقول للكل بارك الله فيك وكتر من امثالك أوكى انا ما اختلفتش
بس اللى اعرفه ان لكل مقام مقال انا علشان اعلم حد لغة يبقى لازم اراعى حاجتين وهما تعليم اللغة وازاى الطالب يتدرب على الامتحانات وهو دا الاساس والا مايبقاش فى غرفه للفرنساوى ولا للرياضة ولا الاقسام التانية كله يبقى واحد ونسميها بقه برافوووووووووووو عليك وربنا يخليك لنفسك مش لينا طبعا لاننا مش هنستفيدمنك
ياجماعة أنا والله مش عايز أحبطكم ولا أضايقكم بس انا فعلا عايز افيد واستفيد من فكرة جديدة او طالب يسال وأجاوب عليه فعلا انما كده مش نافع والله
أخر حاجة احب أعرفهالكم ان احنا لو استمرينا على كده بازن الله انا متأكد ان الطالب لواعتمد على الموقع بالطريقة دى يبقى ان شاء الله يكتب فى الامتحان جزى الله من وضع الامتحان وينسى ان فى امتحان اصلا
25-02-2008, 12:44 AM
العرض الشجري
