اعتصام المتعاقدين فى محافظة المنيا

[شريف حسن .]

المشاركة الأصلية كتبت بواسطة احلى باتى

حضرتك انسان محترم بس الحقيقة البلد دى الرجالة فيها قليلة وكمان بالهم طويل زيادة عن اللزوم
مش عارفة برود ده ولا ايه
الدنيا فى مصر كلها بتجرى واحنا محلك سر
البلد كان فيها ثورة واحنا الشباب كان قاعد على القهوة
الناس بتضحى بحياتهاواحنا هنا لسه واقفين على النواصى وكمان يعاكسوا البنات
بلد محسناش فيها بثورة والحرامية ظهروامع انهم كانوا اصلا موجودين قبلها
ربنا يبعت لينا حد يفوق البلد دى من الغيبوبة اللى هى فيها

اولا ربنا يخليكى ويكرمك

بس برضه حضرتك مصممة على ربط الرجولة بالمظاهرات

اختى الفاضلة مش كل حاجة هتيجى كده على طول سهلة

اغلب اللى اتعيينوا اشتغلوا بالحصة سنين كثيرة قوى يعنى

مفيش حاجة هتيجى بسهولة ولا علشان الثورة يبقى نهدم البلد

الثورة قامت مش علشان انا وانتى نتعين لا طبعا الفساد كان كتير

وشوية شوية بأذن الله الدنيا هتكون افضل

وبعدين الشباب اللى حضرتك بتتهميه انه كان على القهوة والنواصى

هو اللى قام بالثورة ما تبصيش لمجموعة قليلة وتحكمى بيها على باقى الشباب

على فكرة انا ادارة بنى مزار برضه

شكرا لحضرتك

[احلى باتى]

يا سيدى الفاضل الناس بتوع الدقهلية اتحركوا ولا الصعيد اتكتب عليه يكون دايما رد فعل مفيش مرة نتحرك ونعمل زيهم لما نشوف هيعملوا معاهم ايه نبقى نتحرك احنا كمان ده غلط انا اشتغلت 3 سنين بالحصة وكنت باخد ملاليم وسبت فرص شغل كتير عشان اتوظف فى الحكومة حضرتك بقى بالنسبة للشباب والرجولة فانا اسفة مفيش حد شفته وقت الثورة كان مع الثورة الشباب هنا كانوا اما حزب وطنى والباقى نصهم اخوان والنصف التانى مع اللى يكسب يعنى حزب الريس اللى يجى اطبلة واغنيله غير كده مفيش حد عنده موقف وثابت عليه
ولولا الثورة كنا هنقعد سنين كمان بالحصة وقالوا فى المثل اطرق على الحديد وهو سخن وكمان قالوا لا يفل االحديد الا الحديد لازم نكون ايد واحدة فى مطالبنا وقوة جبارة عشان ناخد حقنا لكن اللى صوته واطى وبيستحى ده بيتهضم حقه وانا بقول من خلال تجربة شخصية والله اللى صوته عالى هو اللى بيعرف ياخد حقه الناس اتعودت على كده وكمان بيعملولو الف حساب مدام صوته عالى احنا بقينا فى زمن ربنا وحده بس اللى عالم بيه وربنا معانا وان شاء الله هينصرنا