و الله الواحد احتار مش عارف مين الصح ومين الغلط حبة يقولوا ان اللي ف التحرير بلطجية و حبة يقولوا دول ثوار بيطالبوا بحقوقهم و الجيش بيعذبهم الواحد مش عارف فين الحقيقة الجيش هو اللي صح و لا الثوار هما اللي صح احنا كل اللي احنا عايزينه ان البلد تستقر و اقتصاد البلد ميدمرش و مفيش دول تتدخل في شئون مصر تحت مسمي انهم كدة بيحموها في دول كتيرة مستنية مصر تقع و في دول كتيرة بيكرهوا مصر مش عايزين نشمتهم فينا و ننولهم اللي ف بالهم تعالوا نتخيل كدة لو مفيش جيش ايه اللي هيحصل انا حاسة ان مصر مستهدفة كمان الثوار زودوها لدرجة ان احنا قولنا ان الثورة دي مجبتلناش غير الهم و الخوف اخر حاجة احنا مش عايزين غير اننا نطبق الشريعة الاسلامية و القانون اللي ربنا عملهولنا و انا متاكدة ان البلد هيتصلح حالها ان شاء الله و هو ده اللي مش عايزينه الدول الكارهة لمصر مش عايزين نتمسك بتعاليم الدين الاسلامي عايزنها خربانة و في الاخر احنا كطلاب مصر لا نملك الاالدعاء و الاجتهاد في المذاكرة من اجل نصرة الاسلام و الوطن فنسالكم الدعاء لمصر في صلواتكم اللهم احمي مصر و اهلها اللهم انصر الاسلام و المسلمين اللهم اجعل تعليمي و علمي لنصرة الاسلام و الوطن اللهم ارفع غضبك و سخطك عنا
معلش طولت بس انا فعلا عايزة اعرف فين الحقيقة
|
21-12-2011, 03:50 AM
العرض المتطور
