كميا وكميا حيوي

[عاشق الفيزيـاء]

المشاركة الأصلية كتبت بواسطة منة25

شكرا جدااا ليك بس اللي فهمته من كلامك ان في عين شمس تخصص مزدوج كميا وكميا حيوي ممكن احوله من سنة كام؟
ومن حيث ميولي فانا بحب الاتنين يعني مش هيسببولي مشاكل في الدراسه ان اشاء الله وده سبب حيرتي وصعب احدد الكل لغايه بالوقتي بيحمسني لكميا حيوية ومستقبلها احسن والكمياء اكيد هتفيدني علي حسب كلامك الحل اني لو مش عارفة استقر اشوف قسم مزدوج ان اشاء الله

على فكرة القسم المزدوج مش زي القسم السبيشيل على سبيل المثال كيميا بتبقى فيها كل حاجة عن الكيميا وكيميا حيوي فيها كل حاجة عن الكيميا الحيوي اما كيميا وكيميا حيوي فيها شوبة من هنا على شوية من هنا ففي الاخر لا هتبقي في الكيميا زي بتوع كيميا ولا في الكيميا الحيوي زي بتوع كيميا حيوي الكلام ده طبعا من حيث الدراسة ومن حيث الشغل كمعيدة ومن حيث الشغل في الابحاث العلمية لكن مبتفرقش اوي في اي حاجة تانية
اما اذا انتي حبيتي تاخدي قسم واحد منهم وهما الاتنين بالنسبالك زي بعض احب افكرك بحاجة كونك عايزة كيميا حيوي ده معناه انك علمي علوم لان علمي رياضة مش من حقه ياخد كيميا حيوي وكونك علمي علوم ده معناه انك مخدتيش رياضة 2 وعشان تدخلي قسم كيميا سبيشيل بتاخدي في سنة اولى مجموعة علوم طبيعية وفي سنة تانية تتخصصي في الكيميا والعلوم الطبيعية دي فيزيا وكيميا ورياضة والفيزيا والرياضة اللي فيها معتمدين على رياضة 2 اللي انتي مدرستيهاش فعشان كده الموضوع ممكن يبقى صعب عليكي شوية
الكلام ده عندنا في ع شمس لكن فيه جامعات تانية ممكن تاخدي فيها كيميا من اول سنة معرفش جامعتك على اني نظام
نظام الكيميا والكيميا الحيوي عندنا في ع شمس هوا انك تاخدي بيولوجي اول سنتين وتتخصصي كيميا وكيميا حيوي في تالتة ورابعة