كيف تخلصين طفلك من الألفاظ النابية؟

[عبقرينومان]

علي فكرة دي أول مشاركة ليا في قسم البنت المسلمة والمفروض الموضوع يا سادات يروح لقسم التنمية البشرية

اسئل مجرب
انا بقي ابو آدم ومجرب

عموما اي طفل في سن السنتين ونصف هيتعلم الشتيمة ازاي لا تدري ايه السبب لا تدري

وعموما لازم يتعمل سواء كان من الشارع او من اطفال سمعهم في الشارع

والمهم انه حتى ولو كان في برج مشيد هيتعلم

وهيبدأ في القاء الكلمات البذيئة

وانا بفضل الله مجرب

آدم بدأ في بداية السنتين يتكلم بالفاظ بدأ يسمعها في الحضانة من الاطفال

ولما بدأ يتكلم أنا كنت متفق مع والدته أنه لما يبدأ في المرحلة دي اوعي تعطي له اي رد فعل

ولازم نكون ابرد منه نهائيا وكأننا لم نسمع اي كلمة اصلا

بل الاصلح ان نغيير الموضوع ونتكلم مع آدم في موضوع تاني وليكن اسئله السؤال بتاع كل يوم (عملت آيه النهاردة يا آدم)

والله بعد فترة من تجاهلنا لهذه الكلمات نسى آدم هذه الكلمات وكأنه لم يتعلمها أصلا

ومن شهر تعلم كلمة جديدة

وفي مرة وأنا عند بيت أبي وهو معانا طلع الكلمة دي

طبعا كل الموجودين من اخواتي استغربوا واندهشوا وبدوأ يقولوا لآدم (طفل السنتين ونصف) كدا خطأ ! كدا عيب! كدا ما ينفعش !

وطبعا آدم ما صدق لقي سلاح يستفزهم به

وكل ما يروح هناك يشتمهم بنفس الكلمة وهو لا يدري معناها ولكنه عرف عقلهم وبيشتغلهم

انما حاول يقولها في البيت عملت مش واخد بالي كام مرة وبعدها نسيها

انما يفتكرها كل ما يشوف اللي بيزعلوا منها

وأسئل مجرب

والسلام عليك