|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
28-08-2011, 02:52 PM
|
|||
|
|||
رايحه على فين يا محروسه.....؟!
اولا كل سنه واعضاء المنتدى كلهم بخير
 بمناسبه العيدثانيا بقا انهارده عايزه احكيلكوا حاجه كده المهم ندخل فى الموضوع على طول من يومين كده كنت ماشيه فى الشارع فى آمان الله لقيت فى واحد قاعد على الرصيف بيبع حاجه ايه هيه لسه مكنتش اعرف  بس اللى غاظنى انه كان عليه زحمه موت  وشكل الحاجه اللى بيبعها عمرى ما شوفتها  وعليها صوت مرعب المهم فضولى طبعا كان هيموتنى استنيت لحد ما الزحمه قلت وقولت اسأل ايه ده؟.. المهم روحت وقولت للراجل لو سمحت ايه ده رد عليا وقالى ده صاعق  قولتله آه صاعق ناموس  قالى لأده صاعق بنى آدمين  قولتله بنى آدمين ازاى يعنى؟ قالى ده بيشتروه عشان البلطجيه يقصد يعنى يقولى ان الناس دى كلها بتشترى البتاع ده عشان تحمى نفسها من البلطجيه قولتله وده بيموت قالى لأ ده بيخليكى يغمى عليكى بس يقصد يعنى ان اى خبطه من البتاع ده بتخلى الانسان يفقد الوعى سألته وده بكام بقا؟ قالى فى ب120 وفى ب170 المهم عشان مطولش عليكوا قولوا طول مشيت وسيبت الراجل وعماله اكلم فى نفسى وسألت نفسى سؤال رايحه على فين يا محروسه المفروض يعنى وعلى حد علمى ان الصاعق ده يكون ممنوع من انه يدخل البلد اصلا ولا ايه  واللى يحرق الدم ان على بعد مسافه قريبه جدا من الراجل اللى بيبعه فى قسم شرطه ياترى الحريه الزياده خليتنا نبقا كده؟ الحريه اللى كنا بنطالب بيها فى ثوره 25يناير اول ما قمنا بالثوره كنا كلنا مش مصدقين ان الشعب اللى سكت 30 سنه قام وقدر يتكلم.. بس فى نظرى ان الثوره دى نعمه ونقمه ليه؟ نعمه عشان خلصتنا من فرعون اسمه مبارك نقمه لأنها ادتنا حريه زياده الحريه اللى فى كتير مننا فاهم معناها غلط مفكر ان حريه يعنى اعمل اللى انا عايزه وفى اى وقت وفى اى مكان بس وبعدين كل واحد فينا عايز حاجه يروح التحرير حتى لو كان السبب ان صوباع رجله الصغير بيوجعه دلوقتى لو حد فينا ركب موصله والسواق قاله الاجره كذا لو كانت غاليه فى نظرك تقدر تقوله حاجه ولا تقدر تبم عشان معضمهم فكرهم محدود خلاص شيلنا الرئيس نعمل اللى احنا عايزينه كمان السلاح دلوقتى فى ايد الناس بقا زى الموبايل  اللى عايزه اقوله ان مصر بقت هيصه من جوه مفيش اى نوع من انواع الرقابه على اى حاجه تنزل فى الشارع تلاقى الشارع اللى بياخد 3 عربيات مثلا بقا حاره واحده يعنى تمشى فى عربيه واحده من الشباب اللى بيبع التيشرتات ب12ونص خلاص شويه وهيقف فى نص الشارع ومش هيعدى العربيات محدش يفهمنى غلط انا مش ضد الثوره بالعكس الثوره دى غيرت فيا حاجات كتير قبل الثوره مصر مكنتش تعنيلى شيء بس بعد الثوره اكتشفت انى بحب البلد دى اوى ونفسى تبقا احسن بلد  والله الموفق والمستعان حته حسنى بقا ياترى ايه اللى اتغير فيك بعد الثوره؟ هل انت راضى عن حال بلدك الآن؟ مستنيه رأيكم فى الموضوع ومتنسوش تجاوبوا على الاسئله  |
|
#2
28-08-2011, 03:56 PM
|
||||
|
||||
|
بجد موضوع راااااااائع
بس انا شايفه ان الثوره دى معملتش ولا غيرت اى حاجه غير انها اتخلصت من مبارك لكن اى اصلاح فى البلد مفيييييييييييييييييش خااااااااااالص كمان الشعب طلع بيحب الدوشه والهيصه وخلاص فاكرين ان اللى هما بيعملوه ده حريه ودا اصلا مش حريه خالص انا عايزه اعرف ازاى يبقى فى حريه وكل واحد حر فى رايه واى حد يقول كلام حلو على الرئيس السابق يحطوه على طول فى القوائم السودا 0000دى حريه دى 000ماهو حر فى رايه على اد الوحده مبسوطه انها مصريه وبتموت فى بلدها لكن التصرفات دى بضايقنى اوى 0000بتحسسنى ان مستحيل الشعب ده هو اللى عمل الثوره دى معلش طولت عليك شكرا على الموضوع الرااااااااااااااائع
|
|
#3
29-08-2011, 01:47 AM
|
|||
|
|||
|
اقتباس:
والله مرورك الاروع ياقمر وعندك حق فى كل كلمه قولتيها وربنا يستر علينا وعلى المحروسه وبجد الواحد مضايق ان مفيش حد رد اظاهر كده زهقوا من الكلام عن الثوره بس كفايه عندى مرورك  |
|
#4
29-08-2011, 11:29 AM
|
||||
|
||||
|
موضوع رائع ..
بس أنا بصراحه شايفه إن الثوره دي نقمه ومعملتش حاجه كويسه للبلد خالص بالعكس دي خلتها هيصه أخر حاجه وخلاص يعني بصراحه جابتنا لورا مش لقدام... (مجرد رأي) شكرا ع الموضوع تحياتي ..
__________________
Dr\KaRiMaN MaGdY |
|
#5
29-08-2011, 01:09 PM
|
|||
|
|||
|
"ياترى الحريه الزياده خليتنا نبقا كده؟"
أنا شايف أن ده مبعتبرش حرية أساسا , ده يعتبر تقصير فى عمل الشرطة بالنسبالى أكييد أتغيرت بعد 25 يناير , بهتم باللى بيحصل فى البلد , بتدايق جداا لما بشوف الغلط و حاجات تانية |
|
#6
29-08-2011, 01:51 PM
|
||||
|
||||
|
اولا احيكى على الموضوع المهم والرائع
وهو غياب الأمن من البلد وأختفاء دور الشرطه والمرور خلت كل واحد يعمل اللى عوزه بغض النظر عن الصح والخطأ الأمل الأن فى أختيار رئيس الجمهوريه المناسب |
|
#7
29-08-2011, 08:38 PM
|
|||
|
|||
|
اقتباس:
مرورك الاروع ياقمر
فعلا احنا لسه مشوفناش حاجه حلوه بعد الثوره بغض النظر عن المحاكمات بس احنا عايزين اللى يفيد البلد ويخلينا نبقا احسن ربنا يستر |
|
#8
29-08-2011, 08:47 PM
|
|||
|
|||
|
اقتباس:
الشرطه مقصره آه
بس فى نفس الوقت الحريه اللى خلقتها الثوره واللى خلت الناس ينزلوا التحرير وقت ما هما عايزين ده كله ضغط على الشرطه! والله الامن المركزى واقف فى التحرير بجد ربنا يعينهم فى الشمس والقرف وكمان الجيش اللى بجد تعبينه معانا الجيش المفروض يحمى الحدود اللى يوم عن يوم عماله تولع واللى اتغير فى حضرتك اتغير فى كتير فينا خوفنا على البلد ونفسنا انها تبقا احسن دى حاجه جوانا.. بس احنا عايزين نشوف بلدنا احسن ويبقا واقع اودام عيونا شكرا على المرور.. |
|
#9
29-08-2011, 08:50 PM
|
|||
|
|||
|
اقتباس:
فعلا الامل فى اختيار الرئيس المناسب
وربنا يستر والله هوه الأمن موجود بس اعمال الشغب هيه اللى كتيره حبتين شكرا لمرور حضرتك الموضوع نور |
|
#10
30-08-2011, 12:53 AM
|
||||
|
||||
|
عندك حق فى كل كلمة قولتيها هى الثورة حصلت ليه
علشان نتغير للاحسن اكيد وكل واحد ياخد حقه ويبقى فى عدل بين الجميع بس للاسف اغلبية الناس فاكرة ان خلاص اى شئ يقدر ياخده بنفسه ويعمل كل شئ ومفيش حد هيحاسبه ولا فى رقيب عليه العيب فينا مش فى حد تانى لو مغيرناش نفسنا مش هنعمل شئ ده لسه فى ناس لحد دلوقتى مش عارفة تكتب ولا تقرا وكمان شباب صغير يعنى 16 و17 سنة طيب من اسبوعين هنا فى جرجا علشان خناقة تكتك الناس كانت بتضرب بعض بالاسلحة ودخلوا قسم الشرطة والاسلحة كلها اتسرقت ولا حياة لمن تنادى بصراحة انا مش راضى خاالص عن حال البلد ولو الشعب نفسه ما اتغيرش مش هيبقى فى امل فى تغير شكررا على الموضوع الجميل
__________________
 |
|
#11
30-08-2011, 12:57 AM
|
||||
|
||||
|
اقتباس:
انتى اولا يا مرمووور جيتى على الجرح اللى يوجع يعنى بصى يا ستى انا عندى كلااااام كتير عايزة اقوله اصل الموضوع دة مش بيخلص بصى بأة على السؤال الاول ايه اللى اتغير فيكى يا ثورة ؟؟!!! بصى يا ستى اولا البلد دى مش ينفع معاها غير اللى * يشكمها * بالبلدى يعنى واللى بيضرب على افاااه فى البلد دى احسن حاجة واولا النظام البائد هو اللى عمل كدة هو اللى علمنا ان احنا نكون كدة ومش ينفع معانا غير الضرب وقله الادب * سورى * يعنى انتى اكيد لاحظتى الثورات اللى شغاله على الفاضى وعلى المليان واللى معطله مصالح الناس وكل دة بسبب مين بسببنا احنا ؟؟ ايوووووووووون احنا اللى عملنا الثورة قال ايه يا بنتى من بعد الثورة دى واحنا حالنا للاسوأ عارفة ليه علشان احنا مش بنتغير عارفة احنا عايزين واحد يكون جاى من الجنة واحنا مش نكون ملايكة ازاى مش عارفة ومن اهم الاسباب والله العظيم وانا بحلف اللى خلت الثورةتفقد معناها ولذتها التليفزيون ايوووون التليفزيون وخاصة برامج التوك شووووو التعبانة دى والفكسانة والله العظيم تلاقى الشخص اصلا مش فاهم بيقول ايه فى البرامج دى يعنى بيهرف بما لا يعرف اى كلام فاضى وتعدى على برنامج معين بيقول على اخبار * برنامج توك شوو بردوو * تقلبى على برنامج تانى تلاقى نفس الكلام الفاضى ونفس التعليق ونفس كل حاجة عارفة لو بيحلوااا مشاكل وقضايا اقولك ماشى لكن دول من بتوع حلول احنا بس بنقعد نتكلم كدة فى كلام فاضى واما بعد ؟؟ يعنى والله انا كنت بقول ساعة بعد الثورة *الشعب يريد اغلاق التليفزيون * من الكلام الفاضى وانت اصلا مش المستفيد انت بتعقد على البرنامج تحرق دمك بعدين تقوم وليه يعنى على ايه !!!!!! طبعا انا ممكن اكون خرجت عن الموضوع بتاعك بس دى من احد الاسباب اللى انتى بتتكلمى عليها وكمان انتى بتذكرى موضوع البلطجية والكلام دة عارفة بردووو اللى فى السجون لو علموهم حرفة قراءة قرااان لو علموهم ان اللى بيعملوه غلط وبلااااش الاهانة انه عمل جريمة هو ندم عليها فى يوم من الايام يعنى مش يعقبه نفسيا وجسدياا لالا هو يطلع من السجن نشوفه شخص تانى مش نشوفه زى الاول بل اسوأ علشان هما بيعلموهم القسوة لالالالا بس للاسف دة مش بيحصل وعامة لو اطبق تعاليم الدين الاسلامى فى الحدود وبكل حظر والله العظيم معدل الجريمة هيقل خالص بل هيكون معدوم ما هو اللى هيشوف واحد اتقطعت يده اكيد مش هيعمل اللى عمله قبله * دة من وجهة نظرى * انا طبعاااااااااااااااا بعد الكلام اللى انا قولته هقول مقوله كان المدرس بتاعنا علطول يقولها * شعب يسىء استخدام الحرية * نعم والله الكلمة دى مطابقة للشعب المصرى للاسف معلش انا طولت عليكى استحملينى وشكراااااااااااااااا على الموضوع الاكثر من رائع
__________________
تعالى يالااااا وشاركنى ونتناقش فى موضوعى الاول فى المنتدى واسمع رأيك فى موضوع * كن ايجابيا *
 |
|
#12
31-08-2011, 03:32 AM
|
|||
|
|||
|
اقتباس:
فعلا لو كل واحد بدأ بنفسه واتغير
يمكن يكون فى امل والسلاح بقا مع الناس زى المحمول (حلوه المحمول دى)لأ وكل شويه يقول كان فى حمله ومش عارفه قبضوا على كام واحد ومعاهم اسلحه واحنا مصدقين اجدع شعب يضحك عليه قبل وبعد الثوره والله ربنا يستر علينا وعلى البلد دى.. شكرا لمرور حضرتك |
|
#13
31-08-2011, 03:37 AM
|
|||
|
|||
|
اقتباس:
والله انا مبسوطه من الرد ده اوى
واللى بسطنى ان الموضوع جه على الجرح وكل اللى فى القلب طلع وعندك حق فى كل كلمه قولتيها الاعلام والتلفزيون يجننوا بلد ايام الثوره شوفنا كتير منهم وهوه جزء من مشاكل كتير بنعانى منها شكرا للمرور.. مرورك الاروع |
|
#14
02-09-2011, 05:55 AM
|
||||
|
||||
|
هههههههههههههههه انتى عسوله اوى بصى انا شايفه ان البلد متغيرتش بل بالعكس ساءت اكتر مبقاش ف نظام زى الكمبيوتر ليه system لو مشتغلش يبقى مش هتقدرى تعملى عليه حاجه البلد كده البلد وقفه مش شغاله زى الصين ولا اى بلد متطوره بقالنا 1000000 سنه بلد ناميه هنفضل ننمو لحد امتى اكيد لحد يوم القيامه وبيسالو ليه الواحد معندوش امل !!!!!!يعنى البلد عدله وزى الجنه واحنا اللى وحشين بس مش معنى كده ان احنا منقدرش نغير فيها لا احنا نقدر بس مفيش حد بيعمل احنا عندنا مثلا مساحات كتيره فاضيه اوى صحرا نعمل مشاريع وتقريبا احنا ربنا ادانا موقع البلاد كلها بتتمناها واحنا مش بنستغل ده الناس زى اما تقولى ف غيبوبه
|
|
#15
02-09-2011, 06:57 PM
|
|||
|
|||
|
اقتباس:
انا عسوله
يا كسوفى بجد الواحد كره انه يخرج من الحاجات الغريبه اللى بيشوفها فى فوضى غريبه كنت فى الشارع امبارح مع بابا بالعربيه والدنيا زحمه موت قولنا اكيد فى حادثه او عربيه عطلت تخيلى طلع فى الآخر شويه همج راكبين موتوسيكلات وعمالين يترقصوا بيها فى الشارع  ومعطلين الشارع وموقفين الدنيا! منتهى التخلف  ربنا يستر على البلد دى يارب ونشوفها احسن فى اقرب وقت شكرا لمرورك يا سكر |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:28 PM.
