حافز البطيخ للمعلمين

[sobhy333]

تعرفوا ان المدرسين هم اللى عملوها فى نفسهم من غير ما يقصدوا بسلبيتهم المستمرة بمعنى ان كل مدرسة بها 70معلم فيهم 10بيتعاطوا دروس خصوصية كان المفروض على الستين انهم ينبذوهم ويحقروا منهم وكمان يحاربوهم هم والمدير اللى متستر عليهم لان المدرسين دول اللى جابوا المصايب للتعليم ولوثوا الباقيه الشريفة واختلط الحابل بالنابل فى عيون الوزارة وكلوا بقى ريحته وحشة وتقرف ( كان زمان من اكتر من عشرين سنه كنت معين حديث وكان عندنا مبدأ ان المريض لازم يروح للطبيب والطالب الضعيف لازم ياخد درس خصوصى يعنى المقصد ان اللى بياخد درس مريض وبيتعالج الوضع اتفهم دلوقتى غلط الولد الشاطر بياخد درس وابوه بيفتخر ابنى بياخد درس فى مادة كذا وكذا وكذا اشمعنا ابن فلان هو احسن من ابنى ياساده ياساده دى ثقافة بلد ومش هتتغير ( ان الله لا يغير مابقوم حتى يغيروا ما بأنفسهم) ياساده انبذوا مدرسى الدروس الخصوصية حتى يظهر للجميع الغث من الثمين ساعتها ابشركم بان الحكومه ستوافق على 3000 جنيه لكل معلم والدليل ان الوزير الهمام قال انا لا اجرم الدروس الخصوصية علشان يستمر التعليم فى تدهور دروس بره المدرسة وجواها وطبعا الحكومة بتوفر ومتديش للمدرسين حقوقهم لان فيه فزاعه اسمها الدروس الخصوصية يلا من بداية هذا العام حاربوا متعاطى الدروس وهناك طرق كثيرة انتوا عرفينها اكتر منى .