صحصحوا شوية يا شباب ..

[Eng. Ahmed Said]

المشاركة الأصلية كتبت بواسطة ENG.HAGAR

جزاك الله كل خير ..

الله يبارك فى حضرتك .. الحمد لله كانت الامور ميسرة والكلية صحرااا علشان كان فى وقفة فى جامعة عين شمس وكان الجو هادى .. وغاليبة الاتحاد والاسر ماكانتش موجودة " ان لم تكن كلها " بس بصراحة كان الاسر بتساعد ... علشان كدا الواحد كان محتاج مساعدة من غيره من حيث الاماكن والاجراءات وكدا ..
بس ايه الكشف الطبى دا " اسم على غير مسمى "... بجد حاجة تحزن .. تسأل " تعبانه ؟ .. لابسه نضارة ؟ "مع انى مش لابسة نضارة وقتها .. بس ممكن تكون قصدها عدسات كله خير ..
وسالت مرتين .. كنت مستغربة جدا ...
بالنسبة للدرشة الخفيفة قبل الكلية مافيش مشكلة ... بردو الواحد هيقدر اكيد يستفيد من غيره فى حياته ..علشان كلنا بأذن الله نجيب تقديرات محترمة .. ونفرح بعض فى نهاية الترم فى نفس القسم دا ..

حظك حلو يا باشمهندسة، يوم التقديم ده كنا بنتعامل فيه معاملة غير آدمية بالمرة بس هي حاجة مش جديدة علينا يعني في مصر

أنا عايز أقول للناس هناك، يا جدعان إحنا مش في مدرسة خلاص إحنا بقينا باشمهندسين الحمدلله فالتعامل يبقي محترم وفيه تقدير للناس أكتر من كده، لكن لا حياة لمن تنادي

الكشف الطبي بتاعي كان كده بالظبط كان أقرب للاستجواب الشفوي ، وكل أما أقول لحد مايصدقنيش، عملت عمليات قبل كده ؟ لابس نضارة ؟ بتشتكي من حاجة ؟ خلاص ورينا عرض كتافك

آخر جزء أنا مش فاهم حاجة بصراحة

[ENG.HAGAR]

المشاركة الأصلية كتبت بواسطة Eng. Ahmed Said

حظك حلو يا باشمهندسة، يوم التقديم ده كنا بنتعامل فيه معاملة غير آدمية بالمرة بس هي حاجة مش جديدة علينا يعني في مصر

الحمد لله .. كله فضل من عند ربنا ...
بالنسبة للمعاملة غير آدمية فهى صفة غالبة على المؤسسات فى مصر للأسف الشديد .. بس ان شاء الله كله هيبقى احسن بعد الثورة ..
مظبوووووط مش جديد علينا .. بس احنا لازم نستغرب له 25 يناير ..

أنا عايز أقول للناس هناك، يا جدعان إحنا مش في مدرسة خلاص إحنا بقينا باشمهندسين الحمدلله فالتعامل يبقي محترم وفيه تقدير للناس أكتر من كده، لكن لا حياة لمن تنادي

سواء فى مدرسة او غير مدرسة التعامل لام يكون محترم .. لان اللى جايين مش كائنات درجة تانية " حيوانات اعزكم الله " لكن بنى آدمين زى اللى بيخلصوا مصالح الناس بالظبط
.
اناا اللى دايقنى بقى ان كام شاب كانوا هناك كانوا بيتكلموا بصوت عالى وقولت فى نفسى مرحلة المدرسة حاجة و مرحلة الجامعة حاجة .. من الافضل ان الواحد يحس شوية انه بقى اكبر من حيث التعامل حتى فى طريقة الهزار .. لما كان الواحد بيهزر ويزود فى الهزار شوية كان بيتقال عليه " سيبه دا عيل لسه فى مدرسة "
لكن الواحد بردو لازم يحترم على الاقل الموظفين اللى فى الشئون علشان مش يتعصبوا وكدة
حتى الموظفة اللى فى الشئون زعقت وقالت " مش معقول كدا .. احنا لسه فى بداية اليوم ما ينفعش كدا .."
بردو دول بيتعبوا .. ولازم نحترمهم حتى لو دا واجب عليهم ..

الكشف الطبي بتاعي كان كده بالظبط كان أقرب للاستجواب الشفوي ، وكل أما أقول لحد مايصدقنيش، عملت عمليات قبل كده ؟ لابس نضارة ؟ بتشتكي من حاجة ؟ خلاص ورينا عرض كتافك

فعلا .. والله حاجة تضحك .. الست كانت جايبه بنتها تساعدها فى الشغل .. تخيل حضرتك !

آخر جزء أنا مش فاهم حاجة بصراحة

انا كنت بتكلم على صلب الموضوع
" بمناسبة محاكمة عز بقى "

...........................