الصداقة بين البنت و الولد!!!!!!!!!!!!!!!!!!!!!!

[همسه]

المشاركة الأصلية كتبت بواسطة أرق ملاك

حبيبتى فى تعامل عن تعامل يعنى حاجة زى المحاضرة لو مش مع بنت انت مش هيعتبر بتكلميه انتى هتقوليله لو سمحت عايزة المحاضرة يعنى كانك بتطلبى حاجة من حد واقف فى محل مش كلام ده اضطرار

اما بالنسبة للمنتدى حبيبتى احنا بنتكلم كلنا قدام بعض و مش معنى ده انى بقولك ان كلامك مش مظبوط انتى وضحتى كلامكم بس قصدى ان انت مش بتكلميه هو ده كانك بتتكلمى فى برنامج ع التليفزيون فى ولاد بيسمعوكى و فى بنات برده

ياريت مش تزعلى منى احنا بندردش مع بعض كاخوات

طيب ما هو ع النت انتي بتوجهي الكلام للي قدامك ساوء كان ولد او بنت
كأنك في حوار
بلاش
يعني انتي مع المدرس بتاعك لو وقفتي معاه واتكلمتو شويه لوحديكو يبئا حرام
مش قصدي لوحديكو انعزال يعني لا يعني الكلام بينكو انتو الاتنين بس
ومثلا لو كان الكلام مش بيدور حول الدراسه
طيب ما هو دا مش راجل وغريب

المشاركة الأصلية كتبت بواسطة أرق ملاك

بصى يا قمرى اولا شكراااااا ع مرورك

ثانيا بصى يا حبيبة قلبى فى فرق كبيييييييييير بين زمالة الشغل او الدلااسة و انك تكلمى ولد سواء نت او اى حاجة تانية حتى لو كلامكم مش فيه اى حاجة اكتر من انكم اخوات

بصى انا هسالك اسئلة و رديلى عليها اوكى
1- لو الرسول _ص_معانا كان هينفع البنات تكلم ولاد ده لو بيحفظها القران مش ينفع

المشاركة الأصلية كتبت بواسطة أرق ملاك

بصي دا في زمن الرسول عليه الصلاة والسلام
في الزمن دا اساسا البنت مش كانت بتخرج برا البيت الا للضروريات
ولما تخرج مش بتخرج لوحدها اصلا لا لازم بيكون معاها محرم
ومع ذلك دلوقتي اي بنت بتروح اي مكان لوحدها
وكمان في الزقت دا كان الاخ الحقيقي الشقيق يعني
بيخلي البنت مش محتاجه لصداقة الولد
مش معنى كدا ان لو البنت مش ليها صديق ولد تموت نفسها لا
انا بس في رأيي ان اذا الظروف وضعت بنت وولد في علاقة صداقه بالصدفه البحته
ما تترفضش
وتتعامل كأنها اي نوع من الصداقه
والله ليها ايجابيات اكتر من السلبياتن اهلا وسهلا
سلبيات اكبر من ايجابيات بالسلامه

2- انتى بتعامليه كاخوكى مش تثقى فيه هو لو هو مين معلش يا شباب يعنى الولاد ساعات كتير بتعمل حاجات كتير عشان تعمل حاجة معينة فى دماغها

والله دي حاجة بينه وبين ربنا
ولازم طبعا البنت مش تكون ساذجه
لدرجة ان تخلي الولد يوقعها
وهي لو بتعتبره اخوها مش هتخليه يوصل لمرحلة انه يكون في حاجه في دماغة وعايزة يوصلها

3- انتم بتتعاملو كاخوات يعنى اكيد بتخافى عليه كاخوكى طيب مش ممكن قلبه يتعلق بيكى و انتى مش بتحبيه هتعذبيه و ع فكرة ده حصل كتير جداااااااااااااا و ممكن العكس

نفس الحال مع ابن الخال وابن العم
ممكن يتعقلو ببعض مع انك بتعامليه كأخ ولا ايه
دي حاجة
تاني حاجة المفروض الصداقه بين الطرفين مش توصل للاطار دا
الصداقه ليها حدود
ولازم يعني يكون التفكير هنا بالعقل وبس

4- حبيبتى البنت بتميل للكلام مع الولد و العكس لان دى فطرة بس اللى بيجاهد نفسه ربنا يجازيه كل الخيييييييييييييييير

فعلا عندك حق
دي فطرة ربنا خلقها فيها
بس هقولك مثلا
اذا كانو اتنين زمايل عمل وبحكم زمالتهم لبعض وان التنين مكتبهم جنب بعض غصب عنهم لازم تنشا صداقه بينهم
او بلاش هتبئا زماله قويه جدا
وهنا بردو ممكن يحبو بعض

بص انا من وجهة نظري انه تحكيم للعقل في اي حاجة
وبحكم المجتمع اللي احنا فيه والاختلاط لازم هيكون في تعامل بين البنت والولد باي شكل من الاشكال
وتكرار المعاملات دي هتزلد لصداقه
بعقل الانسان بئا هو هنا اللي هيحدد اذا كانت العلاقه دي في اطار الصداقه وبس ولا في حاجة تانيه

وطبعا قبل اي حاجة لازم مش نكون بعامل ربنا ثم ضميرنا يعني

حبيبتى مش عايزاك تزعلى منى و ياريت تتقبلى رايى

طبعا يا حبيبتي ما ازعلش يعني اختلاف الرأي لا يفسد للود قضيه