تغيير المسمى الوظيفى بالبحيرة

[shaerhamada]

المشاركة الأصلية كتبت بواسطة مصطفي اسماعيل الفار

يا استاذ حمادة نشكر لك مجهودك الرائع و لكن........
بعد ما نشرت انفراجتك هذه قمنا بالاتصال بالاستاذ علاء القاضي و نفي كل شئ و اخذ يماطل في الامر كعادتة نحن الان في حيرة شديدة ولذلك........................
قررنا ان نتجمع نحن مدرسوا المسمي الوظيفي بالبحبرة علي مستوي المحافظة و قررنا اننا لن نترك المديرية حتي يتم اصدار نشرة النقل مهما حصل و لذلك ادعوا كل زملائي المدرسين بالبحيرة بالانضمام الينا يوم الاثنين القادم الساعة 10 ص الموافق 10/10/2011 وعلي اقل تقدير اصدار نشرات نقل للناس الموجديين حينئذ .

اولا مشكور على ذهابك للوزارة بس دة موضوع تانى لأننا كنا بنسافر على حق و رايحين لهدف محدد و واضح و سليم.
ثانيا استاذ علاء قالك ان المرحلتين هينضموا على بعض مجرد جملة قصيرة سمعتها بس اللى انت ما تعرفوش ان عشان الملزمتين ينضموا على بعض لازم تفرز استماراتهم كلهم و تاخد المقبول منهم و تكتبهم كلهم المقبول و المرفوض كمان علشان تبقى عارف سبب الرفض ايه و تراجعهم و تكتب المسلسل اللى على الجهاز على الاستمارة نفسها و تشيل اجتياز الكادر من الطلب و تكتب عليه المسلسل و تربط كل حاجة لوحدها (الملف المطبوع فى ملزمة - الطلبات فى ملزمة - اجتياز الكادر فى ملزمة) و بعدين تاخد الملزمة و تمضيها من مدير التنسيق المركزى استاذ محمد نجيب و بعدين من استاذ محمد حشيش و بعدين من استاذ محمود علوى و بعدين من السيد المحافظ و التوقيعات دى لوحدها دوخة و بعدين تختمها بختم النسر. شوف جملة واحدة سمعتها بتاخد شغل قد اية؟
ثالثا المسئول اللى انت بتسالة مابياخدش القرار لوحدة يعنى زى ما قولتلك لازم مجموعة من القياديين ياخدوا موافقة بعضهم و يراجعوا موافقة باقى الناس اللى شغالة معاهم فى التنسيقات التانية يعنى ممكن يقولك على حاجة و بعد كدة ما يتوافقش عليها بيقى حط نفسه فى موقف بايخ. المهم ان لما ينطلب رأية فى موضوع بيوافق للصالح العام و مبيكلكعش الدنيا و عايز تعرف الفرق بينا و بين المحافظات التانية اسال فى اى محافظة مش هتلاقى حد عمل ملازم لا مرحلة اولى و لا تانية و لا حتى بدأ يعملها و كل الكبار مكبرين دماغهم و شغالين على نظام فوت علينا الشهر الجاى. اما احنا عندنا الملزمتين اتكتبوا و اتمضوا و سافرت بيهم الوزارة و رجعت بيهم تانى و مسافر بيهم تانى . أظن كدة الصورة وضحت ان الموضوع مش مماطلة أكتر منه مشاورة.