سؤال عن توزيع الجدول

[مياسين ستار]

ارجوكم انا وزميله لى فى حيره فى امرنا لما نراه يحدث بسبب الواسطه احنا مش عارفين على اى اساس يتم وضع الجدول المدرسى وتوزيع الصفوف الدراسيه وهل يجوز لزميله تعين شهر 3 سنه 2011 تدرس للصف السادس ونحن تعيين 98 وتعين 2004 ندرس للصفوف الاقل وكمان تدخل الكنترول واحنا غصب عنا لانستطيع ان يخرج لنا صوت وزى ما نتقول اللى عندكم اعملوه فبالله عليكم ماذا نفعل مع هذه المدرسه والمدير ووكيله المدرسه اللى ماشيه بالمحسوبيه

[مياسين ستار]

هل من حق التعيين الجديد هذا العام العمل بالكنترول والاقدم تعينا والاكبر سنا لا

[D.Ayman Hassan]

الابتدائي والتعليم الابتدائي مسخرة

تلاقي دبلوم صنايع بيدي رياضيات ودبلوم زراعة بيدي علوم المؤهل العالى واخد زيهم فصل ويمكن مش واخد

انسي واحتسبي عند ربنا ، انا وصلت بشكوى قبل كده لمستشار الرياضيات في الوزارة في سنة 2002 تقريبا بخصوص الجدول وان غير المتخصصين بيتوزع عليهم الفصول ، قام مزحلقني

[ali metwaly5]

كله تعلييييييييييييييييييييييم

[D.Ayman Hassan]

فيه رد حاتسمعيه خليهم ياكلوا عيش زيك ، وانتي تكلي عيش وهما لا

دي اسطوانة حاتسمعيها كتير

[مصطفى جابر راشد]

أعمال الكنترول كلها وساطة

[توفيق رفعت عجيز]

هو قواعد توزيع الجدول في الابتدائي في الصفوف الثلاثة من اولي الي ثالثة ابتدائي معلم فصل ده ممكن يدرس عربي وحساب بعد كده من رابعة لغاية سادسة ده معلم متخصص تربوي بيكون كل مادة لها معلمها حسب التخرج والتخصص مثل الاعدادية
بس الراجع في مصر هي المهلبية والكوسة والمحسوبية والملوخية وكل الحاجات ايلي زي دي
يعني مدير المدرسة ووكيل شئون العاملين هما ايلي بيوزعوا برحاتهم كنت اشتغلت في الابتدائي من فترة كبيرة وكانت هناك نشرة بان المؤهل العالي يدرس فقط للصفوف من رابعة لسادسة؟

[miramoor]

هو استفسار يا جماعه ايه الوسطه في اعمال الكنترول هم بياخدوا مكافاه زياده ماهي نفس القلوس يعهني ايه الزياده فيها تصحيح زي مراقبه زي كنترول طالما داخل المدرسه

[محمد ابراهيم س]

رأى أحد الموجهين عندما عرضت هذه المشكلة عليه واختلف المدرسون فيما بينهم فى توزيع الفصول :
أن الأمر يعود لترتيب الكليات
قكلية التربية أولا ، ثم دبلوم المعلمين + التاهيل التربوى ، ثم كلية دار العلوم ، ثم كلية الآداب ..
للصفوف من الرابع إلى السادس


ورأى أحد الموجهين أن الأمر يعود لأقدمية المعلمين

[مياسين ستار]

المشاركة الأصلية كتبت بواسطة محمد ابراهيم س

رأى أحد الموجهين عندما عرضت هذه المشكلة عليه واختلف المدرسون فيما بينهم فى توزيع الفصول :
أن الأمر يعود لترتيب الكليات
قكلية التربية أولا ، ثم دبلوم المعلمين + التاهيل التربوى ، ثم كلية دار العلوم ، ثم كلية الآداب ..
للصفوف من الرابع إلى السادس


ورأى أحد الموجهين أن الأمر يعود لأقدمية المعلمين

يا اهل الخير ما انا وزميلتى اقدم من المدرسه اللى لسه تعيين السنه دى فى شهر 3 اللى فات وعلى كده هى هتمسك الصف السادس وكمان دخلوها الكنترول ولم ندخل الكنترول على الرغم من اننا لانعطى دروس وربنا اعلم بما اقول واحنا نمسك الصفوف الاقل على الرغم انى تعيين 2004 وزميلتى تعين 89 طيب نعمل ايه وناخذ حقنا ازاى وخاصتا اننا تعليم اساسى اما المعلمه الجديده تعليم ابتدائى واحنا اقدم معلمتين

[محمد قنيش]

ارى الاضراب

[newir_1f]

الكووووووووووووووسة لسه شغالة

[مياسين ستار]

لازم يكون فيه قانون او نظام يحكم الامر والباقى علينا فى المطالبه بحقنا بطريقه قانونيه منظمه اومال الثوره قامت ليه عشان تفضل الكوسه شغاله زى ماهى ما هو لو كل واحد فى مكانه اتكلم ومخافش احوالنا هتتصلح

[Mr_Peter Elnessr]

بعد الثورة مفيش الكلام دة

[مياسين ستار]

المشاركة الأصلية كتبت بواسطة mr_peter elnessr

بعد الثورة مفيش الكلام دة

للاسف لسه الحال زى ماهو من قبل الثوره الواسطه والرشاوى والمحسوبيه وفى الاخر يقولوا كل شئ يرجع لرؤيه مدير المدرسه والمدير بيقبض انا مش عارفه اعمل ايه