ايه اخبار تعيين أوائل الكليات ياجماعة؟

[د.عبدالرحمن المنياوي]

المشاركة الأصلية كتبت بواسطة mayar1505

انا زيك بالضبط بس لسه ما رحتش انا من جامعة الفيوم بس فيه كتير قال مانكتبش اننا متعيينين و الله اعلم انا عن نفسي هعمل كده زي ما بيقول دكتور عبد الرحمن
بس انا عندي سؤال لدكتور عبد الرحمن المنياوي

ازاي دخلنا الكادر و نجحنا و ده يعتبر مش شئ رسمي انا مش فاهمة غير رسمي معناها ايه؟

مش انا دلوقتي درجة ثالثة؟ و لا مش معترف بينا زي العقود؟ و قرار التعيين الي نزل كان معناه ايه؟
ارجوك وضح لنا
و هل لو مكتبتش اني بعمل بالتربية و التعليم مش ممكن هما بمنتهي البساطة يكشفوا في التنظيم و الأدارة و يعرفوا؟

المعلمين اللي امتحنوا كادر 1/4/2011 ونجحوا واتثبتوا على درجة معلم .. المديريات بناء على قرار تثبيتهم كتبتلهم في إقرار القيام بالعمل (عى لدرجة الثالثة) لكن الحقيقة أنهم لم يحصلوا على الدرجة بعد والتنظيم والإدارة لازالت لم تمنحهم الدرجة بعد والكلام ده موثوق منه جدا جدا جدا ..

والدليل على كلامي حاجتين :

أول حاجة روحي التنظيم والإدارة واسألي على موقفك واطلبي ورقة بكده شوفي ردهم اللذيذ إيه !!!!

ثاني حاجة فيه في كل مدرسة موظف خاص بالحكومة الألكترونية وده اللي بيعمل الشيتات على الكمبيوتر وكده اسألي عليه عندكم في مدرستكم وده غالبا هيكون مسئول معمل الحاسب الآلي .. قوليلوا يا فندم ممكن تدخل على صفحة المدرسة في الوزارة ودي لاسيمح بدخولها إلا له هو فقط لأنه معه كود المدرسة .. وخليه يشوف قدام اسمك مكتوب إيه في خانة الدرجة .. هتلاقي اللي قبلك مكتوبلهم عقد واللي بعدك مكتوبلهم الثالثة أما انت فمكتوب (لايوجد) ..