معتش الا ده كمان يتكلم

[حبيبة الملايين]

حد ياجماعة شاف اللى اسمه نصر القفاص فى برنامج الجورنال على قناة الحياة 2 وهو بيهاجم مظاهرات المعلمين النهاردة وبيقول بتوع الدروس الخصوصية اللى كانوا سادين شارع قصر العيني عايزين ايه اللي بينهبوا فلوس الشعب بالدروس الخصوصيه ومش صابرين ليه هي ناقصه سيادته كمان! والله المعلم ده غلبان هيلاقيها منين ولا منين من وزير ولا من مذيع ولا من صحفي وبعد ده كله بيقولوا ليه عملنا مظاهرات وايه اللي تعبنا وهما نفسهم سبب تعبنا لا وزير بيدينا حقوقنا ولا مذيع بينصفنا ولا صحفي بيكتب ارائنا ومطالبنا وربنا يصبرنا على بلائنا

[fatata]

معاك الف حق يا حبيبة الملايين المعلم في كل مكان واخد حقوقه الا المعلم المصري متبهدل اخر بهدله بس ان شاء الله ربنا هينصره على الظالمين لان ربنا هو العالم بحاله

[azeemaa]

كل واحد بيهبش من البلد مش حاسس بالناس اللى شايفين العذاب فى طلب لقمة العيش . كل واحد منهم بيهبر ومش عايز حد يبقى كويس طالما هو فى التمام ومش ناقصه حاجة ..... عالم مريضة بمرض العبط

[ام يوسف]

علشان دا وال زيه لازم نكمل ولا نتنازل عن حقوقنا المادية والادبية ولا نرضى باى ترضيه عابرة بل نصر على تنفيذ مطالبنا كاملة

[شهد الجنة]

الحقيقة نفسى اسال الاستاذ الصحفى مرتبه كام ولو بيحصل على نفس مرتب المعلم الهزيل كان مكانه الان ليس فى القنوات الفضائية ولكن بايت على سلم نقابةالصحفيين لحد ما ياخذ حقه و ساعتها المعلم لا يسخر منه ويقول له بأى قوة تتحدث عن حقك مع العلم ان المعلم هو الذى جعلك صحفى وله كل الفضل بما أنت وأمثالك فيه الآن

[ymz258]

أصل أنتم ما شفتوش المتظاهرين عملوا أيه فى المذيع بتاع الحياة وفريق العمل بتاعهم عندما قال أن العشرات من المعلمين يتظاهرون فأصر المعلمين أنه يجب أن يقول الحقيقة فما كان منه إلا أن تكلم بعنجهية فما كان من المعلمين إلا أن أصروا على مغادرته المكان فدفعوا الجميع داخل السيارة ثم رشوهم بالمياه مع التخبيط على السيارة ومحاولة تحطيمها فما كان من البعض من المدرسين أن منعوهم من ذلك

[fatata]

البيه تلاقيه بياخد 6او 7 مليون في السنه ومش حاسس بالمعلم الغلبان اللي راتبه ميكملش 1000 جنيه بعد 20 سنه

[نور الوكيل]

كرامتي كرامتي أولا و أخيرا
كرامة المعلم ..... علي فين
كل شيء في هذا الموقع المحترم رائع جدا و تستحق التقدير و الثناء .....ولكن في حاجة مهمة أكثر من ذلك و هي أن كل مدرس يشاهد اي إعلامي يوجه انتقادات جارحة للمعلمين لا نسكت على حقوقنا كما كان في الماضي فاليوم مثلا بعد عودتي من القاهرة وجدت الإعلامي عمر أديب يهين كرامة كل معلم و يسخر من نظام التعليم في مدارسنا جميعها و يجب علينا أن نتحرك و لا نقف مكتوفي الأيدي تجاه كل من يحاول أن يعبث بكرامة المعلم او ينال منها و يجب على كل معلم أن يرد على هذه الإهانات المتعددة و ذلك عن تحريك دعوى قضائية ضده و ضد غيره و علينا ألا نتخاذل في ذلك و سأبدأ بنفسي أولا و سوف أرفع عليه أول قضية سب و قذف و دلك ليكون عبره لمن يعتبر .....

[M.Ahmed Elsaid]

يا عم نصر يا قفاص خليك محترم .. وبلاش الشويتين اللى قدام الكاميرا دول


والله انت وامثالك من غير القنوات الفضائية ولا تسووا مليم

ولا علشان الفلوس كترت معاكم

[YaserTrboush]

حسبنا الله ونعم الوكيل فيه وفى أمثالة

[YaserTrboush]

مهنة المعلم من أصعب المهن فهى تحتاج لجهد بدنى وعقلى . تحتاج لصبر . تحتاج لثقافة . تحتاج لمن لديه قدرة على العطاء . فهى مهنة بناء العقول بناء الأمم ونهضتها ... ولكن على مدى العقدين الأخيرين نجح النظام فى تدمير هذه المهنة وذلك بتدمير المعلم نفسيا وأدبيا وماديا .. مما هدم معه منظومة التعليم ... والآن ينتفض المعلم .. العطاء .. الصابر .. الشريف .. المثابر .. ليطلب بحقه أن يكون لمهنته قيمه ولدوره ريادة فى نهضة وطنه .. ربنا معكم يا شرفاء الوطن .. يا بناة الحضارات
فلتكن انتفاضة المعلم اليوم انتفاضة حق لعودة التعليم والمعلم فى الوضع الأمثل

[رمزى رامز]

منه لله وحسبى الله ونعم الوكيل

[abohazem]

للأسف لا يهاجم المعلمين الا الجهلة والفاشلين الذين كانت لديهم عقد أدت لفشلهم أثناء الدراسة
وطبع شوبير و عمرو أديب وهذا القفاص مجرد أمثلة

[sammos]

اصل هو متغاظ من المعلمين بعد ماهزأناه يعد ماكدب وقال عشرات وطردناه بعربيته من هناك
موقف شخصى يعنى ادى الصحافه المحترمة

[اشرف الشوربجى]

منه لله وحسبى الله ونعم الوكيل