عندى مشكله كبيره جدا من فضلكم ساعدونى

[حب الاسلام]

المشاركة الأصلية كتبت بواسطة tweetyy

السلام عليكم ورحمه الله وبركاته
مشكلتى : هيا انى معنتش قادرة استغل وقتى خالص دايما وقتي بيضيع منى بسبب انى بنام كتير ولما بقوم من النوم وااقول خلاص هذاكر بقي الاقينى انشغلت بالى حواليا واتشتت جدا جدا وقعدت اكلم مع الى حواليا وحتى لما بقوم من النوم بلاقينى متشتته وناسيه شغلى خالص وكمان
لما بيكون مثلا عندى درس الاثنين مذاكرش الدرس ده بعد مرجع تمام لانى عندى الثلاثاء شغل لازم يخلص
اولا الى بيحصل كلاتى: شغل الثلاثاء(الى بيتذاكر يوم الاثنين ) اتشتت فيه جدا واطول فيه بشكل مبالغ جدا يعنى ممكن اذاكر صفحه درس تافه في 3 ساعات اما بقي شغل الاثنين باجله فبروح بقي درس الخميس مثلا و بتفاجىء انى عندى شغل كتير بخصوص درس الخميس قبل معاد الدرس ب 3 ساعه مثلا وطبعا ده بيعمل ضروب ومش بيلحق يخلص
فيصيع وقتى ولما يتبقي شويه وقت قليل (بعد اما اقوم من النوم واتشتت ) عشان اذاكر بقي الاقي مواعيد الدروس بتاعتى جت ولازم احضر لكن للاسف الشغل مش بيكون خلص لان وقتى ضاع فابضطر اروح فرحت كتير واتهز قت من المدرسين وحصل الموقف ده اكتر من مرة معايا فاتعقدت وحسيت انى افشل من كل الى حواليا حتى اصبح لدى لا مبلاه من تكرار مرات الفشل حتى الدروس معنتش بروحها من الزعل والاكتئاب الى بقيت فيه ....... حتى لما يتبقي شويه وقت صغيرين وااقعد اذاكر فيهم بتشتت جدا بالى حواليا وكمان الشغل بياخد في ايدى وقت طويل جدا جدا (ومش عارفه ده غلط في طريقه مذاكرتى ولا ايه ) طبعا لما ماده واحده تاخد وقت طويل ده بيضيع الباقيين
ومحصله ده كله: ان الوقت ضاع وفي مواد باكملها واقعه منى وخلاص الامتحان 3 ثانوى كمان 4 شهور وانا مش جاهزة
حاولت كتير اغير من نفسي بمعنى :اولا انى منامش او اقلل نومى (فشلت) حاولت انى اقلل من تشتيت دماغى بانى مثلا احط جدول لكل موادى وانظم وكده
بيحصلى مشكلتين : لما بحط الجدول بتعقد من كتر الحاجات الى عندى ومفتحتهاش والوقت مش مساعد وانى مش عارفه ابتدى ب ايه وانهى ب ايه
انى مش بنفذ الجدول ودايما مش بثق في الى بعمله
شغلى كل واقع والوقت مش مساعدنى وفي دروس وكده
نفسسي وانا بذاكر ابقي عارفه انا بعمل ايه وبعمل ده ليه يعنى اكون مخططه والا بتشتت ولما بخطط مش بنفذ الجدول وبتخنق من المواد وبحس انى فاشله في مذاكرتها
ومحصله كل ده ايام باكملها بتعدى ومعدش ولا كتاب بيتفتح ولما بقعد في ماده بتخنق منها بسرعه وبحس انى ماشيه غلط
وكمان اهلى اشتكوا منى كتير بقيد خلاص هتجنن ............... من فضلكم ساعدونى الى عنده حل وجزاكم الله خير
بس الى يساعدنى يا ريت يقولى المشكله فين طب الى بيحصل ده عادى طب ازاى انظم وقتى طب هل في حل لانى خلاص بجد بدات اشعر ان عقلى مصاب بالشلل

السلام عليكم ورحمة الله وبركاتة
ازيك حبيبتى انا والله والله والله فى نفس مشكلتك بالظبط وعندى حااااااااااااااجاااات متراكمة علية كتير بس انا قبل مادخل على الموضوع بتاعك
دخلت على موضوع رع من معنوياتى اوى اوى وقلت ان شاء الله هبدا من الاول ولا اكنى ذاكرت حاجة
وحكايتك بتاعة المواعيد الدروس والمذاكة قبليها بالظبط والنوم الكتير اوى دة وتضيع الوقت انا والله بمر بية
ولكن لا ياس مع الحياة ولا حياة مع الياس وان شاء الله ربنا هيعنى وهيعينك على المذاكرة
وانا اقترح عليكى فكرة ونحاول نتواصل مع بعض و نلاقى مثلا جدول او نظام صغير مع بعض يعنى نشجع بعض وربنا يوفق الجميع
ومتياسيش ابد وتوكلى على ربنا ان شاء الله هيعنى وهيعينك