مقالة جميلة
بس المشكلة انهم بييجوا عند التعليم ويقفوا هل السبب فعلا كما كنا نسمع في النظام السابق لان امريكا بتتدخل ولا احنا مش عايزين مصر تنهض ابدا
يا جماعة المدرس غلبان انا مدرس في مدرسة فيها 108 مدرس فيهم 8 اللي بيدوا دروس علشان الناس اللي عمالة تقول الدروس الدروس عاملة زي الادمان احنا اللي بنعود ولادنا عليها انا على فكرة مدرس وبادي دروس و لكن ولادي ما باديهمش دروس علشان اثبت فكرة كانت في دماغي من زمان ان الدروس للطالب الضعيف فقط وده كان اصل منشأ الدروس الخصوصية ولكن الان اصبح الجميع ياخذ دروس من اولى ابتدائي لو كل ولي امر خلى ابنه ما ياخدش دروس طالما هو عارف ان ابنه تحصيله معقول حترجع المدرسة تاني ده طبعا بعد ما يعدلوا احوال المعلم المادية بطريقة محترمة مش معقول ابقى مدرس بقالي 22 سنة ومرتبي 1200 جنيه وتلميذ كان عندي واخد دبلوم صنايع يشتغل سكرتير مدير مكتب شركة غاز بياخد الاف مؤلفة وراكب عربية موديل السنة وبعدين تقولي متديش دروس هل اللي حاصل على دبلوم صنايع مؤهله احسن مني هل ده يعقل طبعا منظومة مقلوبة وماسكين كلمة واحدة انتم اصلكم وزارة خدمات اي نوع من الخدمات انتاج العقول يا جماعة احنا اللي بنبي عقول ابناء هذا الشعب مش معقول يبقى ده حالنا وبعدين مستغلين ان احنا متفرقين في مدارس وزي ما باقولكم الوزير طالع يقول انا عارف ان الاضراب مش حيتم عنده حق لان احنا لو لنا نقيب او نقابة تعرف تجمعنا كان عملنا حساب كنت اعتقد ان الثورة غيرت شيئ ولكن للاسف لم يتغير اي شئ سوى ان احنا الدنيا بقت صعبة علينا اكتر ربنا يخلف علينا ويولى امرنا اناس تراعي الله فينا
|
02-09-2011, 03:55 AM
العرض المتطور
