بــــــــــــيــــــــت الــــــــعـــز

[ام ياسين وآمر]

المشاركة الأصلية كتبت بواسطة الأستاذ أحمد راشد

السلام عليكم

انا لسه صاحى من النوم

الجو قلب عندنا بصورة مش مريحة

قولت انام وعيال الدرس مش هشوف وشهم اليوم

شوية بعد العصر لاقيت الباب تقريبا انكسر من كتر الرزع عليه

ال كان هيجننى وانا نايم ان ده الباب بتاع الشقة ياعنى ال بيخبط اما ابى او امى او حد من اخواتى لان فى باب تحت انا قفله قبل ما انام

طبعا قولت فى نافسى الدنيا غرقت وابى عاوزنى اقوم اشيل المياة من على السطح وهيكون يوم ما يعلم بيه الا ربنا

فتحت الباب لاقيت عيال الدرس فى عز المطرة

واول ما فتحت الباب جرى على جوه ال اخد فوطة وال دخل تحت البطانية والدنيا ساقعة يا استاذ

بصيت عليهم قولت اليوم عندكم ايه

قالوا املاء
قولت ملوا بعض

ودخلت حجرتى ونمت

وسبتهم صحيت الان لاقيت البيت متنطف ومحكم الغلق عليا

هنتظر لبكرة اشوف العيال جت بحق وحقيقى ولا ده احلام

حمدا لله علي السلامه
بعدين نشوف حد يفسر الحلم لو طلع حلم

[الأستاذ أحمد راشد]

المشاركة الأصلية كتبت بواسطة أم ياسين وآمر

حمدا لله علي السلامه
بعدين نشوف حد يفسر الحلم لو طلع حلم

المشكلة عندى انى وانا نايم ممكن ما افتكر ان حد كلمنى

مرة واحد صاحبى ايام الثانوية اتصل بيا على التليفون الارضى طبعا

قومت من النوم وكلمته وقالى انا جايلك علشان نروح الاسماعيلية

هو من ابو خليفة جه لاقنى نايم

واحنا اصحاب جدا دخل عليا لاقيته عمال يزعق وانى بستهبل واتأخرنا وكده

انا مالك يابنى ايه انت بتستهبل فى حد يصحى حد كده

نده على امى واخواتى وقلهم مش انا مكلم احمد قبل ما اجى

للاسف كلهم اجمعوا انى قمت وكلمته حوالى 10 دقائق

ومن يومها يكلمونى وانا نايم ويقولوا انت قولت كذا مش بفاصل معاهم اقولهم ماشى

فشكل العيال جت وانا فتحت الباب ورحت نمت تانى

ههههههههههههههههه