وأخيراً اتعينت معلماً واستلمتُ جواب التعيين - إدارة شربين - دقهلية

[الأستاذ حمدي]

بارك الله فيكم جميعاً..

المشاركة الأصلية كتبت بواسطة mohamed h z

مبرووووووووك يا استاذ حمدي انا زيك ادارة شربين بس مرحلة ثانوية ولسه معادنا يوم الاحد بس ياريت اعرف انت مدرس ايه وطلبات ايه بالظبط اللي طلبوها جديد وعملت ايه بالظبط لان موضوع الفيش ده جديد انا طلبو مني اخر اقرار استلام عمل وشهادة الدبلومة وشهادة النجاح في الكادر ياريت تقولي عملت ايه بالظبط عشان نجهز نفسنا ومبروك ياسيدي وعقبالنا

أنا معلم رياضيات ابتدائي.
الأوراق المطلوبة كالتالي:
1- فيش وتشبيه (كن هناك أمام المركز الساعة 8 عشان تحجز مكان حلو في الطابوووووووووووووووور ولا تنسَ الـ 15 جنيه المطلوب دفعها لعمل الفيش)
2- كعب عمل من مكتب العمل في الهيمة (اركب توك توك وخذ معك البطاقة وأصل شهادة التخرج أو صورة طبق الأصل مختومة بختم النسر سواء من الإدارة أو من المدرسة أو من أي مكان المهم يكون عليها ختم النسر)
3- ملف تعيين من مكتبة الفوزان أو من مكتبة التلباني (30 جنيه ينطح جنيه )
4- أصل شهادة التخرج أو صورة طبق الأصل.
5- الرقم التأميني.
6- لو أنت متزوج اعرف تواريخ ميلادهم وكذلك الأم وتاريخ الزواج وخلافه...
7- في ملف التعيين هتقعد تملي شوية ورق كتير هتزهق يعني هتزهق هاهاهاهاه..

في رعاية الله.