|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
26-08-2011, 09:02 PM
|
|||
|
|||
كتها نيله اللى تقول يا جواز ولا اللى تقول يا خلفه!!
انهارده عايزه اتكلم معاكوافى موضوع من وجهه نظرى مهم جدا مواقف بتحصل فى حياتنا مقصدش بالمواقف دى ان الكل كده بس المعظم كده  ندخل فى الموضوع على طول انا عايزه اتكلم عن الزوج اللى مش شايل مسئوليه عياله مع زوجته اقصد يعنى انه يقولها بصريح العباره انامش هشيل مسئوليه عيال  هما مش بياكلوا ويشربوا عايزه ايه تانى هيه الحياه اكل وشرب وبس واللى يحرق الدم اكتر انه يقولها عايز اخلف تانى ياعم شيل مسئوليه اولانى وبعدين فكر فى التانى  ليه الازواج بيعملوا فى زوجتهم كده؟ ليه الزوج مش عايز يصدق ان حياه وهوه زوج متنفعش تبقا زى اوحتى شبه حياه وهوه شاب كتيرمن الازواج كده عايز يخرج ويروح ويجى مع اصحابه ويرجع البيت عشان ياكل وينام والام هيه اللى تشيل هم كل حاجه ليه كتيرمن الاباء مبيشركوش زوجتهم فى تربيه الابناء وبجد فى اطفال ربنا بيبقا مديهم طاقه ملهاش حدود يعنى طفل شقى بدرجه غبيه ممكن يجنن اللى حوليه من الشقاوه  والاب غايب عن كل ده تماما وممكن مشكله زى دى تهد بيت  لأن الام اكيد بتتعب من تحمل المسئوليه لوحدها بتقول لجوزها تانى وتالت شيل معايا مسئوليه العيال وبيبقا رده زى ما هوه وفى الاخر ممكن توصل لدرجه انه ممكن يقولها روحى عند ابوكى وخدى عفشك وهيوصلك 300 جنيه اول كل شهر ومين واحده فى الدنيا تسمع كلام زى ده ومتسيبش بيتها وتتطور المشكله وتروح عند ابوها ويبدأ اللى حوليها بعضهم يقولها متروحيش الا لما يجى يخدك والبعض الاخر يقولها يا عبيطه سيبتيله الشقه ده حقك وحق عيالك ارجعى بيتك وتبدأ الحيره والتفكير اروح ولا مروحش ما انا لو روحت هيقول ابوها مستحملش يومين ولو مروحتش ممكن يتجوز واحده ويجيبها فى الشقه والله بتوصل لكده صدقونى وده واقع فى كتير من البيوت البيوت مليانه مشاكل فى زوجات كتير بتضرب وبتتهان عشان عيالهاوبتصبر بعضهم فى قتره الخطوبه بيبقا هيموت من الفرحه فى فتره الخطوبه وخطيبته دى كل حاجه فى حياته انما بعد الجواز بيتحول ليه انا معرفش وهموت واعرف وشكلى هموت قبل ما اعرف عارفه ان موضوعى كله هجوم على الزوج واعلم ان هناك زوجات عايزين الحرق صحيح موضوعى متعد الجهات والنواحى بس مستنيه اعرف ارائكم
|
|
#2
26-08-2011, 09:06 PM
|
||||
|
||||
|
استعملى مسطر المسافات للفصل بين الكلمات
عشان نعرف نقرأ
|
|
#3
27-08-2011, 01:05 AM
|
||||
|
||||
|
والله عندك حق ودا واقع كلنا عايشين فيه! وبجد زي ماقلتي كل الشباب بيروح الشغل وبيرجع ياكل ويخرج تاني وخلاص مابيعرفش حاجه عن ولاده غير لما يبقي فيهم حد تعبان وأمهم تزهق من المحايله عليه عشان يروح معاها بالأبن التعبان للدكتور .. واللي يجي يتكلم ولا يفتح بؤه يقولوا دا الراجل تعبان وشقيان عايزينه يعمل إيه يعني!!
و 90% من الأزواج طريقتهم بتتغير مع زوجاتهم بعد الجواز ليه مش عارفه...؟!
__________________
Dr\KaRiMaN MaGdY
|
|
#4
27-08-2011, 03:31 PM
|
||||
|
||||
|
للاسف دى مشكلة وخيمة فعلا بتهدد معظم البيوت المصرية
وبقا فى رجالة كتير مش شايلين مسؤلية البيت مش بس حكاية الاولاد والتربية لا حكاية تحمل مسؤلية البيت وانه يصرف على اولاده وزوجات كتير بتكون مضطرة انها تنزل تشتغل عشان تقدر على المصاريف وتقدر على كسل واهمال زوجها انا بشوف دايما ان الجواز ده عملية مشتركة ومتبادلة ولازم كل واحد فينا يقوم بدوره عشان الحياه تستمر ونعرف نقدم مهمتنا على أكمل وجه وهو اعداد جيل واعى وناضج تحياتى موضوع جميل وهادف
__________________
 ~Love your life ~
|
|
#5
27-08-2011, 07:56 PM
|
||||
|
||||
|
انا اعتقد ان دي اقلية صغيرة جدا ده اولا ثانيا الحياة بين الزوجين مشركة يعني هو بره البيت و هي جوة البيت و يعني هو مساوليته انه يوفر لهم الحياة الكريمة و المستوي الا جتماعي الجيد >>>يعني بالبلدي يجيب فلوس و يصرف عليهم و هي مساوليتها انها تاخد بالها من الاولاد و تريبهم ...........و ده طبعا ميمنعش ان الاب يكون ليه دور كبير في حيات اولاده و يكون مثلهم الاعلي في كل حاجة
__________________
http://ask.fm/Ranosh_Hafez https://www.facebook.com/mariam.adel.3979 https://twitter.com/mariama95721538
|
|
#6
27-08-2011, 08:26 PM
|
|||
|
|||
|
اقتباس:
متأسفه جدا
 انا فعلا كنت بستعمله بس مش عارفه لما الموضوع نزل ايه اللى حصله  على العموم مستنيه حضرتك تنورى الموضوع تانى وتقوليلنا رأيك 
|
|
#7
27-08-2011, 08:30 PM
|
|||
|
|||
|
اقتباس:
يمكن بتتغير عشان الزوجه بتفضل اودام زوجها
24ساعه طب المطلوب منها ايه والله فعلا حاجه تحير شكرا لمرورك ياقمر نورتى الموضوع
|
|
#8
27-08-2011, 08:34 PM
|
|||
|
|||
|
اقتباس:
فعلا معاكى حق..
انا مش عارفه احنا رايحيين على فين.. لما كمان زوج ميصرفش على بيته وعياله دى تبقا مصيبه.. فعلا تربيه الاولاد مش سهله لازم الزوج يشارك الزوجه بذات الجيل ده.. جيل عفاريت شكرا ليكى ياقمر مرورك الأجمل..
|
|
#9
27-08-2011, 08:38 PM
|
||||
|
||||
|
شوفى يا مرمور الزواج له مقدمات ومن خلال فترة الخطوبه بنقدر نعرف انه يقدر يتحمل مسئوليه بيت ام لا
يعنى اللى يقوم بتكاليف الزواج بعيد عن الام والاب ده بيتحمل المسئوليه لكن الشاب اللى ابوه هو اللى يقدمه كل حاجه على طبق من فضه ازاى هيعرف مسئوليه بيت وزجه واطفال والمفروض الزوجه تعوده على تحمل المسئوليه قبل انجاب الاطفال مثال لو هي بتشتغل وتساعد فى مصروف البيت فلازم هو يساعدها فى عمل البيت لان الحياة مشاركه والا تقعد فى البيت وهو يصرف عليها الشرع بيقول كده الست مسئوله من زوجها مش تسيبه لا يتحمل مسئوليه فى الاول وبعد ما تنجب أطفال تقول له اتحمل شكرا على الموضوع الجميل
|
|
#10
27-08-2011, 08:42 PM
|
|||
|
|||
|
اقتباس:
يعنى هوه هيفضل طول عمره بره البيت
الحياه مش فلوس ومستوى اجتماعى.. لازم الزوج يشارك الزوجه فى تربيه اولاده.. والا بقا يستحمل اللى هيشوفه منهم.. لما ام مثلا يكون عندها ولدين.. وتربيه الاولاد اصعب ميه مره من تربيه البنات.. ازاى تقدر تربيهم لوحدها.. وبعدين كمان مش مسأله بنات ولا ولاد.. الام مخلفتش العيال لوحدها.. يعنى لازم يكون فى مشاركه.. على الاقل يكون فى طرف من الطرفين الطفل بيخاف منه وبيعمله حساب لكن طول ما الطفل الام مش قادره عليه والاب مغيب تماما.. يبقا ليها حق تتكلم.. وتقوله يتحمل المسئوليه معاها.. شكرا لمرور حضرتك
|
|
#11
27-08-2011, 08:49 PM
|
|||
|
|||
|
اقتباس:
انا مع حضرتك فى النقطه دى
وفى النهايه هيه مسأله تعود وبردو الزوجه جزء من المشكله انها موقفتش من الاول وقالتله كده بس دول عياله كمان محتاجه انها تعوده ازاى يتحمل مسئوليتهم مرورك حضرتك الاجمل
|
|
#12
27-08-2011, 09:14 PM
|
||||
|
||||
|
الزوج فى أول الزواج بيكون مش متحمل للمسئوليه اطلاقا لانه بيكون مش متعود
انما بعد كام سنه يا حرام جوزى ربنا يدديه الصحه ويوسع رزقه تعبان معانا جدا واحنا اللى مش راحمينه بصراحه لدرجه انه ساعات يقول للولاد انتوا ومامتكم اشتريتونى بكام عشان ارجعلكوا الفلوس واروح لحالى
|
|
#13
27-08-2011, 09:19 PM
|
|||
|
|||
|
اقتباس:
اولا انا مبسوطه جدا ان حضرتك اول واحد
من الجنس الآخر تنور الموضوع.. ثانيا انا مع حضرتك ان فى زوجات كده.. عايزين الحرق زى ما قولت فى موضوعى.. بس انا اقصد هنا الزوجه اللى فعلا تعبت ومش قادره تربى عيالها لوحدها.. محتاجه من جوزها يشاركها صبرت عليه وطلبت منه اكثر من مره يشيل معاها المسئوليه وهوه مش هنا عايز يسافر ويخرج مع اصحابه وبس
|
|
#14
27-08-2011, 09:50 PM
|
||||
|
||||
|
مشكلة لابد لها من حل
شكراً على الموضوع
|
|
#15
28-08-2011, 01:42 AM
|
||||
|
||||
|
دا كويس انه بيوكلهم ويشربهم دا زاد عليه بصراحة
يكفيه قرف الشغل وبالذات لو كان كمان بيشتغل مدرس فبصراحة العيال مطفشينه في المدرسة وكمان عايزينه يطفش من البيت كفاية الهم اللي في المدرسة هههه وإذا كان الزوج هيشيل مسئولية في الشغل وكمان في البيت يبقى بلاها زواج 
__________________
كل ابن أنثى وإن طالت سلامته يوما على آلة حدباء محمول
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:09 PM.
