هل يعلم السيد الدكتور الفاضل / عصام شرف من هو المعلم انة الذى خرج من تحت يدية امثال الدكتور الفاضل وعظماء اخرين امثال طة حسين وزويل والبرادعي وفاروق الباز ومجدي يعقوب ويحيي المشد، .... الخ لقد جعلت الحكومة الحالية كسابقتها فى ظل النظام البائد لا رجعة لة المعلم فى اخر اولوياتها واهتمامتها والدليل على ذلك ان الموظف اى كان فى اى مؤسسة او هيئة حكومية سوف يفوق اى معلم بل الاسو ء من هذا ان الادارى الذى حصل على دبلوم بالعافية النهاردة هياخد اكتر من المعلم مش كدة وبس النكتة الكبيرة ان وزارة الداخلية علشان سابت البلطجية ايام وبعد الثورة فى الشوارع وكمان ادتهم سلاح ودلوقتى متلاقيش عسكرى مرور واحد حتى يوحد ربنا واقف فى مكان ريفى ذى محافظة البحيرة ولا كفرالشيخ وغيرها وعشان همة مبيشتغلوش وسايبين البلد بايظة لازم يتكافو ا ب 350 % من المرتب دا حتى المحولجى والله ما باكدب عليكم ان كنت النهاردة مع واحد محولجى فى السكة الحديد معاه دبلوم وشغال من 8 سنوات والله اقسم انة بياخد النهاردة 1500 جنية مش كدة وبس دا الوزير بتاعهم المحترم اداهم 500 جنية علشان رمضان ربنا يبارك لهم المهم اننا والله لو لم نتحد اليوم ونقرر جميعا الذهاب يوم الاربعاء عند الوزارة ونطالب بالعدالة بكل ادب واحترام وناكد على حقنا ومنرجعش الا بية لاننا لو اتكلنا على بعض ومحدش راح وقلنا فى نفسنا غيرنا هيجيب لينا حقنا يبقى بتحقق على بعض لان الثورة علمتنا ان مفيش شى بيتحقق الا من خلال الوحدة والتجمع لاننا بعد كدة مش هيقوم لينا قومة لان بعد كدة مفيش حد هيقدر يتكلم كلمة واحدة بعد بناء المؤسسات بتاعت الدولة من جديد مجلس شعب وشورى ورئيس ومحديش يلوم غير نفسة علشان كدة خلينا كلنا ايد واحدة ومنستناش لاول الدراسة لا يوم الاربعاء جميعا فى الوقت اللى بطلب من السادة المنظمين للافطار الجماعى يحددوة بالظبط واليوم بالتاريخ وفى اى مكان بالظبط وربنا معانا ان شاء الله لاننا مش بنطالب غير بحقنا اللى ضاع من سنين ونرجعة بكل ادب واحترام على امل اللقاء ان شاء الله .........
|
08-08-2011, 01:44 PM
العرض المتطور
