طالب ثانويةعامةالحقوني السنةراحت مستني نصحتك ياابويا وياامي ويااخويا ويااخوتي

[الحمد والشكر لله]

المشاركة الأصلية كتبت بواسطة dodobe

بسم الله الرحمن الرحيم
انا عبدالله طالب ٢ثانوي مشكلتي ان لغاية دلوقتي مذاكرتش مذاكرت ثانوي
ومش عارف هل لو شدت اليومين دول هجيب مجموع كويس
والمشكلة اني بحب النت زي عنيا ولاني بعمل مواقع ومنتديات وكدا وفاتح شركة استضافة مواقع بس هقفلها وهفتح حاجة اكبر فدا شغلني جدا النت واخد كل وقتي بالرغم اني مابعدشي علي الجهاز بس بفتح ٢٤ ساعة علي الموبايل ومش عارف اتخلص من ده واشيله من تفكيري ومش عارف هل هلحق مجموع كويس وانا يعتبر مافتحتش كتاب فاضل يجي ٣ شهور مش عارف حد يفدني ومشكلتي في الالماني اني من الاول الدرس الخامس محلتشي بيده اعمل ايه
والكيميا مذكرتهاش الا الباب الخامس و في حاجات مش فاهما ومسائل وكدا بس هل هلحق ؟
ومشكلتي اني محبط جدا ومش عارف اني اعمل ايه حكاية عمل المواقع ديه وكلة دماغي خالص نفسي انسي كل دا فترة الثانوية حتي بس مش قادر
ومش الصلاة انا لما بصلي فرض بذاكر ميه ميه بس مش قادر احافظ علي الصلاة
والي بيزيد احباطي اهلي في البيت عشان مابيشفونيش اذاكر
هل هلحق ياناس ابقا انسان كويس؟؟؟؟؟؟
مستني نصحتك ياخويا واخوتي وياامي ويا ابويا
ودا رقمي 01147187698لو حد يقدر يساعدني بجد بفكر في الموت كتير
مستنيكم

بص يا عبد الله انت بس محتاج شويه تنظيم
اولا بالنسبه للنت وكده حاول تقلل منه شويه يعنى يبقى ساعه ساعتين بالكتير اوى اوى وحاول متدخلش نفسك فى حاجات جديده اجل موضوع الشركه دى لحد الاجازه مش هيحصل حاجه خالص وحط فى دماغك انك هتذاكر عشان تجيب مجموع يدخلك الكليه اللى هتخليك ناجح اكتر فى شغلك وفاهم فيه اكتر ومش هيبقى مجرد شغل هواه
ثانيا بالنسبه للمذاكره انت ان شاء الله تلحق من دلوقتى تخلص المواد كلها يعنى الكيمياء تاخد حاجه من القديم مع حاجه من الجديد والكيمياء محتاجه كمان تكرار يعنى تذاكر الحاجه اكتر من مره يعنى ان شاء الله لو بدأت من دلوقتى بجد هتلحق ان شاء لله وركز انك تفهم الكيمياء وتحفظها اوعى تحفظ كده من غير فهم من الباب السادس واللى بعده والالمانى سهل جدا وامتحاناته سهله ومتكرره مش هتلاقى اى صعوبه لو بدأت من دلوقتى هتخلصه ا نشاء الله اهم حاجه متكربسش الدنيا فوق بعضها وتقول انا هخلص كله الشهر ده وبعد كده تحبط لا بالراحه ونظم وقتك بس ابدا جد وادخل فى تحدى مع نفسك انك ان شاء الله هتقدر
ثالثا بالنسبه للصلاه لازم تحاول انك تلتزم فيها وتصدق ان ربنا بجد هيباركلك وهو الوحيد اللى هيقويك ويعينك وان ماعند الله يؤخذ بطاعته وممكن بطريقه بسيطه تجيب note book وتكتب فيها انت صليت كام وقت ومره فى مره ان شاء الله تقفل ال5 كلهم
رابعا بعد ما ان شاء الله تعمل كل ده هتلاقى بباك ومامتك فرحانين بيك
واخيرا اتحدى نفسك وقول انا هقدر حول طاقتك السلبيه لايجابيه قول مهما هقع هقوم ان شاء الله لحد ما اوصل
صدق نفسك وصدق حلمك وشوف قد ايه هتبقى مبسوط لما تبقى ناجح فى مجالك مش مجرد هاو