|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
11-10-2011, 07:21 PM
|
||||
|
||||
اعمل اللى عليك اللى يرضيك و يرضى ضميرك و يرضى ربنا و سيبها على ربنا
انا بقة عندى مشكلة من نوع تانى و هى انى مش عارف اذاكر منين لان ملازم الاساتذة بتكون مختصرة بالرغم من انى جربت كذا استاذ فى اغلب المواد عشان الحكاية دى و كل استاذ الاقيه سايب حتة التانى قايلها و العكس قلت خلاص اريح دماغى و اجيب كتاب خارجى و اذاكر منه لقيت مشكلة تانية ان كل كتاب خارجى برضه فى حاجات بتبقى موجودة فيه مش موجودة فى كتاب خارجى تانى و العكس قلت خلاص اجرب و اروح لكتاب المدرسة و اذاكر منه فتحته لقيته كله داخل فى بعضه و معرفتش اذاكر منه رحت قفلته تانى فى الاخر قلت خلاص اذاكر من كل حاجة يعنى كل الكتب الخارجية اللى عندى و ملزمة الدرس و كتاب المدرسة و اذاكر اى معلومة تقع قصادى بخصوص المنهج و ابقى كدة عملت اللى عليا اللى يرضي ضميرى بس المشكلة ان الموضوع ده متعب جدا و ساعات بيلخبط و كمان انا سمعت ان الواحد المفروض يذاكر من مصدر واحد فانا محتار و مش عارف اعمل ايه اذاكر من كل المصادر و اتوكل على الله و لا اذاكر من مصدر واحد و اريح دماغى ؟؟؟؟؟ يا ريت لو حد عنده نصيحة يفيدنى بيها شكرا و اسف للازعاج 
|
|
#2
11-10-2011, 08:23 PM
|
|||
|
|||
|
اقتباس:
انت تذاكر من ملازم مدرس معروف و تكون ملازمه حلوة و فيها معظم الحاجات بعد كده تفتح كتاب الوزارة و تقرأ الدرس بس و الحاجات الناقصة من الملازم علم عليها و اعرفها و اسال مدرسك عليها و شوف رايه انا كنت بعمل الطريقة ديه السنة اللي فاتت و فرقت معايا في الاخر 
|
|
#3
11-10-2011, 09:23 PM
|
||||
|
||||
|
اقتباس:
شكرا جدا لردك بس حكاية مدرس معروف دى تفتكر المدرس بيكون معروف ازاى او يثبت انه معروف ؟؟؟؟؟ مع ان معظم المدرسين المعروفين اللى اعرفهم كله بيعتمد على اسمه و شهرته و مبيهتمش بطلابه فبنضطر نروح للمدرس اللى بيهتم بيك و اللى تستريح معاه و نرجع للمشكلة تانى من اول و جديد و هى عدم الثقة فى ملزمة الماستر بس انا ممكن انفذ طريقتك على كتاب خارجى و كتاب المدرسة بحيث انى الم معلومات من محيط اوسع و لا انت ايه رايك ؟
|
|
#4
11-10-2011, 10:35 PM
|
|||
|
|||
|
اقتباس:
 بس انا عندي عن تجربة المدرس المشهور بيبقي اكفا و احسن و خبرته اوسع المهم في الطريقة اللي قولتها يكونوا عندك مصدرين و الاساسي ان التاني يكون كتاب الوزارة الاول اختاره بمزاجك انت حر انما التاني يكون كتاب الوزارة  اكتر من كده تبقي بتضيع وقت
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 05:19 PM.
