faculty of science>>only for alexandria university>>

[radium4]

المشاركة الأصلية كتبت بواسطة zamalek1

اصل كل ما اقول لاهلى او اصحابى ادخل علوم يقولى هتتطلع ايه يعنى احمد زويل وتخترع الذرة وكمان عشان ابن عمى مهندس ميكانيكا كنا على الفطار فى رمضان فبيقولوا عايز تدخل ايه فقولتلهم علوم ان شاء الله راح ابن عمى راح قال دنا اتنين صحابى خريجى علوم وجيبيبن امتيازات ونفسهم يشتغلوا معايا ( عمااااااااااااااال) فى الشركة اللى هو شغال فيها وكمان اخويا فى سنة6 طب بشرى قسم عظام بيقولى نقابة الاطباء رافعة قضية على قسم فى العلوم اسمه بيولوجى عشان بيشتغلوا فى التحاليل وده مخالف للقانون بقولوا يعنى اموت نفسى راح فالى ادخلها بس بطريقة استفزازية والوالدة بتقولى ان مصر بلد الدكاترة والمهندسين بس يا جماعة ان مبحبش الادبى وكان كل املى ان اكون حابب الكلية عشان تكون نفسى مفتوح فى 3 ثانوى عشان انا حاسس دلوقتى مليش هدف فى الحياة ولو دخلت ادبى مش هعرف اكمل فيها عشان انا كاره الادبى بكلياته مع احترامى طبعا ولو دخلت ادبى هيتعمل عليا تقسيمة مش مهم هما المهم انا كمان مش هكون مرتاح بصوا انا 88% وعلمى رياضة وداخل 3 ثانوى ونفسى مقفولة اوى ومش طايق الدنيا باللى فيها وكان نفسى افضفض معاااااااااااكم ومش عارف ليه برتاح لما بدخل قسم منتدى كلية العلوم

بص ...
فكك من كل التهجيص ده
عايز افهم .. هو مين قال ان اللي بيتخرج من طب و هندسة .. بيشتغل ؟؟
مهم على القهاوي زيهم زي اي حد .. يا اما بتعينو بملاليم
كل حاجة بالاجتهاد .. و سيبك من حوار قريبك اللي بيقولك عمال و بتاع ..
احيانا الواحد بيعجب بنفسه اوي ... انا اغلب صحابي داخلين طب .. بس تحس انه كان مخطط لحد هنا بس
و كل همه انه يقول لصاحبه(( يا دكتور فلان و دكتور علان ))
و كذلك بتوع هندسة ... (( انت عامل ايه يا بشمهندس )) و (( ها .. كلمت البشمهندس فلان ولا لسة ))
جو الفشخرة و الحركات البلدي دي
شد حيلك السنة الجاية عشان تبقى في الامان و تدخل علوم ان شاء الله
و اهم حاجة تبقى واثق في نفسك و ميهمكش من الكلام ... و انوي كدة انك تثبتك نفسك لكل اللي اتريق على الكلية