ايه اخبار تعيين أوائل الكليات ياجماعة؟

[ramy gama]

بسم الله الرحمن الرحيم
نقـــــــــــــــــــــــــــــــــلا عن د/ محمد مجدي
كلفني الاخ الدكتور محمد مجدي بنشر هذا البيان علي حضراتكم ،
الفضلاء جيل الازهر تحية طيبة لحضراتكم وبعد ،
لقد كان اليوم يوما عصيبا بكل ما تحمله الكلمة من معان ـ يضيق المقام عن ذكره الان ـ، اجتهدنا في محاولة امضاء الحصر ومن ثم ارساله للتنظيم والادارة ولكننا لم نوفق في ذلك نظرا لعدم وجود الاستاذ محمود شعيب بالجامعة ، وبعد اتصالات مكثفة كلف الاستاذ السيد سالم با مضاء الاوراق لكن الرجل فر هاربا ، ولما لم نجد من الموظفين الا المراوغة والتهرب قررنا الدخول في اعتصام مفتوح وذلك بمقر الجامعة وتحديدا بمكتب الامين العام المساعد .
لذا فاننا نهيب بكم التواجد غدا_ الاثنين ـ بكثافة وفي وقت مبكر حوالي الثامنة صباحا ولا عذر لأحد في التخلف غدا لأنها وقفة حاسمة فقد استجد من الامور ما يبشر بالخير ويوحي بانتهاء الامضاءات اللازمة غدا ان شاء الله ، لذا نريد منكم الحضور للضغط وحسم هذا الأمر بدلا من الدخول في دوامات لا قبل لنا بها .
الاخوة الاعزاء والاخوات الفضليات وقفة الغد حاااااااااااااااااسمة جدا فباذن الله وحسب وعد المسئولين سيتم الامضاء علي الحصر صباح الغد ، وليس لنا ضمانة في هذا الا تواجدكم المكثف ، فبالله عليكم لا تخذلونا ولا تخذلوا أنفسكم ، فلن يصنع قرارتكم سواكم ، واكرر مرة أخري وقفتنا غدا حاسمة ونريد الجميع في الجامعة غدا بدءا من الثامنة صباحا .
كما أنه لا صحة لأي أخبار الا ما أقوله لكم بنفسي _ محمد مجدي _ أو من يتحدث علي لساني ونقلا عني ، وقد علمنا بخبر أن الحصر ذهب للتنظيم والادارة ورفض هناك وهذه شائعة ، فالورق لازال معنا وننتظر الامضاءات صباح الغد ان شاء الله "ـ الاثنين _ فبالله عليكم نريدكم جميعا ، وسنوافيكم اذا جد جديد بانتظاركم صباحا
والسلام عليكم ورحمة الله وبركاته

[د.بتول]

السلام عليكم ورحمة الله وبركاته\
دكتور عبد الرحمن انا اليوم كلمت دكتور صفوت النحاس وقالي أخبار مش تمام خالص
بيقول ان المشكلة ان الجهات اللي بعتت حصر بالوظائف مش هتكفي 5 % من عدد الاوائل ولما قولت له ذنبي ايه اقعد 8 سنين من غيرشغل وغيري اقل مني ومتعين قالي واحنا ذنبنا ايه؟ دا انتو لما تتعينوا هتبقوا حمل على الدولة
ايه رأي حضرتك في الكلام دا؟
حسبي الله ونعم الوكيل فيه

[البداية الاولى]

انا مش عارف لية صفوت النحاس دة عندة نية مبيتة لتعطيل موضوع تعيين الاوائل واشمعنا دلوقتى هيشوف الاحتياجات الفعلية ماهو عمال يعين عمال على بطال هو وغيرة انا من دائرتة الانتخابية وهو دا كان صك الوصول لمجلس الشورى دا كان من اقطاب الحزب الوطنى مش عارف لية ما اتشلش لحد دلوقتى لا بد من مواجهة الموقف حتى لا نجد حلمنا يضيغ بسبب واحد فاسد وخسبى الله ونعم الوكيل

[eldeep2012]

أنا كمان اتصلت بدكتور صفوت النحاس النهارده

وقالى ان المشكلة فى الجهات الادارية للدولة لانها مش عايزة تبعت الوظايف الخالية عندها وبتماطل

وقال انهم حاليا بيثبتوا ناس كتير ودول بستهلكوا الدرجات الخالية مع مرور الوقت

وقالى ان التعيين لن يتم الا بعد ثلاثة شهور على الاقل وعلى حسب الاحتياجات

وقالى ان مجلس الوزراء هيبعتله الية التعيين اول سبتمبر القادم وهيتم تحديدها على حسب

المتاح من الوظايف

وطبعا الاحتياجات المرسلة بسيطة جدا بالنسبة لعدد الاوائل

فاحتمال يتم تقليص العدد الى خمسة وليس العشرين


وحسبنا الله ونعم الوكيل

[د.عبدالرحمن المنياوي]

المشاركة الأصلية كتبت بواسطة د.بتول

السلام عليكم ورحمة الله وبركاته\
دكتور عبد الرحمن انا اليوم كلمت دكتور صفوت النحاس وقالي أخبار مش تمام خالص
بيقول ان المشكلة ان الجهات اللي بعتت حصر بالوظائف مش هتكفي 5 % من عدد الاوائل ولما قولت له ذنبي ايه اقعد 8 سنين من غيرشغل وغيري اقل مني ومتعين قالي واحنا ذنبنا ايه؟ دا انتو لما تتعينوا هتبقوا حمل على الدولة
ايه رأي حضرتك في الكلام دا؟
حسبي الله ونعم الوكيل فيه

النحاس لا تؤخذ منه كلمة ولا يؤخذ برأيه .. الدرجات المالية تحس انها زي ولاده ما يطلعهومش لحد ببلاش ابدا .. لازم نعرف ان الناس المريضة بمرض النظام الفاسد لم تتعافى منه أبدا .. يعني الدرجة لما تصدر هيصدرها من جيب ..... الدرجات المالية كانت أغلى حاجة في السنوات الأخيرة حيث وصلت أسعارها إلى 80 ألف و 100 ألف وماكانتش حمل على الدولة طبعا مادام الجيب اتحمل والكل تمام .. إنما تقوللي أوائل وماجستيرات ودكتوراة القرف ده لأ طبعا طبعا .. الناس البيئة دول ماينفعش نعينهم خالص .. ولو اني شايف إن النحاس بيورط نفسه على الفاضي .. يعني القرار قرار مجلس وزراء هو مال اللي .... والا عيب .. أنا شايف إن النحاس فقط بيحاول يستفزكم لأي سبب مش هاين عليه تاخدوا التعيين ببلاش .. وإن كان ولابد وتتعينوا يبقى بعد مايعيشكم الوهم والقرف والمماطلة وأنا أبصم بالعشرة أنه سبب التعثر وتعطيل القرار .. وعاوز أقول حاجة إن عصام شرف هو كلمة السر في كل المظاهرات والاعتصامات .. المظاهرة الجاية توجهوا لمجلس الوزراء وطالبوا بإقالة النحاس لتصريحاته السوداء .. لازم كل واحد بقى ياخد باله من لسانه بدل ما يلعب بأعصاب الناس .. والله يا رجالة انتم تقدروا تزيحوا الراجل ده من على كرسيه وتخلوه يترعب لما يسمع إسمكم .. وانا عاوزكم تسألوا النحاس انت أولادك خريجين إيه وتقديراتهم إيه وانت شغلتهم فين ؟؟؟؟؟؟!!!!!!!!!!!!!!!!!! والا عند ولادك الدرجات الوظيفية متوفرة وببلاش ؟؟!!!!!!