اقتباس:
المشاركة الأصلية كتبت بواسطة medo_messi30
مينفعش للاسف لان الانجليزى اقل من 40
خد دى بقى انا علمى و 90 % و فرقت معايا انجلش على درجة و واحد صاحبى جايب 78 دخلها و هو ادبى و فرق بين مجموعى الاعتبارى و مجموعه الاعتبارى اكتر من 80 درجة لانه 327.5 و انا 407
يعنى معلش يعنى هو بيفهم احسن منى بفرق 80 درجة
بص تعليم فاشل و للاسف فكر فى خاص و حاول تثبت نفسك فى اى مكان هتدخله
للعلم بعد المجموع ده دخلت تجارة خارجيه بحلوان و ربنا مع الجميييع
|
انا ملاحظ انك بتكرر الرد ده كتير قوي خلي بالك صاحبك ده ممكن يكون من الناس الي اتظلمت وانت اكتر واحد هتعرف اذا كان ده مستواه ولا لا دي اول نقطة تاني نقطة ان يعني صعب قوي انهم في التنسيق يخلو تنسيق ادبي زي علمي لسبب انك داخل علمي علشان الكليات العلمية و انك مقدرتش تجيبها او فرقت معاك على واحد ولا اتنين في المية عندك برده كليات قمة بس تحت كده خلاص لانهم لو عملوا مساواة بين التنسيقين ادبي مش هيلاقوا مكان في كلياتهم ومجموعك ده ميقولش انك وحش لا مجموعك كويس والله وممكن تكون فرقت معاك بسبب مادة او حاجة او حتى تكون ظلم و مجموع الثانوية العامة مش مقياس للذكاء ولا حتى القدرات لان الامتحانات او المناهج لا تقيس كل المستويات وتركز اولا على جانب الحفظ بس المهم الحمدلله انك دخلت كلية كويسة برده وعلى فكرة انا بنت خالتي في نفس الكلية والكلية جميلة على فكرة بس اهم حاجة تركز اوي في سنة اولى علشان متخدعش فيها وتجيب تقدير عالي ان شاء الله وتبقى معيد كمان باذن الله تعالى او حتى تشتغل في افضل مكان وساعتها تقدر تثبت انك الاحسن والموضوع مش موضوع كلية ده انت ممكن تطلع سفير بتجارة او حتى حقوق المهم في المواهب والامكانيات وانت ان شاء الله تركز وتبدي تشوف ايه مثلا الكورسات المطلوبة منك علشان تحسن من نفسك وتطور منها وتذاكر في الكلية كويس علشان تطلع فاهم شغلك لان انت معاك دفعة كملة والفرق بينك وبين شغل اي حد ابداعك وتميزك في شغلك وهو ده الي يشغلك وانسى الحكاية دي وابتدي شوف حياتك وان شاء الله يكون ده الخير ليك ويكون ده مجال تميزك وربنا يوفقك ويقدملك الي فيه الخير
17-08-2011, 09:59 AM
العرض المتطور
