انا بجد نفسيتى تحت الصفر....ياريت تساعدونى

[مجرد انسانة]

المشاركة الأصلية كتبت بواسطة أرق ملاك

سبحان الله

اولا شكراااااااا جدااااااااااااا حبيبتى ع نصيحتك ...........و طبعا بتقولى ليه قلت سبحان الله:D

اقولك ............بصى المشكلة دى انا كتبتها من فترة و الحمد لله الردود خليتنى اعيد حساباتى فى حاجات كتير و هى هى اتكررت بس يمكن اكتر شوية و عادى مش قلت لحد مع نفسى يعنى

بس عارفة لما تكونى حاسة ان مافيش حد حاسس بيكى اوى او حتى قادر يفهمك .........و الله انا مش عارفة الناس مالها تصدقى انا ساعات كتير بقول ان اكيد انا اللى فيا عيب اصله مش معقول .........و الله انا الاول كنت كتير لما ييجى كلام عن الناس اقول انا بحبهم جدااااااااااااااااااا بس بخاف منهم اوى عارفة دلوقتى بقيت بحس انى بحبهم اكتر بكتير جداااااااااااااااااااااااااا من الاول و فى نفس الوقت متوقعة سكينة من اى حد فيهم مهما كان
عارفة فى بيت عندنا فى 3ث بيقول:انا فى زمان غادر و معاشر يتلونون تلون الحرباء(يارب مش نكون منهم)

و ع فكرة انا عندى اختى و ماما و خاصة اختى لانها اكبر منى بسنتين بس اصحابى و كل حاجة بس كنت ساعات بحب اتكلم مع حد تانى يمكن كنت شايفة ان ده حاجة من حقى بس خلاص دلوقتى ربنا يسهل للكل
و ع فكرة انا الحمد لله عرفت دلوقتى بنات بحبهم جداااااااااااااااااا و هما بيحبونى جدااااااااااااا من النت و فعلا بحس فيهم بالطيبة يمكن لان مافيش مصلحة بيننا نهائى عارفة لما تكون صداقة او حب كده نقى


ادعيلى بس انتى يا حبيبتى اطلع من الدنيا دى ع خير

اولا انا سعيده جدا انك بقيتى احسن ولاقيتى ناس افضل بكتير وصحابك اللى على النت حاولى تقابليهم علشان العلاقة متبقاش مجرد كلام على كيبورد لا تبقى واقعيه اكتر

وخليكى مع مامتك واختك وصدقينى مهما لفيتى ودورتى على ناس مش هتلاقى واحده تخاف عليكى وتاخدك فى حضنها لما تبقى محتجاله غير مامتك ومش هتلاقى حد فى حياتك اوفى منهم لانهم مش بيحبوكى علشان مصلحة ولا بيحبوكى لاى سبب هما بيحبوكى علشانك انتى من غير اى مقابل وعمرهم مهما حصل ما هيضربوكى فى ظهرك خليهم دايما الاساس واللى بره تكمله متخليهمش هما التكملة واللى بره الاساس
لانك لو عملتى كده هتدخلى فى دوامه الناس واللى بيدخل فيها مش بيعرف يخرج تانى

وزى ما قولتلك متديلهمش اكتر من حقهم وادى لمستقبلك وحياتك التفكير الاكبر لان محدش هيفكر بدالك ولا حد هينجح بدالك لو اهتميتى بيهم زيداه عن اللزوم هتلاقى الكل بيتقدم وانتى لوحدك بترجعى لورا الكل بيفكر فى مستقبله وانتى بتفكرى فيهم

وانا هدعيلك ربنا يوفقك ويقرب منك كل اللى فيهم خير ليكى ويبعد عنك اى اللئم والخبث والشر يارب