صور مظاهرة اليوم

[مدحت عمر]

سبحان الله يا ناس ايه الحل فى الازهر
نسيب الشغل ولا ايه واعتصم ولا اعمل ايه
حد يقولى ارجوكم المرتب 428 لا يكفى لاى شئ
اسكن فى شقة ايجارها 300ج فماذا افعل بالباقى و الازهر انتهى من العمل به الساعة 3 عصرا اين اعمل بعد ذلك وعندما اعمل اظل اعمل حتى الساعة الثانية والثالثة صباحا وكيف اعود وانام واصحى حتى اذهب الساعة 8 صباحا واكون ذو عقل و اؤدى عملى
يارب مالى سواك ادركنا برحمتك
لو حد عندة حل يقول علشان انا زهقت

[أ/مصطفى محمود]

المشاركة الأصلية كتبت بواسطة مدحت عمر

سبحان الله يا ناس ايه الحل فى الازهر
نسيب الشغل ولا ايه واعتصم ولا اعمل ايه
حد يقولى ارجوكم المرتب 428 لا يكفى لاى شئ
اسكن فى شقة ايجارها 300ج فماذا افعل بالباقى و الازهر انتهى من العمل به الساعة 3 عصرا اين اعمل بعد ذلك وعندما اعمل اظل اعمل حتى الساعة الثانية والثالثة صباحا وكيف اعود وانام واصحى حتى اذهب الساعة 8 صباحا واكون ذو عقل و اؤدى عملى
يارب مالى سواك ادركنا برحمتك
لو حد عندة حل يقول علشان انا زهقت

الله يكون في عونك لكن صدقني افضل حل ليك
تدي دروس في شقتك اللي مأجرها
أو حل تاني
خد اجازة بدون مرتب واشتغل شغله تانية بدلا من التدريس
لأنه المدرس بقي اقل فئة في بلدك
انا بتكلم لو كنت معلم تربية وتعليم لكن معلم كمان بالازهر فاحنا للأسف ميتين في ظل نظام نوم الازهر في العسل.
وفكرتني بمدرس يقرب لي - كان مدرس شرعي بالازهر - وذهب للكويت من سنتين وعمل في مطعم ولن اقول الان ما مرتبه ربنا يزيده

وابشرك- وسامحني - أنه لن يتطور التعليم الازهري ولا حال المعلم فيه الا اذا تغيرت ادارات وافكار عقيمة وقديمة والاغرب انه اثبت فشلها عمليا و علميا ، ولكن تعليم الازهر يظل الى الان ينحدر و ينحدر وشكله مش هتقوم له قومه لأن اغلب العاملين به مرتاحين ودماغهم بقت في الضياع واخدو على الاستهتار بالتعليم
و ده اعلان للتعليم الازهري
" قدم لولدك يا استاذ ، قدمي لابنك يا مدام تضمن نجاحه ولو عبيط ، حتى ولو مش بيعرف يكتب ، حتى لو مش بيفهم ..سينجح وكمان لو مش عاجبك نتيجته تعالا وغيرها ، الاهم تقدم اللي في النصيب للكنترول وحسنة قليلة تمنع بلاوي كتيره ، أساذتنا هم من يشرحون ، وهم ايضا من يحلون امتحان نصف و اخر العام ،...عندنا التعليم مش بيتطور يعني مفيش حاجه اسمها اعمال سنة ، مفيش حاجه اسمها ملف انجاز الطالب ، مفيش حاجه اسمها كمبيوتر ، معندناش اي تطور نحن نتبع المناهج الغير مطورة ، عندنا مفيش حاجه اسمها سقوط فكل التلاميذ دور تاني بفضل الله وحتى لو ولدك نزل في 20 مادة هينجح هينجح في الدور الفوقاني وهيدخل كلية ، وحصريا عندنا في التعليم الازهري مفيش تطوير لأبنية المعاهد فمعاهدنا عتيقة و فلوسنا كتير بس مش عارفين بتروح لفين ولا لمين ، مفيش عندنا مكتبات في المعاهد عشان ولدك يلعب و يهيص في الحوش و ميتعبش في القراءة للكتب ، وهو ناقص كتب ، كفاية الكتب و المواد الكتيرة مش بيفهم حتى نص مادة منهم ، إحنا هنريحه لك اخر حاجه ، بس انت قدم لولدك ، مفيش حاجه عندنا اسمها معامل للعلوم حتى لو نفسه ولدك يطلع عالم متحلمش كتير وحتى لو ولدك نفسه يتعلم بنفسه و يعمل تجارب فده انساه انت عايز ايه غير انه ينجح ولو هو متفوق شوية هيطلع الاول متقلقش بس الاول عندنا زي الاخير ، لأن شغلنا بيحب الكرامات بتاعتكم ، وانتو البركة بتوعنا ، من الاخر
نحن لن نتغير ولن نتطور خطوة ولو تطور التعليم في كل العالم بما فيها مصر فنحن بلا فخر لن نكون مشاركين في التطوير "
وحسبي الله ونعم الوكيل على القائمين في التعليم الازهري الذي كنت اظنه تعليم ولكن للأسف طلع...................
وربنا يعينك اخي