أسـرار التفــوق ( نصائح قبل وخلال الامتحان )

[Mr. Muhammad Sobhy]

خلاصة ما تعلمته فى الثانوية

عدم اليأس

1- فى سنة تانيه وفى أول حصة عربى (فى الدرس ) قال الاستاذ نكتة

وفى تانى حصة طلب مننا اننا نقول النكتة اللى هو قالها الحصة اللى فاتت

احنا كنا فهمين مضمونها فقولناها بس مش بنفس ترتيب الكلام اللى هو قالها

فقالها هو تانى وفى الحصة التالته طلب مننا نقوله النكتة زى ما هو قالها بالظبط

مش عرفنا

قالنا المناهج مش معقدة ومش بتتنسى بسرعة

المناهج زى النكتة فهمنها هنقولها بس مش بنفس السياق (وده ممكن مش يضحكنى )

طب *** عايزينها تضحكنا يبقى لازم نحفظها زى ما هى

وما نزعلش لو نسناها لان ده هى طبيعة البشر

الدافع

2- كان لى احد الاصدقاء الفاشلين جدا وكان داخل الثانوى غصب عنه

وفى احد الايام فى درس العربى جه عليه الدور فى الاجابة فسارعت احدى البنات الشاطرين جدا جدا

بالاجابة بدل منه فقال لها الاستاذ أيه هو .......مش موجود فقالت هو يعنى هيعرف يجاوب

منذ هذه اللحظة وتحول ......الى أسد مغوارا ياكل الكتب والمذكرات وفوجئنا بمستواه فى الدرس وفوجئ

الاستاذ ايضا وعندما سالناه أيه الشطارة اللى حلت عليك فجأة ؟ قال لينا

انا عمرى ما كان عندى طموح فى حياتى عمرى ما كان عندى هدف

بس انا دلوقتى عندى هدف هو انى اثبت للبنت ديه انى احسن منها

ولا افشى سرا عندما اقول انه طلع الاول علينا فى احد الامتحانات واخذ الجائزة من الاستاذ

اعطاها للبنت وقالها شكرا انك عرفتينى قيمة نفسى


ساعتها بس عرفت قيمة الدافع فى الحياة

وأكمل الخلاصة فى كتابات أخرى