السياسة بين الإسلاميين والعلمانيين

[zozza love]

أ/ ابو اسراء بعد اذن حضرتك حعلق على بعض كلامك

حضرتك بتقول
لا يمكن فصل الدين عن الدوله!
وان اللى يقول كده يبقى مش مسلم !
احب اقول لحضرتك حاجه
عفوآ احنا مش انبياء علشان نكفر حد

مع حضرتك ان الحكم لله طبعآ
لكن نفرض ان احنا عندنا فى مصر استاذ مسيحى، رجل قانون معروف ومشهور بعدله ونزاهته حنرفض ترشيحه ؟

حضرتك بتقول نمنع الافلام من انتاجها داخل مصر
انا مع حضرتك انها افلام سيئه ومفسده للاخلاق وبتحرد الناس على افعال اشياء محرمه
بس ازاى ؟
هو اللى عايز يتفرج على افلام مش حيتفرج ؟
ده اكيد مش حل منطقى
لانها لو اتمنعت من مصر
ممكن ادخل على النت واتفرج على افلام امريكيه مثلآ
ده حيبقى انيل !

اللبس الاسلامى
كلنا عارفينه
بمعنى ان الناس كلها عارفه الحجاب الشرعى
ومع ذلك الكل بيقول احنا حرين فى لبسنا
دى حاجه بين العبد وربه
وطبعآ حضرتك عايزنا نعمل جماعه الامر بالمعروف والنهى عن المنكر!!!!
ازاى ؟؟؟؟
هو حضرتك مش بتشوف السعوديه ولا ايه؟
بسبب الجماعه دى السعوديات اول ما بيوصلوا المطار بيشيلوا النقاب
وطبعآ انتوا هنا عايزين تفرضوا النقاب علينا !

أكيد طبعآ فلسطين لازم نساعدها
بس انتوا عايزنا نساعدها ازاى ؟
نطلع اسر نجاهد ؟


انا عن نفسى مع ( الدين داخل المسجد )
والسياسه حياتنا
فصل الدين عن السياسه اصح حاجه وده مانعآ للاختلافات


مع حضرتك ان الشريعه لازم تتفرض على الناس
واننا لازم نعيش فى دوله اسلاميه
بس للأسف ماينفعش
لاننا اتعودنا على الدوله المدنيه
والدوله المدنيه ذو المرجعيه الاسلاميه مش وحشه
والناس راضيه بيها
يبقى ليه نتكلم تانى ونقول دوله اسلاميه