*يا جماعه قولولي اعمل ايه*

الطالب المسلم · #2 20-04-2008, 10:54 PM

بسم الله الرحمن الرحيم

والسلام عليكم ورحمة الله وبركاته

دي برده نفس مشكلتي...بس أنا إن شاء الله هاطبق على نفسي نظام كويس

حددي وقت معين في الأسبوع لمدة ساعة أو ساعتين حسب ما تشوفي وتذاكري فيها...بس تحافظي عليها جدا ومتسيبيهاش علشان مادة تانية حتى لو عندك امتحان في مادة تانية في نفس اليوم

يعني اعتبري كانك في درس مينفعش تغيبي منه ولا تأجليه والا هتفوتك الحصة ومش هتفهمي حاجة

هي هتبقى صعبة الأول لكن شوية شوية هتتعودي

وأهم حاجة النظام ثم النظام ثم النظام

لو نظمتي المذاكرة كويس هتلاقي كل حاجة بقت تمام

بالنسبة لنماذج الإحصاء فبصراحة معرفش...لكن الأستاذ بيقولنا إن كتاب الوزارة في الإحصاء مقصر شوية فيكون أحسن لو حليتي من مصدر تاني

نصيحة أخيرة...كل ما تيجي تأجلي مذاكرة الاقتصاد والاحصاء علشان مادة تانية...إفتكري إن الامتحانات فاضل عليها 4 أسابيع وبعد كده مش هتعرفي تذاكري حاجة...وإن المادة دي تافهة وممكن تجيبي فيها درجات كويسة بسهولة ...لكن عليها 50 درجة وممكن تنقص مجموعك جاااامد ...زيها زي الفيزياء والأحياء أو الرياضة...الفرق إنها ممكن تتقفل بمجهود بسيط

وربنا يكرمك ويوفقك وتحققي هدفك

والسلام عليكم ورحمة الله وبركاته