بالنسبة لموضوع شخص غامض وراء ستار انتظروا المفاجأة المدوية قريبا

[الأستاذة ام فيصل]

معلومات لاتقبل الشك
اللي ثبت الموضوع الاستاذ ابو بطة
واللي الغى التثبيت الاستاذه ام شاهندة
وانا غلقت الموضوع

[الاستاذ محمد سرور]

المشاركة الأصلية كتبت بواسطة صوت الامة

يا جماعة ياريت الى عندة اى اثبات او دليل
يعملة ملف ويرفقة فى موضوع
ويرسلة للادارة مرة واحدة ويا ريت بلاش الاشهار كدة
يعنى الطريقة مش ظريفة ولا تليق بينا ابدا ابدا

انا بسبب الموضوع دة تم اهانتى 4 مرات وارسلت شكوى لكل اعضاء الادارة
ومضى على ذلك 20 يوم وحتى الان لم تتخذ الادارة قرار

[BaNZeR]

بخصوص نقطة الوقف زي ما قالت استاذة نغم
هو بالفعل كان عامل موضوع طويل اصر فيه على طلب حذف العضوية في حوالي صفحة وشوية
بدعوى ظلمه باتهامه بالالحادية والعلمانية وما إلى ذلك

في البداية كنت متعاطفاً معه معتقداً ان عنده بعض المفاهيم الدينية الخاطئة
التي يمكن اصلاحها
بس بعد كدا اكتشفت إنه ادنى المفاهيم الدينية عنده ضايعة !
فمثلاً ... الحجاب وجهة نظر ومش فرض
ولما اندهشت ... قالي مستعد اناقشك
قلتله ساعتها ... الناس بتتناقش النقاب فرض ولا جائز
وانتي بتنفي فرضية الحجاب اصلاً !!


^^^^^^^^

عضوية هاني وماجي
معرفش ليه امبارح بس جه في بالي إنهم في احتمال يكونوا لنفس العضوية
بس اللى هو بهزار يعني لإنه الامر شبه مستحيل
خاصة بالقصة اللى اقنعني بيها هاني ساعتها

*******

هاني كان كل علاقتي بيه هنا في المنتدى
كتير من القدام هنا يعرفوا انه هاني هو محمد
كتير يعرفوا انه هاني "ازهر" وده كان غريب على حد زي هاني
وبيدرس في الجامعة الامريكية وبيدرس لغات

بصراحة مفكرتش الحوار ده كتير
احتمال يكون كان في حتة وحول حتة تاني

والله ما بقيت فاهم حاجة

عامة انا شفت الجزء الاول الصبح قبل ما يبتدي
ومهنش عليا انقله قبل ما اعرف قصته
وبالنسبة للتوبيك التاني ده

فأنا منتظر اي اضافات جديدة للموضوع

لإني مازلت حتى الآن لم اركب بعض الجمل على بعض
ومش كل الاجزاء اقتنعت بيها
ويهمني اي حد معاه اي كلام تاني عنه
بس طبعاً
لا نريد جعل الموضوغ ساحة للاتهامات المرسلة والباطلة

[عاشقة الطفولة]

والله ما انا اللي ثبته

انا اصلا كنت بسال مين اللي ثبته وطلع حد من الادارة

[usernamo]

سيدى الفاضل ... سبق لى و قلت لصوفيا انى اشك فى ماجى و العضو ايساف و سبق لى الخناق مع ايساف ...

يا جماعه لن يفيدنا ما نقوم به .. فالمنتدى ارقى من مليون شخص .. ارجوكم .. و لنغير بيت الشهر الذى يقول :
إذا تكلم السفيه فلا تجبه
الى ..

إذا كذب السفيه فلا تجبه فخير من إجابته السكوت .. و عدم اضاعة وقتنا الثمين يعنى عليه ..

[Sofia El-behairy]

يا مستر محمد سرور

انا يوم رساله وداع كانت تقريبا الوقت فجر

جت لى رساله من واحد اسمه ايساف ( مش اعرفه ) و قالى انه صاحب هانى

و قالى ان هانى طالب منى انى انشر رساله و بس

يعنى كانت امانه

و كنت ساعتها عارفه ان هانى موقوف بمزاجه زى ما قالى و زى ما صاحبه قالى

و نشرت فعلا رساله


و بعدها باسبوعين عرفت ان هانى مش اتوقف بمزاجه

ساعتها سالت الاداره و عرفت كلام صح

و الاخت ميريام عملت موضوع لعوده هانى

و انا قلت لها انى ضد عودته و قلت ده له مباشره و قلت ده كتير

[king 99]

قلت لصوفيا النهاردة الصبح ان الموضوع لن يمر بخير لسبب بسيط انه فيه مشرفين معروفين فى المنتدى مشكوك ان لديهم عضويات بديلة اولا المنتدى لا يمنع العضويات البديلة وانا شخصيا والكل يعرف ذلك وبالأمكان البحث بالأى بى الخاص بى لا يوجد لدى فى المنتدى سوى هذه العضوية وكان فيه واحدة من تقريبا سنه ولم تستمر 3 ايام عموما احنا متفقين ان المنتدى لا يمنع العضويات البديلة

ثانيا بخصوص الخروج من المنتدى هانى قال لى انه طلب هذا الطلب منذ فترة طويلة وليس كما يقول الأستاذ محمد انه واحد بيتعدم فطلب الأعدام لا لا خالص ومش كل الكلام بيبقى فى صوت الأعضاء لأنه من وجهة نظرى الشخصية هذا القسم تحديدا لا يفيد فى شيىء فكل ما ستناله هناك هو " تم التعامل مع الموضوع " او عدم الرد وخصوصا لما يكون شكواك ضد مشرف وانا مثلا ويشهد على كلامى الأستاذه نغم محمد طلبت منها ان اخرج ولكن اقنعتنى بالبقاء ولكى استريح قليلا قالت لى ممكن تتوقف شوية عن النقاش وكده فهل قمت انا بعمل موضوع فى صوت الأعضاء ؟؟!!

ثالثا وهى فكرة الظلم فالظلم فى المنتدى موجود منذ وقت طويل من بعض المشرفين والنهاية واحدة فى كل مره خروج الأعضاء او على الأقل توقفهم عن المشاركه يعنى مثلا منذ تقريبا عام كان فيه مؤيد لجمال مبارك وهو مشرف وكان بيحمى موضوعه مشرف ولم يسمح لعضو بأن يقوم بالرد وكل ما نرد يتم حذف الردود وبالأمكان ان تسأل استاذ توفيق عزت وايضا كان فيه mr web وغيرهم الكثيرين اين هم الأن ؟؟
منذ وقت قسم من اجل مصر كان بيتم حذف كل ردودنا وهذا سبب علاقتى وقتها بهانى وبغيره من الأعضاء مؤيدين ومعارضين لوجهة نظرى يعنى انا اعرف هانى واعرف فارس الدعوه واعرف استاذ ضياء وان كانت معرفة ليست عميقة ولكن اين كل هؤلاء ؟ نعود لقسم من أجل مصر فكان هناك مشرفين يتم الأن محاولة جعلهم ابطال كانوا سبب فى مشاكل المنتدى الى هذه اللحظة وكانوا يحذفون كل الردود التى لا تعجبهم والأدارة لديها شكاوى كثيرة منا ولم يتحرك احد ولهذا السبب اعتقد بأن قسم الشكاوى لا قيمه له ولكن ما باليد حيله هذا هو الجزء الوحيد لهذا

ارجع للموضوع تانى وهو العضويات البديلة فهناك العديد من الأعضاء لديهم عضويات بديلة وللأسف كل عضوية باتجاه معين واذا كنا نريد الحقيقة فلنتوقف عن حوار هانى فالراجل مش موجود ليرد وايضا الكل عرف انه سلك طريقا خاطئا فى الكذب وما الى ذلك وايضا لكل حادثة مما ستعرض اكثر من اتجاه من الممكن انك ميكونش عندك علم كاف بها وطبعا هو مش موجود فلن يقدر على الإيضاح ولكن اذا كنا نريد عودة الهدوء للمنتدى فمن رأى ان الأدارة باستخدام الأى بى بتاع العضويات تظهر كل عضوية فى المنتدى والعضويات البديلة التى تخص نفس الأى بى ولكل عضو حق الرد بخصوص عضوياته البديله

[Dr. Hoda Ahmed]

حاسه اننا داخل فيلم اكشن ممكن دائرة كدب فظيعه مش ف منتدى تعليمى


ما بقتش بستغرب اللى بيحصل ف المنتدى !!!!!!!!!!

ربنا يهديه

وما خفى كان اعظم

[usernamo]

يعنى هو احنا مش فى رمضان محدش عامل حساب البنات اللى بتتجاب سيرتها فى الرجلين دى .. لو دى بنتك او بنت اى حد هنا يرضى اسمه بنته او اخته تيجى فى الموضوع و الله ما هيرضى و هيولع فى المنتدى باللى فيه لو طال ..

صونوا بناتنا و امسحوا الموضوع و الادارة فقط التى تناقشه فى قسم المديرين و ليس قسم المشرفين ده منتدى تعليمى مش اصحاب و خيانة دوت كوم بلاش بقى اللى انتوا فيه ده