ركن أسئلة الأحياء

[nooneasme1]

السلام عليكم ورحمة الله وبركاته
بصراحة أنا اعشق هذا القسم وباقى الأقسام بتاعه المواد العلمية بالذات فى هذا المنتدى العريق
أنا من سنتين كنت بشارك فى القسم ده بأسئلة واجابات وكنت مكون فريق على القسم ده كنا بنساعد بعض كتير
فيا ريت تكونوا كده يكون فى موضوع على اى قسم مش شرط الاحياء بس لأسئلتكم وتجاوبوا عليها ومدرسين المنتدى ربنا يبارك فيهم هيكونوا معاكم
انا قضيت وقت ممتع اوى هنا فى المنتدى واستفدت منه كتير بجد ودايما بدخل ليه بعد طول غياب بخلاف اى منتدى تانى

بالنسبة لاستفسار حضرتك بخصوص المذاكرة وكده
الاحياء من اكتر المواد اللى بتتنسى بسرعة فعلا زى الادب فى العربى كده لكن فى حل أكيد
الحل هو إن حضرتك :
1- تذاكر اول بأول مش الحصص تتراكم بحيث تكون الدرس متذاكر قبل الدرس اللى بعده
2- التركيز الشديد فى سماع الدرس ولو هتروح تقرأ اللى انت اخدته فى مادة الأحياء تسلية كده زى مجلة ميكى
3- متاخدتش فى اى مادة اكتر من درس وبلاش تقنع نفسك بإن الدرسين هو الحل ابدا
4- حل كتير على الجزء اللى انت اخدته
5- لما تخلص فصل فى أى مادة او جزء كبير لازم تراجعه ولو هتخصص جزء من وقتك لمراجعة جزء من اللى فات قبل ما تدخل فى الجديد
6- بالنسبة للاحياء انا كنت بشتغل من كتاب الفائز - النفيس - الكتاب المدرسى
7- وحد مصدر مذاكرتك

ارجو ان اكون قد افدتكم وربنا يوفقكم جميعا