رسائل إلى ........ من مواطن مصرى

[أ/رضا عطيه]

كفاية
من النهارده يابنت الإيه
اللى هيمد إيدو عليكى هقطع إيديه
مش كلام ابن عم حديت
لأ دا حق وحقيقة وتثبيت
واللى مش مصد ق بكره هنقلع عنيه



الصبر
صبرنا كتيروقلنا الصبر طيب
وقلنا الصبر عمره ماهيخيب
لكن دلوقتى حقى وهدور عليه



الثوار
فى جرح سنتى لواحد منكم
الكل متحمس وواقف معاكم وبيصور
وجرح أخويا ماحد سأل فيه
علشان م الجيش مايهمكم يموت ولايتعور
ودا فعل شيطانى وربنا لتتربوا عليه


الحوار
زهقنا من صبر الجيش وصموده
تحت مسمى لازم يوفى بوعوده
يعنى دول ولاد ناس
وولادنا فى الجيش تنداس ؟
الصبر له أخر وهتصبروا تانى على إيه



المشهد واضح
على نار بتولع فينا وقدام عنينا
وعلى ناس فكرها ملك أعادينا
وأخرة دا كله إيه


حيره
وقلولى يا خلق أخوه على وش تجنيد
أبعته ولا أخليه
لا تقولولى وطنيه ولامهلبيه
فى وطن صبح بالصوره ديه
وبدل مانقدر دور العسكرى لا نعاديه
طب يروح ليه
طب وهنعمل إيه


أهل الدين
ولمصلحة مين يامؤمنين
لمصلحة مين يامصريين
ومين عاقل يهدم وطنه بإيديه
طب هنعمل إيه ؟
سؤال ولازم يترد عليه



إعلام مصر
الجيش والشرطة والثوريين
مش كل دول مصريين؟
طب ليه بنفرق مابينهم
ودا نعليه ودول نكسر عظامهم

بكره تشوفوا رد تندموا العمر عليه