|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
08-10-2011, 11:12 AM
|
||||
|
||||
اولااااااااا صباح الخير يا جماعه لانى بكتب الصبح
 بصوا انا مش قادر ارغى عشان ورايا محاضرة LAW و كنت مطرود منها و العيال نزلوهالى على النت و قولت اذاكرها عموما ندخل فى الموضوع اللى كنت هكتبه اصلاا بس يلا سبقتونى : اولا انا انا دخلت تجارة و انا مش بحبها اوى يعنى كنت علوم و حولت تجارة اسهل اجيب فيها تقدير .. ثانيا : دخلت لقيت جو لعب فى الكلية و صياعه و لمؤاخذه ( الاقى كل واد ساحبله بنت ف ايده و ماشيين  ) و عرفت ان الدفعه متقسمه لـ 4 تقسيمات و هى كالتالى : واحد عاوز يذاكر و بيقعد فى اول بنش و بيكتب كله و بردوا مش فاهم حاجة .... و واحد بيسمع اغانى او بيتكلم فى الموبايل .... او واحد نايم .. او وااااااااحد بينقى الاماكن جمب البنات ويفضل يقولهم بعد اذنكم اقعد .. و طبعا بيوافقوا و هوبااا يفضل يقولهم ايه ده انتى معاكى المحاضره بتاعت د/ درية ( عليها اللعنه بتاعت politics ) >> و يبدأوا الحواارات و ممكن تكون البنت متضايقة بس الولد مش مديها فرصه تخلع منه .. المهم
اول اسبوع فى ناس شرحت و خصوصا العميدة بتدينا محاضرة بذات نفسها Management بس انسانه طيبه جداا و عسوله و بفكر استناها بعد كل محاضره اوريها نفسى و نعمل شوو كده انا عن نفسى فى الثانوية مكنتش بذاكر اوى اوى اوى يعنى اقصد مذاكره كويسة و كنت مضغوط اه و كنت جايب 90 % بس احب اقول لكل الناس الجامعه دى متقسمه مراحل بردو : 1- عاوز تنجح و خلاص يبقى ممكن تنقل كلمتين او تصور المحاضره و تجيب ملازم و اخر كل شهر ولا اسبوع هتقرا كلمتين و هترصهم فى الورقه و تجيبلك مقبول يا عم و الحمد لله على كده 2- تذاكر شوية و تعاكس بنات شوية و تلعب تجيبلك جيد و تبقى بتقول الف حمد و شكر ليك يا رب 3- تذاكر اكتر بس مش منظم .. و متذبذب .. تجيبلك جيد جداااا و تبقى فرحان 4- تذاكر جامد وتنقل و تتقى ربنا و تعمل مجهود زياده عشان ربنا يديك زياده و تجيب امتياز و مش انت اللى هتبقى فرحان دووول اهلك اللى هيطيروا من الفرحه و حطيت رجله على اول خطوات انك تكون معيد او واحد ليه مركز و بحب اكرر حاجة .. لو انت بتذاكر دح دح و جاااااامد اوى و واحد زيك يبقى ربنا هيفرق بينكم ازاى .. اجتهد اكتر و اكتر عشان ربنا يميزك عن غيرك .. الاهم : تقوى الله و عاااااوز اقول حاجة مهمه جداا : كتير فى الجامعه يلاقوا صحابهم اللى بيهزروا و كده دايما بنات و صياعه و حاجات زى كده يقولوا احنا نصاحبهم اهو نضحك شوية و نفرفش و تلاقى نفسك بتعصى ربنا .. لا طاااااااعه لمخلوق فى معصية الخالق .. و انا نفسى بقول الكلام ده ليا اصلاااااااا بذكر بيه نفسى و ربنا يعفو و يتوب علينا .. ثانيا المذاكره بقى : الكل عمال يقول اصعب لا اسهل و كده .. احب اقول الكليات العملية و خصوصا طب و كده غير هندسه غير تجارة بصوا الكليات النظرية لازم نكتب ورا الدكتور لان الكلاااااام هو الاساس .. الكليات العملية كتاب القسم و الحاجات دى هى الاساس .. ارجو اكون وضحت النظرية انا عن نفسى اول ب اول بذاكر المحاضره فى نفس اليوم و بخلص بجد بلاقى نفسى ارتاحت جدااااا .. و اخر الاسبوع اراجع يعنى بحاول اعمل اللى عليا جداا و بسجل المحاضره على الموبايل يعنى عشان لو عاوز اركز فيها فى البيت اكتر .. و بكتب ورا الدكتور .. و بردوا بهزر وبخرج و كله تمام الميزة >>> مفيش ضغط نفسى .. بس انا عليا ضغط انى عاوز اثبت نفسى بس الكل يفكر فى هدف واحد انه يجيب تقدير بلاش نفكر فى حاجتين .. لان عصفور فى اليد خير من 1000000000000 على الشجرة .. و اى خدمه لبتوع طب موجود : اختى معيدة فى القصر العين و طبعاا كل خبراتى دى باخدها منها و بالتوفيييق للكل و ياااادكتور طه ربنا يكرمك و اشوفك باشمهندز اد الدنيا و دكتورتنا highlight
__________________
I`ll thank Allah for open my eyes..Now and forever I`ll be there for you..And I ask Allah to bless all we do..You`re my friend..and my strength
 
|
|
#2
08-10-2011, 03:03 PM
|
||||
|
||||
اقتباس:
مسااااااااااء الخير يا ميدو طبعاً بعد كلامك ده أنا مقدرش أفتح بؤي بس هناخد نقطة نطقة ربنا معاك في الدراسة يارب وثبت نفسك وتبقى معيد وأستاذ ودكتور جامعي وعادي مفيش فرق بينا الموضوع موضوعك قبل ما يكون بتاعي  ,,,,, جو الصياعة ده موجود في كل حتة عندنا وكل واحد ماسكله بنت وماشي بيها دا موجود برده وياخي أنا بيحصلي شلل لما أشوف واحده واقفة مع ولدين يعني العكس ماشي ولد مع مليون بنت مفيش مشاكل لكن العكس صراحة بتشل من الموقف ده وربنا يهدي انسى انها تكون مضايقة دي  أنا معاك في التقسيمة دي لكن اللي بيدخل عشان يجيب مقبول مش بيجيب مقبول وبيشيل مواد للأسف وكل واحد على قدر تعبه لكن دا في الكليات النظرية أما العملي عندك سكاشن و حضور وريبورتات وأبحاث وحاجات طحن يعني الصياعة في الجامعة والبنات والقرف ده أكيد دا بحر الكل سيركبه لكن فينا اللي بيعرف يعوم وفينا اللي بيلحق نفسه عند أخر نفس وفينا اللي بيغرق عياذاً بالله  طيب المذاكرة عندنا أول بأول تمام بس ايه رأيك في الكمية الرهيبة ,,,,,أروح الكلية مطلوب مني أسمع وأفهم وأكتب وأسئل الدكتور وأحضر سيكشن بعد المحاضرة وأحل فيه وأسمع المعيد و الكلام ده من الساعة 8 الصبح لغاااااااااااية المغرب ,,,, كل ده طب يا جماعة أنا مش عارف ازاي هنجيب تقدير كده انت يا ميدو بتقول بتلخص المحاضرة أول ما بترجع بس احنا عندنا محاضرات كتير اوي هل هيخلصوا في يوم واحد ؟!!!!! أكيد صعب  أنا مش عارف أشكرك ازاي يا ميدو والله لكن جزاك الله خيراً ويارب ينولك ربنا اللي في بالك (دعوة البركة )
__________________
" وإتقوا يوماً ترجعون فيه إلى الله "
الحمد لله على نعمة الإسلام Engineering is my Life 
|
|
#3
08-10-2011, 04:47 PM
|
||||
|
||||
|
اقتباس:
والله يا بشمهندز انت زى العسل والله بجد .. و اكتر من اخ و صديق اعتز به فى المنتدى هنا ..
بص بقى  احنا عندنا السنه دى الجامعه نزلت نظام بارد .. عملى Mathematics and Accounting و امتحانات بعد 7 اسابيع .. + امتحانات Midterm + امتحانات final و الاقسم عاوزه تقدير مش اقل من جيد جداا يعنى انا قداااااامى هم و شايل فى دماغى بلاوى طبعا بشوف فى الجامعه اللعب و الهزار والضحك و البنات و ...... حاجات اوووفر :D بس طول ما انا بخطى خطوة عارف ان ربنا شايفنى و بعدين فى الثانوى الواحد لعب شوية خد ايه ؟؟ ولاااااا اى حاجاة يبقى نتقى ربنا فى ذكاءنا و قدرتنا و الفلوس اللى بتدفع فينا .. و عشان كده واخدها جد من اولها المهم الهدف يكون قداامك على طووووول انا عن نفسى معلق ورق كتير فى اوضتى كاتب فيه سلبياتى و اهدافى و حااجات كتير عشان لما اشوفها كل يوم اعود العقل اللاواعى عليها اقوم اعتبرها عاده و اكون متميز طول حياتى كعاده .. ثانيا عمرى ما هتخلى عن حاجة بحبها ابدا هفضل مركز فى البرمجه و التصميم اللى بحبهم و هنجح و هوصل طول ما عندى الايمان و الموهبه كده مش ناقصنى غير الدعاااء :D نيجى ليك بقى : بص يا معلم انت بجهود الثثثثاااااااانوى .. يوووووه اقصد الضعف هتوصل للى نفسك فيه المعادله بسيطه .. اجتهاد زياده + ايمان + هدف + راحه نفسيه + صحبه كويسة و واحده واحده هتلاقى ناس عسل و لو مفيش طز ده مبدأى :D = تميز + نجاح + فرحاااااان طول حياتك  و لا ايه رأيك 
__________________
I`ll thank Allah for open my eyes..Now and forever I`ll be there for you..And I ask Allah to bless all we do..You`re my friend..and my strength
|
|
#4
08-10-2011, 06:47 PM
|
||||
|
||||
|
اقتباس:
ماأنا قولتلك اني مبعرفش أرد عليك لو رديت عليك صدقني مش هوفيك حقك روح يا شيخ ربنا يسترها معاك ويوفقك ويسعدك ,,,, معادلة جبارة = خط سير حياتي الجاي باذن الله ,,,, الفضل يرجع لله أولاً ثم ليك لأنك ساهمت في تكوين شخصية كانت مقفلة على حاجه واحده واكتشفت ان الدنيا لا تزال بخير ....هكذا علمتني الحياة أن المؤنس الوحيد بعد الله في الشدة هو ذلك الصاحب الأخ ,,,, فكنت أستعجب من قولي * أخ * في الشدائد ولكني الأن أمتلك التصريح لنفسي أن الأخ خير معين بعد الله فهنيئاً لمن امتلك أخ مثلك و اعلم يا أخي أن الله تعالى في عون العبد ما كان العبد في عون أخيه ,,,, ولتكن منكم أمة يدعون إلى الخير ويأمرون بالمعروف وينهون عن المنكر .... والله أسأل أن يجعلك ممن يأمرون بالمعروف وينهون عن المنكر والجزاء لذلك مما أعلم 1- أنك من المفلحين ,,,,2-أن لك حوراء في الجنة تمشي عن يمينها سبعون ألف وصيف وعن شمالها كذلك وتقول أين الأمرون بالمعروف والناهون عن المنكر,,,, اللهم أمين خرجنا عن الموضوع شوية لكن كان معايا كلمات صغيرة كتبتها بعد فقد الكلية اللي كنت بتمناها ولازلت أفكر فيها بجد زعلااااااااااااااااااااااااااااااااااااااان أوي كلمات بسيطة بدون قافية مجرد كلمات بس وكنت اذا سألني أحدهم أجبت ببراءة طفل قائلاً أكون طبيباً يا أبي بارعاً و أنهض بالعلم نهض الأمم فنصحني نصيحة من فيه قائلاً عليك بثلاث لا رابع لهم بعد الله فاستمع وأعر الدين والأمة وحب الناس بهم الحياة وتجديد الهمم فالحمد لله شكراً طيباً هداك الله يا خير أبٍ عدتني بما أريد واني لأجد اليوم غير ما ذُكر فذهبت اليه حتماً معانداً أين الوعد يا خير أبُ طبقت ثلاتاً دعوت بهم ولم أجد ما أردت غاية فغلبني بقوله الخير في ما اختاره الله لك اليه المشتكى ,,, ولا تحزن على زوال وزلل فالدنيا متاع حتماً زائل والله خير وخير من وعد ! طولت عليك يا دكتور ,,,,,,,,,,, 
__________________
" وإتقوا يوماً ترجعون فيه إلى الله "
الحمد لله على نعمة الإسلام Engineering is my Life
|
|
#5
08-10-2011, 10:42 PM
|
||||
|
||||
|
اقتباس:
كلامك صح فعلاً
للاسف فيه ناس في الكليات (عموما) داخله تخطب مش تتعلم والي عايز ينجح ........... يرتب  وربنا يوفقك ويوفق الجميع (وأولهم انا )
__________________
Dr.Mohamed Mostafa Elkady
Benha Faculty of Medicine
|
|
#6
08-10-2011, 11:42 PM
|
||||
|
||||
|
اقتباس:
اللهم لك الحمد اني مدخلتش طب ربنا يكون بعونك يا دوكتور بجد ربنا يعينك ,,,,المنهج كتير أوي للدرجة دي !!! ههههههههههه كنت في أجازة بئه المهم ربنا يوفقك وتبقى أحسن دكتور باذن الله شاكر مرورك جداً نورت التوبيك يادوك
__________________
" وإتقوا يوماً ترجعون فيه إلى الله "
الحمد لله على نعمة الإسلام Engineering is my Life
|
|
#7
09-10-2011, 01:29 AM
|
||||
|
||||
|
اقتباس:
للتوضيح بس
خلصنا 80 صفحه في اسبوع ربنا يسهل ويوفقك يارب وتخش كهربه (بيقولوا رووووعه)
__________________
Dr.Mohamed Mostafa Elkady
Benha Faculty of Medicine
|
|
#8
09-10-2011, 09:12 PM
|
||||
|
||||
|
اقتباس:
ههههههههههههههه 80 صفحة  ربنا معاك لا ياعم مدني زي الفل مش ناقصة فولتات انا مكهرب أصلاً نورت يا دوك وربنا يوفقك _______________ ربنا يوفقكوا يا شباب كلكم
__________________
" وإتقوا يوماً ترجعون فيه إلى الله "
الحمد لله على نعمة الإسلام Engineering is my Life
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 12:42 AM.
