|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
24-09-2011, 07:53 AM
|
||||
|
||||
كان شعورك ايه فى اللحظة دى ؟؟ .. لكل اللى كان فى تالته فقط ! :d
ازيكو يا جماعه عاملين ايه يارب تكونوا بخيييير
 معلش على العنوان الغريب ده بس قولت اخضكم شوية  شوفواا انا كنت قاعد فى امان الله لقيت نفسى افتكرت الاسئلة اللى خليتنى اشد فى شعرى فى الامتحانات  و بالذات اللحظة المنيلة اللى شوفت فيها السؤال ده Who arrested the journalist ?? هههههههه فاكرينه بتاع قطعه الانجليزى انا الصراااااحه اول ما شوفته عملت كده    :romarioxp 6:و انا و العيال فى اللجنه قعدنا كده >>  ولا قطعه the chemistry of love هههههههههههه ولا امتحان الفيزياء الله اكبر اللى مجاش فيه ولا مساله عن ارشميدس انا كنت خاااارج من الامتحاااان هموت من الضحك .. يعنى مذاكرش فى الفيزيا غيره و ميجيش .. نحس مركب هههههههه معلش بفكركم بالحاجات المنيلة دى بس انا كل ما افتكر امووووت من الضحك انتوا حسيتواااا ب ايه فى الاسئلة دى  !؟
__________________
I`ll thank Allah for open my eyes..Now and forever I`ll be there for you..And I ask Allah to bless all we do..You`re my friend..and my strength
 
|
|
#3
24-09-2011, 02:42 PM
|
||||
|
||||
أمتحان أنجلش السنادي اعتقد انك توافقني انه مش ربع بتاع السنه الي فاتت (ع الاقل خدنا خبره تصحيح+حدس جيد للإجابه المتوقعه انها تيجي في النموذج)
بتاع مين حبس الكنج أول ما قريتها دورت في القطعه ملاقيتش رحت مستنتج انهم حراس القصر توماتيكي توماتيكي وبعدين رحت قايل ما ممكن يكون فيه بوليس علي اعتبار انه منصب ولازم حراسه وبتاع كتبت OR والشرطه قطعه الكيميستري أقسم بالله كنت عارف اول ما قريتها أجابتها ليه؟ خبره من خا"ز"وق السنه الي فاتت بتاع مرادف اجيتيتد فتعلمت متفلسفش مثلا في بتاع ان الكاتب قال ايه في العلاقات طويله الامد والي بيحكمها رحت قايل الإينر يا معلم عشان متفلسفش والحمد لله طلعت صح  امتحان الفيزيا اقسم بالله كان نفسي ييجي زي 2008 لييييييييه؟! عشان يبان الي بيفكر م الدحيح الحتيت الصميم الفتيت وخصوصا إننا كنا في المنتدي في دفعتنا كنا بنجيب مسائل والله الي حط2008 مفكرش فيها فكان فيه استعداد شخصي وده رأيي يمكن يكون اناني بس 2011 امتحانها مهزله ونحمد الله اننا خلصنا يا جدع كانت ايام سوده وكفااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااايه قصه الحج جوز سوزي (طه حسين) دي لوحدها كفايه قصه تيييييييييييييييييت
__________________
Dr.Mohamed Mostafa Elkady
Benha Faculty of Medicine
|
|
#4
24-09-2011, 05:32 PM
|
||||
|
||||
|
ههههههههههههههههههههه اه والله يا دكتور كفاية القصه دى قالك الشيخ الشنقيطى دى كانت مليانه شيوخ اكتر من اللى فى الازهر دلوقتى ههههههههههههههههههههه
بس عندك حق امتحانات السنه دى كانت مهزله و خلت كل الناس تعلى اووووووووووووووى والله كل ما افتكر الايام دى بقعد اضحك ........ بنوته مصرية1 : ربنا معاكى فى امتحانات السنه دى
__________________
I`ll thank Allah for open my eyes..Now and forever I`ll be there for you..And I ask Allah to bless all we do..You`re my friend..and my strength
|
|
#5
24-09-2011, 06:52 PM
|
||||
|
||||
|
انا اول ما شفت امتحان الانجليزى حسيت انى من حوارى الصومال ! .. دانا واخد اخر لفل فى الجامعه الامريكية يعنى المفروض متمكن من اللغة ! الاقى الكلام طلع مش لغة خالص . الامتحان بيعتمد على انك تستنج حاجات عجيبه .. بالذات امتحان المستوى الرفيع بتاع الانجليزى اللى لحد دلوقتى بموت من الضحك بسببه انا نقصت درجة عشان المصحح عايز كده ! .. يعنى بيقول القرن الثالث بدأ امتى !! و نموذج الاجابة بيقول لما القرن الالث بدا.. طب ده سؤال و اجابة فى نفس الوقت !!
و ليه احنا بنشوف سور الصين العظيم !! .. يعنى مثلاً يجيبلك قطعة يقولك : كان سيد رجل عظيم .. حيث كان يذهب الى المدرسة صباحاً .. و يذاكر ليلاً .. و يذاكر ليلاً و يذهب للمدرسة صباحاً .. و كان يرتدى سروالاً ازرق اللون .. و كان سيد يكره اللون الازرق !! جاوب بقى ع الاسئلة : 1- كان لمحمد دور عظيم . وضح .. 2-كان سروال سيد ازرق .. فما كان لون قميصه ؟! 3- اسم ام سيد ايه ؟؟ لا تستغرب .. انك فى مصر
__________________
و كفى بالله .. وكيلا ..
حين يجمع أطفال غزة المال لأطفال الصومال..يجب ان يبكي العالم عارا على نفسه !! 
|
|
#6
25-09-2011, 12:07 AM
|
||||
|
||||
|
اقتباس:
يا جدع ده راجل فاضي هيا القصه مع شويه (او كتير
) تعديلات هتبقي كويسه دنا دنيتني في القصه 4 ايام براجعها لوحدها وباقي العربي لوكشه واحده في يومين ههههههههههه منهج العربي ابن تيت اصلاً ككل والادب ده كان انتن م القصه كمان الحمد لله خلااااااااااااااااص no arabic .... no cry  اقتباس:
(مستوي الشعب ههههههههههه)بس حلو اوي سؤال القرن الثالث دههههههههههههه اهو ده سؤال حلزوني لولبي ملاهي 
__________________
Dr.Mohamed Mostafa Elkady
Benha Faculty of Medicine
|
|
#7
25-09-2011, 12:16 AM
|
||||
|
||||
|
اقتباس:
ربنا معاكي هههههههههههههههههه
دنتي هتشيبي في قصه طه دي
__________________
Dr.Mohamed Mostafa Elkady
Benha Faculty of Medicine
|
|
#8
25-09-2011, 12:46 AM
|
||||
|
||||
|
سنه وعدت بذكراياتها الحلوة الواحد نفسه يعيش الايام دي تاني بس بشرط ما يذاكرش
__________________
قصص أطفال | قصص أطفال قصيرة | قصص أطفال قبل النوم | قصص أطفال تعليمية | قصص أطفال مشوقة
|
|
#9
25-09-2011, 01:04 AM
|
||||
|
||||
|
اقتباس:
لية بس احنا اخدنا تمن فصول وتمام شغال يعنى بس قربت اتشل من كتر التفاصيل ربنا يطمنك زى ماطمنتنى
|
|
#10
25-09-2011, 01:14 AM
|
||||
|
||||
|
اقتباس:
دا الجزء الاول(اول 11 فصل) زي السكينه في الحلاوه امال لو شفتي التاني والتاااااااااااااالت ههههههههههههه تفاصيل بالهدم (بجد مش هزار الاول ولا حاجه للتاني والتالت غالبا هتسيبيه)  ربنا معاكي
__________________
Dr.Mohamed Mostafa Elkady
Benha Faculty of Medicine
|
|
#11
25-09-2011, 01:21 AM
|
||||
|
||||
|
اقتباس:
فعلاً
مع انها كانت ايام تيت X تيت  بس الواحد هيحن لأيام المراهقه والهروب من المدرسه والمتشات الفيفا والبيس 11 والنط م السور كانت متعه اي والله لكن في الجامعه هتفرق انا والعيال فيه هيروح شبرا والي هيروح بنها معايا والي هيروح العاشر والشروق مش هنشوف بعض زي الاول 
__________________
Dr.Mohamed Mostafa Elkady
Benha Faculty of Medicine
|
|
#12
25-09-2011, 09:24 AM
|
||||
|
||||
|
السلام عليكم
صباااااااااح الخير يارب متملوش مني بس أنا حبيت الدخله بتاعت ميدو دي هههههههههههههههه موضوع مسلي جداً ثواني بس يا ماما وجاي أه اهلاً يا ميدو الله يخليك نورتنا يووووه ثواني بس لا لا دي ماما بس بتنده ثواني أجيب الشاي وأرجع أحكيلك 3 2 2 ونص تلااااااااااتة ستارت بسم الله الرحمن الرحيم أنا هرد على كل أسئلة سعادتم أولاً أحلى سنة عدت عليّ في حياااااااااتي هي 3 ثانوي كنت عامل فيها زي مجدي المكتئب اللي في فيلم ثقافي ملفوف في البطانية في شهر 7 ونايم تحت السرير ومربي دقنه وشكله جايف يعني ههههههه وكنت دايماً أعيط لما أسمع أغنية شادية والله يا زمن و بحب فيلم جواز عتريس من فؤاده باااااااااااطل بااااااااااااطل يا خراشي بااااطل يا عيني يا عيني يا عيني ع الولاااااااا وكل ده سبحان الله كان ابتلاء ما يعلم بيه الا الله لأن 2 ثانوي جت بتأثير سلبي عليّ شديد بس قدرت أتغلب عليه وكمان مشكلة ضهري اللي ما زالت أرجو ان ربنا يشفيني منها يا شباب الشاي برد شهر 8 بدأ ولاااااااااا روح ياله احجز عند فلان لأ لأ دا فلان التاني ده راجل سوبر يا عم لا لا أنا هروح عند المعلم أبو كرش (مدرس روعة) المهم استقريت اني أخد رياضة وفيزيا وعلم نفخ (مش أحياء , خد بالك 91,4 في تانية ثانوي وميعرفش حاجه عن الرياضة لأنه كان ناوي أحياء) وفي يوم واااااحد تمانية في يوم واحد تمانية ألفين وعشرة 1/8/2010 كان يوم ما يعلم بيه الا ربنا روحنا لمدرس علم النفس دي طريقتي اللي مش عاجبه في ستين ,,,تييييييييييييييييت ,,, صبرنا والحمد لله جبت 50 مع اني سبت الدروس أخر 3 شهور الحاجه الوحيده اللي كانت مصبراني (أمي) ربنا يكرمها يارب صراحة فاقت الوصف جزاها الله من أمٍ ربت وعلمت وكبرت وضحت من أجل أناس أسأل الله أن يكونوا من المهتدين روحنا بعيد صح ؟ يا عم معلش أنا نسيت نفسي والله بص بئه حكاية الإمتحانات دي حاجه تخلع القلب من الضحك بجد في كل امتحان صوتك يجيب أخر الشارع من الضحك امتحان العربي احييييييييييييييم احيييييم خد ورئتك اكتب بياناتك ممنوع المسح أو الشطب المصحح انسان , مفقوووووووووع منك , وجيت يا معلم ورقة الأسئلة اعرب ما تحته خط (النحو ده شغلتي ) ألف تعرب ,,,,, لسه جاي أكتب مفعول مطلق ’’’’ الشيطان شتمني باين حسيت بكده "" الحمد لله عملتها نائب ولعت تمام تيجي بئه واحنا بنتحاور في الموضوع ده اللي يقولك أنا عملتها مفعول لأجله واللي يقول كذا وكذا الا واحد فز ملوش حل كتب عدد مرفوع بالضمه محدش رد عليه لأننا كنا متمرمغين في الأرض من الضحك زي المحششين بالظبط كل ما أفتكر أضحك حتى لغاية دلوقتي طالع كده فارد صدره اسكت اسكت ألف هتبقى عدد مرفوع بالضمه نيجي لإمتحان الانجليزي و تسمع الصرخة في سؤال القطعة مين اللي قبض على الصحفي والولا بيقول للمراقب أمستر مين اللي جاب القلعة جمب البحر محدش جاوب على السؤال بتاع محمد سعد طيب أنا مال أمي مين مسكله دلوقتي طبعاً الراجل خلع النضاره خليييييييييك في ورقتك و هتسكت مين ولا مين من الضحك لما تتلاقي واحد في الصف اللي جمك بيقول كده وهو بيمتحن بالملابس الداخلية ههههههههه امتحان الفزييا كان هااااااااااااااااااااااايف وأنا والله أنقذتهم في حتة باسكال مش ضغط جوي اللي هي (pa) وسؤال الملف بتاع الحث ايه تاني انا تعبت يا عم ميدو عندك امتحانات الرياضة كلها سهله بلا استثناء وعلم النفس هايف برده بس كانت سنة فللللللللل والله علمتني الصبر بطريقة الحمد لله والله دمت بخير وربنا يجعل كل أيامنا سعادة وخير يوم يوم نلقاه مؤمنين موحدين متقين أنا مش أسف للإطالة دا أنا هطلع أجري أحسن 
|
|
#13
25-09-2011, 05:59 PM
|
||||
|
||||
|
اقتباس:
ههههههههههه يا خبر يا بشمهندس ده انا قعدت ربع ساعه اقرا الكلام ده الاول على ما جبت النضارة يعنى و جيت ههههههه
انا بعشق الاسلوووووب الساخر ده جداا فى الكتابة و بعدين والدتك عماله تنادى ليه قول بقى اانك قايم تنشر الغسيل هههههه انا بقى كنت مستقر عند نفس المدرسين بتوع سنه تانيه بالظبط ما عدا الاقتصاد و الاحصاء مخدش درس غير مراجعه احصاااااء و الحمد لله قفتلهم ال 50 الرياضه كااااانت هبله لدرجة بعييييييده جبت 50 الحمد لله المستوى الانجليزى ده والله ذاكرته يوم الامتحان بالظبط بس فحته بمعنى الكلمة جبت 10 دول الحاجات اللى كانت مفرحاااانى نيجى بقى للعربى يا جدع انا لعبتى النحو بردو و الحمد لله حفظت النصوص عشان لو مكنتش سمعت كنت هضييييغ قعدت افكر اد كده والله نائب ولا مفعول مطلق و بعدين افتكرت أفه اخدته من اختى الكبيره و هى بتراجع معايا النجو فى الجزء ده ههههههههههه قومت جرى عملتها نائب انا من النوع القلوووق جداا و يوم الامتحان ده بالنسبه لى كارثه من كوارث الزمن يعنى يا اقضى عل يوم ده يا يقضى عليا ... يوم الفيزياء كنت صاحى تعبان و قرفت البيت كله ف عيشته .. دخلت الامتحان اول 3 اسئلة قفلتهم فى ساعه بكتيره كمان و مبسوط جداا روحت ابص على مسألة الكهربية مع انها فى السوال الخامس و انا فى الرابع لسه لقيتها ملعبكه حبتين كده اعصااااابى باظت مع انى لو كنت فى السؤال الخامس كنت هحلها المهم اغم عليا جوه الامتحان و كان باقى بالظبط ساعتين كان الساعه 10 كده طبعا المراقب جرى جابلى ميه و عصييييييير و انا مفيش بردو و خلاص بموووووت لحد ما ربنا يكرمهم فوقونى ب بيبسى ههههههه المهم فوقت لقيت الساعه 10.30 اعصااابى كانت بايظة خلصت الامتحان كله و قعدت افكر فى بتاعت PA اخر نص ساعه عرفت انها باسكال .. وبسببها والله واحد صاحبى دخل صيدلة بدل طب يلا الحمد لله اخيرا يعنى فى تالته جبت 95 + تانيه اللى جبت فيها 85 بسبب ظرووووووووف قاهره كده  بقى كله 90 و دخلت كلية تجارة .. يلا الحمد لله مع ان كانت الفنون و الحاسبات كل عشقى وليست الهندسه بس الواااااحد متاكد ان المكان اللى انا فيه ده هو اللى فيه الخييييييير و واحشنى يا بشمهندس طه والله 
__________________
I`ll thank Allah for open my eyes..Now and forever I`ll be there for you..And I ask Allah to bless all we do..You`re my friend..and my strength
|
|
#14
26-09-2011, 02:14 AM
|
||||
|
||||
|
اقتباس:
ههههههههههههههههههههه سلامة نظرك يا ميدو
بسرعة قبل ماما تصحى أنا نظري كان 6/6 قبل الثانوية اللوقتي أصبح 3/6 أو أكتر شوية الاسلوب ده مش بيوصل الا للناس العاقلة وربنا يخليك لزوقك بس يعني كان لازم تكسفنا قدام الناس (لازم تحرجنا كده اش عرفك اني قايم أنشر  )هههههههههه فكرتني بالاستقرار عند المدرسين كنت في تانية ثانوي و منتظم بئه وعامل فيها الولا اللي مفيش منه 2 وعدت المدرس بتاع الانجليزي اني أنتظم معاه يا دوب هما 3 حصص بالظبط ومشفش وشي تاني لغاية النهارده وكمان مخدتش درس خالص فيه ولا مدرسة ولا زفت  والمستوى الرفيع ده كنت باين محشش قبلها بيوم نمت بعد علم النفس صحيت الساعة 10 بالليل وأخوية بيصحيني محمد ,, عندك ايه بكرة يا بطل ؟ عندي مستوى رفيع عربي أخبارك فيه ايه ؟ ,,,انت يعني هتقرفني اللوقتي ,,, ما تنطق ياله معرفش فيه حاااااااااااااجه يالهوي  اه والله ولا حاجه 14 درس ونحو وبلاغة جديدة ومتعرفش حاجه ااااااااااه طيب اولع اخ اخ يعني أخوية ده والله يا ميدو قعدت أضحك على المكتب وبقول هو أنا هعمل ايه ف الورق ده كله (مخدتش برده درس مستوى) قولت والله لأختار كذا درس واللي ربنا يجيبه كويس يمكن تلطش في واحد ولا اتنين تصدق بالله ؟ أنا ذاكرت الطب العربي والتعريب وجه الطب العربي والتعريب !!! وجبت 9,5 بفضل الله و اللجنة كلها شالتني على دماغهم بعد الامتحان هههههههههههه ايه يا عم الأفة اللي أخدته ده أكيد افترا انه يفكرك اعراب ههههههههههههه حكاية القلق دي صراحة أنا أبو القلق كله بس ربنا يبيسترها و كنت بايع القضية بس الحمد لله كسبتها والقاضي براءة ايه يا عمممم لو أعرف كده كنت مثلت ان اغمى عليّ عشان يجيبولي كوكاكولا سبحان الله ياخي من طب لصيدلة عشان حاجه هايفه زي دي والله فشل التنسيق ده فشل الحمد لله يا ميدو والله محدش عارف الخير فين مجموع تانية كان بسبب ظروف عاطفية بس يلا خير الهندسة مش وحشة برده انت وحشني أكتر وبجد أشكرك على موضوعك المميز ده يا بيزنس مان كبير أوي باذن الله تحياتي يا غالي ثواني خد النضارة أهي انت رايح فين ياراجل عيب مفيش فرق بينا 
|
|
#15
26-09-2011, 09:17 PM
|
|||
|
|||
|
اقتباس:
__________________
 no..................... comment
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:06 PM.
