ممكن تساعدونى ولالا

[bahaaeldeen]

بصى اسمعى كلامى
انا كنت جايب 88 فى سنة تانية وسمعت كلام يسم البدن من كل مكان حتى المنتدى
ومعظم الناس قالتلى حول ادبى وجبت فى تانية 92 مجموع سنتين
انتى درجاتك حلوة فى علمى
وعلى فكرة الاستاتيكا مادة مش عبيطة ومادام عرفتى تحلى فيها تبقى بيرفكت واكيد هتعملى نتيجة كويسة باذن الله

ومفيش حاجة مستحيلة كل الحكاية اصرار وانا الحمد لله وبفضل ربى عديت ناس كتير اوى
واحد كان جايب 94 نزل ل90
بصى هى عاملة زى نظام دورى المجموعات فى الكورة ممكن تبقى خسرتى ماتش او ماتشين بس الطريق لسه مفتوح للتاهل

يستحسن تكملى علمى بجد دى فرصة اوعى تضيعيها
انا دلوقتى دخلت كلية الفنون الجميلة وعرفت مؤخرا ان نظام دراستها زى هندسة بالظبط ولو انها فنون

ودى نظام الدراسة وعلى فكرة ديكور بمثابة هندسة معمارى

ودى نبذة عن قسم ديكور ودراستها

مبدئيا تشمل الدراسه العلميه ( الاساس) و النظريه -- مادة الانشاءات ( مساقط افقيه و قطاعات رأسيه و معماريه كأسس البناء و القواعد الاساسيه للانشاء و قواعد انشاء المبانى و انواعها, و الانشاءات كالاعمده و السملات و الحوائط و السلالم..الخ و غيرها و كل نقطه منهم نقوم بدراستها بالتفصيل ) -- مادة الكيمياء -- مادة الفيزياء -- التصميمات ( تعتمد على المساقط الافقيه و القطاعات الرأسيه و المناظير للهيكل المعمارى + التصميم الداخلى) -- مادة التكاليف -- مادة المنظور الهندسى -- دراسه شامله للصرف ( و كيفية توزيعه على المبنى المعمارى بالمساقط الافقيه و القطاعات الرأسيه و غيرها من التوضيحات الهندسيه مع توضيح كل الرموز ) -- دراسه شامله للكهرباء ( الاضاءه و التكيف ) و كيفية توزيعها ايضا بكل الرموز و التوضيحات الهندسيه -- وركينج ( لدراسه شامله للتركيب و كيفية عمل الاسقف الساقطه بكل انواعها, و انواع الارضيات المختلفه..الخ و غيرها من التكميلات الانشائيه) -- وخلال العام الدراسى نقوم بتقديم الابحاث العلميه, و تقديم بشكل اساسى اكثر من مشروع عملى خلال الترم الواحد لكل ماده -- غير الزيارات الميدانيه و زيارة و نزول المواقع الانشائيه و مواقع البناء -- دراسة البرامج المختلفه autocad - photoshop - 3d max , و هذه نبذه عن دراستنا فى قسم الديكور, يعنى
مشتركين مع قسم عمارة فى مواد كتير و بندرس مواد تكاد تكون مطابقة لمدني في هندسة( بس طبعا هما بتعمق اكتر ) , يعنى دراسة هندسية + فنية


وباذن الله خير وانتى مستواكى ممتاز ماشاء الله
يستحسن تاخدى مستوى رفيع انجلش او عربى ولو فيه اى سؤال ابعتيلى ع الخاص وهفيدك باذن الله


نصيحة كمان اوعى تسمعى للناس اليائسة المحبطة اللى بتعشق الفشل

والله العظيم مدرس هنا رياضيات قالى اللى جايب اقل من 90 يحول ادبى احسن والله العظيم ما حطيت كلامه ف دماغى وربنا كرمنى الحمد لله بقيت افضل وهبقى افضل وانتى كمان ان شاء الله