المشكلة دلوقتي ان التعليم مش بقى كده من فترة قريبة ولكن بقاله كتير على الحال ده لدرجة انه محدش عار ف السبب او الغلط من عند مين من عند الطالب لانه مش مهتم ولا من عند المدرس اللي بقى يدور ع اي طريقة يجيب منها فلوس وده طبعا بسبب المرتبات الخياليه ولا بقى الغلط من عند المسؤلين ولا منين ؟؟؟؟؟؟؟؟؟؟؟؟؟؟
انا طالبه ثانوية عامة وبجد لقيت انه في مشكلة كبيرة جدا ف المناهج او بالاصح في طريقة تدريسها او طبيعة الامتحانات اللي بتخلينا ندرسها بالطريقة دي
تخيل لما اروح لمدرس الكيمياء مش التاريخ واقوله مش فاهمة الجزء ده يقولي لو فهمتي هتتعبي ومش هتعرفي تحلي السؤال بتاعه ف الامتحان احفظي احسن ولما الاقي نفسي ف كل المواد بحفظ بنسبة 99% وافهم 1% وده علشان اقدر اجاوب الامتحان
كمان موضوع المدرسة لما يبقى المدرس بيقول للطالب ماتجيش المدرسة طبعا علشان سيادته يستريح ويفضى للدروس الخصوصية او يروح المدرسة ويقعد يشرب الشاي وينسى انه عنده حصة اصلا وبكده ابقى انا باخد الماده مرة واحده ف الاسبوع ف الدرس بدل من 6 مرات ف المدرسة
اظن ان كده لازم تكون الثانوية العامة اكبر تحدي لاي طالب وممكن تخلي بعض الطلبة ينتحروا زي ماكنا بنشوف والناس تقعد تقول ليه
واخيرا حسبي الله ونعم الوكيل في كل من كان سببا في فساد التعليم ف مصر
|
22-11-2011, 07:55 PM
العرض الشجري
