أهالى الشهداء يطالبون بإعدام علاء وجمال لـ"حرق قلب" مبارك وسوزان

[هويدااحمد76]

فى شبابي شبت وبان وهن صوت انكتم .. ظهر انقطم معرفش عن بلدي الا هي .. كام لون ونسر على العلم ... قالوا علينا شباب ضعيف .. دول حتى قالوا جيل صنم حبة عيال متجمعين .. حنلمهم زي الغنم اصحوا بقى ماحناش عيال .. عالحرية جيلنا اتفطم ولا عمري حقبل أكون ضعيف .. ولا عمري يوم حبقى صنم أنا مش صنم باحلف بمالك دنيتي .. والله يا رب النعم لاحكون آمين على تركتي .. ولا حنسي يوم حد اتظلم حاصرخ باعلى حس عندى .. صحوه و اراده مش ندم و انت كمان اصرخ نعدى .. و نجيب حقوق شخص اتفرم وحدنا صرختنا ولقينا .. فرعون عليه القصر اتهدم توهنا كتير و المصرى يفضل .. دايما اصيل.ماهو ده العشم ماتشمتوش فينا الوشوش .. داحنا فى نظرهم خدم و لا تقبلوش شكل الرتوش .. اللي عليه الراءى انقسم صوتك لبلدك مش لحزب .. صوت نهر نيل و شموخ هرم صوتك بجد مش اي كذب .. صرخة وليد تطرح نغم دى بلدنا مشتاقه لصوتنا .. وعشان شهيد ليها ابتسم لحظة ما واحد مص قوتنا.. وبخيرنا بقى بيه و اترسم و قال حلال فيهم عيال .. على موتنا وقع و بصم بس العيال ما بقوش عيال .. ولا الصنم هيعود صنم أنا مش صنم