التعليم بايظ

[ENG.HAGAR]

انتو عارفين يا جماعه انا اتعلمت في السعوديه لحد سنه خامسه ووالله معرفتش يعني ايه غش الا لما نزلت مصر ولقيت الms بتغششنا في الفصل اما في السعوديه محدش يقدر يفكر انه يغش

ممكن يكون كلامك قاصر على مدرستك .
لكن فعلا الشعب السعودى ما فيهوش السرقة اللى هنا لانهم اولا مرتاحين جداا ماديا غالبيتهم طبعا مش كلهم
الى جانب ان نسبة كبيرة منهم بتتعلم فى الغرب فمش فارق معاهم المجموع لان اى شهادة فى الوطن العربى مش معتمدة بالنسبة للغرب . !

انا اصلا مش معترف بالتعليم المصري ده ده دي مجرد شهادة عشان الجواز وخلاص

!! غريبة شوية !!
بس لطيف جدا التعليق ده

اولا انا اقترح

نناقش

مشكله المناهج

طيب مشكلة المناهج هنتكلم اولا عن كل يوم عن مرحلة معينة من التعليم هنبدأ بالتعليم اللى هو الكى جى .
وياريت يا جماعة ناخد الموضوع بجدية من بداية الكى جى لان دى مرحلةبردو مهمة جدا والله .
هنبدأ انهاردة ان شاء الله بس الدكتور شامى هيضع معاد معين ياريت ما يبقاش فى وقت التراويح .
وكلنا ان شاء الله هنرضى بيه .

[Shamy shemo]

المشاركة الأصلية كتبت بواسطة eng.hagar

طيب مشكلة المناهج هنتكلم اولا عن كل يوم عن مرحلة معينة من التعليم هنبدأ بالتعليم اللى هو الكى جى .
وياريت يا جماعة ناخد الموضوع بجدية من بداية الكى جى لان دى مرحلةبردو مهمة جدا والله .
هنبدأ انهاردة ان شاء الله بس الدكتور شامى هيضع معاد معين ياريت ما يبقاش فى وقت التراويح .
وكلنا ان شاء الله هنرضى بيه .

اى وقت انا فاضى بصراحه علطول

اختارى اى وقت وانا موجود معاكى

[bahaaeldeen]

هناك ثورة ياريت الكل يشارك


http://www.facebook.com/event.php?eid=191065487624100

[ahmed kano]

بصراحه باين من الموضوع ان التعليم بايظ على أخره خالص
وبان من التنسيق اوى فى ناس اتضربت جامد
مثلا يعنى اللى جايب 96.2 % دخل علوم واللى جايب 90.5% دخل نفس الكليه بردو
واللى جايب 94.5% دخل اثار زى اللى جايب 88%
يعنى بصراحه ناس تعبت جاااامد اوى وفى الاخر مفيش اى حاجه خالص واللى جايب 93.5% كمان ومدخلش هندسه ولا طال اى حاجه مع ان اللى كان جايب 92% دخل هندسه قبل كده

امتحانات السنة اللى فاتت لما جت صعبة فى المعقول كله اشتكى و كانت ثورة لاولياء الامور بس لما طلعت النتيجة حسيت انه فعلا الناس بان مستواها اوى الحقيقى اللى ذاكر فعلا ذاكر واللى مذاكرش اللهم الا قليلا اللى زودهم او قللهم التصحيح
السنادى الامتحانات كانت سهلة و كله اتساوى و الناس فرحت بس للاسف فى ناس كتييييييييييير اتظلمت كتير اوى كمان يا عزيزى هى مشكلة ثقافة فى الاول مش مشكلة تعليم انه الكل يدخل ثانوية عامة و انه لو دخل مجال تانى مش هيقدم و دى ثقافة مش هتتغير ولا قى يوم و لا قرن حتى و لازم تشجيع من الدولة للمجالات الاخرى فى التعليم ده خطأ اساسى فى المنظومة التعليمية
و انت قلت التعليم بايظ و الكلمة مفيش منها اسهل منها و بعد كده جبت التنسيق ايه العلاقة مش فاهم و بالعكس اللى حصل فى التنسيق شايف انه تصحيح لللى بوظوه فى الامتحانات السهلة

بصراحه حاجات تشل
غير كده المناهج اللى تشل اوى اوى
وبالذات قصه العبقرى طه حسين
والفول والبسبوسه والقرشين والارانب والكرنب والترعه والبنت اللى قالها انا بحبك وبعشقك وقلبى ياعينى عليه

انا شايف ان المناهج معظمها كويس لكن عملية تنظيم دراسة المناهج دى هى اللى تشل ولو قلت امريكا هقولك دولة متقدمة و بتدرس مناهج متقدمة لكن لو حولنا هلى المانيا ما هى دولة متقدمة لكن بتدرس مناهج كلاسيكية زينا .. الجوهر فى كيفية الدراسة
و بالنسبة للقصة العقيمة بتاعة العميد طه حسين اللى كنت بحبه قبل ما ادرسه لو هتسأل كان فى قصة احسن من كده لكن اتوقع انهم جابوا القصة المتلغبطة دى برضه لمصالح و المشكلة فى الاول و الاخر مش هتبقى فى القصة يعنى يا نجم معتقدش ان فى حد بيشتكى منها فى امتحانات يعنى و لو عايز تثقف نفسك و مضايقك اوى الموضوع ده الكتب ما أكثرها

فى النهاية انت جبت سيرة التعليم بايظ و دخلت الموضوع لقيتك بتتكلم على التنسيق و انا من وجهة نظرىالمتواضعة شايف انه مفيش علاقة بين ده و ده لان التنسيق اللى بيحدده الاعداد مش التعليم ة و بعد التعليم الثانوى اصلا و قبل الجامعى زى كوبرى كده

التعليم = مناهج = كيفية دراسة هذه المناهج = امتحانات محترمة تحترم مجهود الطلبة

و فى الاخر كل واحد مش هيعترف انه قصر فى المذاكرة لانه فعلا مفيش حد بيقصر الا الضايعين لكن فى حد بيتعب اكتر منك

[ahmed kano]

ده مش دعوة للغش ولا حاجة لان كلنا عارفين ان الغشاش ماله حرااام وهيعيش طول عمره تعيس فى حين الشخص المحترم ده طول عمره هيعيش مرتاح حتى لو حياته ماديا صعبة

هل فى حد مش بيغش مش عارف كده .. أكيد الكل عارف كده .. بس لو اتزنق للاسف هيغش لانه داخل مجال مش مجاله فبالتالى مش هيعرف يعديه الا كده

للاسف الشديد لو حد اتكلم على مضوع التعليم فى مصر هيتجاوب عليه وهو ايه اللى عدل فى البلد دى !!

• فى حاجات كتير حلوة اوى فى البلد دى مهملة فى حاجات كتير جدا جميلة و منظمة و الحاجات التانية جميلة بس مش منظمة .. هى دى المشكلة عملية تنظيم مش أكتر ولا أقل

عارفين الاساتذة اللى قاعدين على ترابيزة بيعلموا بطريقة واللى قدامهم بيعلموا بطريقة تانية فين العدل يا بلد العدل !
وشايفين بعينينا المدرسين اللى بيسمحوا بالغش الجماعى ولا حرج !

انت قلتى فى موضوع الرابطة مش عايزين نكون محبطين .. و انا شايف فى ردك ماشاء الله الهم لا حسد الاحباط بعينه اديكى يعنى بلوك دلوقتى

انا مثلا حصل معايا موقف اتفضلوا اسمعوه

اهو هو ده اللى مضيع طريقة الحوار فى البلد دى و مضيع البلد اصلا جملة " اسمع بقى يا سيدى " على رأى حسن الاسمر مش بالذمة ده يبقى حراااااااااااااااام .. احكى يا شهر زاد

لو عايزين نصحح من التعليم لازم نكون كطلبة مهيئين لكدة نفسيا يعنى بمعنى اصح نبطل غش نحترم المراقب علشان هو يحترمنا وكمان نبلغ عن اى حاجة لو شفناها وما نخافش من حد انا اللى خلانى مااتكلمش تانىمرة لانى كنت بحاول اركز جداا فى المسالة والوقت كان ضيق

يا باش مهندسة حضرتك شايفة لو عملنا كده التعليم يبقى اتصلح !!!
هل التعليم امتحانات و تنسيق

يعنى مثلا فى البيت لو اتعلمتى تطبخى مثلا هل ده فيها امتحانات و تنسيق هل ده يعنى انك متعلمتيش حاجة جديدة !!!!!!!

كان من الافضل انكم تعملوا اسم الموضوع التنسيق بايظ كان هيبقى يليق اكتر

[ahmed kano]

بس التعليم هو سبب الفساد ده احنا لو اتعملنا صح واتعلمنا حاجات مفيده فى المدرسه وبالذات الابتدائى والاعدادى كنا هنكون تمام ونعرف وندى كل حاجه حقها واية مطلوب مننا وعلينا بجد كل الحاجات دى لو اتعملت حاجات كتير اوى هتتغير ومفيش بلد هتتقدم بجد غير بالتعليم الصح والاحترام

هل انت متعلمتش فى ابتدائى ولا اعدادى اى حاجة مفيدة .. انا شايف نفسى انى اتعلمت حاجات كتييييييييييييير زى مانا شايف برضه ان الناس للىهى بتقول انا متعلمتش حاجة .. بتقول كده لانها كانت بتذاكر عشان تنجح بس مش بتذاكر لمتعة المذاكرة و انها تتعلم حاجة جديدة و نتيجة لده هتنجح من غير ما تكون تعبانة اوى كده زى حضرتك

النظام ربع المشكله

صدقنى النظام هو المشكلة و مش لازم يكون نظام فى طريقة العمل لكن يكون فى نظام برضه فى طريقة التفكير

كل المشكله فى التعليم والله

طبعا كل المشككلة فى التعليم بس مش اللى انت اتعلمته كل المشكلة فى التعليم لان بلدك فى اكتر من نصها جاهل و أمى و لو عايز تعرف انت اتعلمت ولا لا قعدت مع حد جاهل مهما كان سنه هتعرف قيمة اللى انت اتعلمته

[m_cabo]

المشاركة الأصلية كتبت بواسطة ahmed kano

هل انت متعلمتش فى ابتدائى ولا اعدادى اى حاجة مفيدة .. انا شايف نفسى انى اتعلمت حاجات كتييييييييييييير زى مانا شايف برضه ان الناس للىهى بتقول انا متعلمتش حاجة .. بتقول كده لانها كانت بتذاكر عشان تنجح بس مش بتذاكر لمتعة المذاكرة و انها تتعلم حاجة جديدة و نتيجة لده هتنجح من غير ما تكون تعبانة اوى كده زى حضرتك


صدقنى النظام هو المشكلة و مش لازم يكون نظام فى طريقة العمل لكن يكون فى نظام برضه فى طريقة التفكير


طبعا كل المشككلة فى التعليم بس مش اللى انت اتعلمته كل المشكلة فى التعليم لان بلدك فى اكتر من نصها جاهل و أمى و لو عايز تعرف انت اتعلمت ولا لا قعدت مع حد جاهل مهما كان سنه هتعرف قيمة اللى انت اتعلمته

انا معاك جداا يا باش مهندس
بس بعد اذنكوا يا جماعه
احنا ان شاء الله هنتكلم فى كل الحاجات دى
فياريت دلوقتى نوحد كلامنا على حاجه واحده بس
وهى المرحله المبكرة للتعليم ( كى جى ) ( الحضانه )
ويا ريت من المسئول عن القسم يثبت الموضوع

[ahmed kano]

الثورة ما غيرتش نظام الثورة ازالت نظام ممكن يكون له جذور زى الشجرة بالظبط ممكن تلاقى كام جذر ماسك فى الارض وجذور كتيرة طلعت .

الثورة غيرت حاجات كتير كفاية انها خليتك ان حلمك ممكن يتحقق و ان صاحب الحق هو الاقوى

انا مش هرد على حد تانى و لا هعمل QUOTE تانى لحد

الحلول اللى ممكن اقدمها دلوقتى اكيد هتكون حلول وهمية لو خدتها وانا قاعد كده

نيجى مثلا لحل مشكلة الدروس دى فى التعليم و ان التعليم فعلا مبقاش مجانى

اهيقولك عايزين نلغى الدروس مع احترامى ليه هيبقى حمار فى فكره
لان لو عندك عمارة و شايف جارك عنده عمارة اطول و اكبرمن اللى عندك متفكرش انك تهد عمارته عشان تحصله فكر دايما انك تبنى اعلى منه .. لان كل تقدم مفيد

معروف خصوصا فى التعليم الثانوى ان مفيش حد بيروح مدارس فيها ايه لو قلبنا نظام الحصص دى دروس بشرط يكون الدرس مفيش اكتر فيه من 15 واحد بالكتير او اقل كمان زى اى درس و محدش يقولى مانت كده بتقول ع المجموعة .. المجموعة بتاخد يمكن اكتر من عدد الفصل نفسه

و مثلا لوالدرس فى المادة الفلانية الحصة بـ12 جـ مثلا " الاسعار هتتحدد لجغرافية المنطقة و الاسعار السائدة فيها "فى المنطقة دى المدرسة تحط الدرس فى المنطقة دى بـ 10جـ أو 8 جـ و يكون جر رجل زى ما بيقولو و يكون نفس نظام الدروس و المدرسة هتستفيد و الاستاذ هيستفيد .. طبعا هتلاقى فى مدرسين جشعين هيقولك لا انا باخد فى الدرس اكتر و فى مدرسين بيراعو ربنا و دول ما اكثرهم هيشتغلوا و مش هيهمهم 100 جنيه زيادةو لا حاجة و بكده هتنتهى حكاية الجشع دى .. و برضه نسمح للمدرسين انهم يدوا دروس فى مدارس تانية .. طبعا هيطلعلى واحد حالا اومال فين بقى مجانية التعليم و طبعا مش هرد عليه احتراما لصيامى .. و بكده نكون بنقلل شوية من على الاسرة و بنستفيد فى نفس الوقت بدل ما ياخد كل الفلوس مدرس او مركز و الاتنين مبيدفعوش ضرايب

اما بقى لحكاية تنظيم المناهج دى انا شايف مثلا ان فى حاجات كتير لازم تتحذف من ماهج التعليم كتير جدا لانها ممكن تكون حاجات ملهاش لازمة او مكررة بندرسها فى سسنوات تانية و لو حذفناها اكيد لازم نحدف سنة دراسية على الاقل و قصدى طبعا على 6 ابتدائى اللعنة دى

و شايف برضه ان اولى ثانوى دى سنة هبلة ولا استفدت منها اى حاجة و لا عملت فيها حاجة و لازم اللى بناخده فى تانية و تالتة لازم يتقسم على 3 سنين عشان فعلا نعرف نفهمه قبل ما نحفظه

و طبعا ناس هتقولى مانت كده مش هتعرف تحدد نفسك علمى ولا ادبى .. ده بقى هيرجع للى بتدرسه فى تالتة اعدادى و ممكن بكل سهولة نخلى نظام اعدادى هو اللى يخلينا نحدد احنا مفروض نخش ايه بالظبط و برضه مننساش اننا نعدد مزايا التعليم الصناعى و التجارى لاما نرفع الحد الادنى لدخول الثانوية العامة عشان احنا بكده بكنون بنظلم ناس و اهالى كتير بخولهم ث/ع

وطبعا هتقولى انت كده بتزود حمل الاهالى فى حكاية الدروس .. هرد هقول اولا مفيش حد فى اولى مبياخدش دروس و متنسوش حكاية اعمال السنة و ثانيا كل اللى مش هامه اعمال السنة يولك انا عايزاتأسس !!!!
و لاحظوا انى جايب الفكرة دى بعد الفكرة الاولى

و طبعا دى حلول بسيطة جدا اللى جات فى دماغى دلوقتى

و اعتقد انه مش مطلوب منى انى اقدم غير حلول بسيطة لانى غير كده بكون بتفذلك لانى مش متخصص فى الحكاية دى و كمان مش عايز اوجع دماغى بموضوع التعليم ده لانه ملف كبييييييييييييييييير و كبييييييييييير جدا كمان

و المهم انى اتعلمت و عرفت استفيد منه مش مهم اتعلمت قد ايه المهم انه زودنى و منقصنيش و يا ريت كل الناس تفكر كده و تفيد و تنصح غيرها فى اول فرصة متاحة للنصيحة

و برجو ميكونش فى حد زعل او اتضايق من كلامى

[issac-newton]

عآيز آقول بآلنوسبة ( حلوه بآلنوسبة دي ) آلمهم , يشوفوآ صرفة في علمي ريآضة , , , آزآي آلفرق بين آعلى كلية في علمي ريآضة و آلكلية آلي بعدهآ يبقا 5 في آلمية آقل حآجة يعني 20 درجة يعني آلي مآ يلحقش بترول على نص درجة يدخل هندسة مع آلي جآيب آقل منو بـ 20 درجة