ايه الحل للكلام النظري الكتير في الفيزياء ؟؟

[user20]

المشاركة الأصلية كتبت بواسطة حسن يونس

على فكرة انا هذارى تقيل بس طيب والله انا مش عايزك تزعل منى وبالنسبة لموضوع انك فاشل او شاطر والله العظيم بعد مجاميع السنة اللى فاتت مش عارف افرق بين الشاطر والخايب ياريت الامتحانات كانت جيت محترمة عشان كان ومان اللى جايب 96 97 جاب بالكتير 93 او92 انما تقول اية اللى يذاكر اخر شهر يجيب فوق 97 دا على اساس ايه

طيب ما كنت تقول ان كلامك هزار , بجد كلامك أحبطني وكرهني أكتر في الفيزياء , الموضوع كله كان سوء تخطيط مني من البداية وبحاول أنقذ ما يمكن إنقاذه وفعلا بدأت من النهارده وحفظت 6 تعاريف بحالهم في الكهربية وان شاء الله الجاي أحلى

المشاركة الأصلية كتبت بواسطة captinmido

متخفش ومتخليش حد يحبطك انت لسة فى شهر 2 يعنى عندك فرصة حاول تاخد كل يوم جزء وربنا يسهل وينجحنا كلنا ونخش الكلية الى عاوزنها يارب

معاك حق يا كابتن ميدو , 4 شهور فترة مش قليلة بس محتاجة تقسيم كويس للوقت علشان الواحد يعرف ينجز أكبر قدر ممكن قبل شهر 5 .

ربنا يوفق الجميع وكل واحد يخش الكلية اللي في باله , بشكرك على ردك واهتمامك يا ميدو .

[user20]

المشاركة الأصلية كتبت بواسطة صدى الدمعة

على فكرة الكلام النظري في الفيزياء حفظه سهل وتافه لو انت فعلاً فاهم الي بتحفظه
وحاول بقدر المستطاع انك متتكش اوي ع المسائل وتسيب النظري او العكس
لأ وفق مابين الاتنين
وربنا يوفق

ان شاء الله أعمل بكلامك وأجمع بين الاثنين , بس المشكلة مش في الفهم .. المشكلة ان الكلام النظري العلمي مش ممكن تكتب بأسلوبك وتألف , ممكن تبقى فاهم كويس أوي بس تعبر غلط يبقى ما عملتش حاجة من عندك . فالمشكلة في حفظ الكلام النظري بنفس الأسلوب المكتوب بيه لضمان درجته في الامتحان بإذن الله .
عموما شكلي هتبع المثل اللي بيقول التكرار بيعلم ..... ولا ايه رأيكم
مرسي كتير على مرورك وتشجيعك لي , ربنا يوفقك وتحصلي على المجموع اللي في بالك .

المشاركة الأصلية كتبت بواسطة tweetyy

انشاء الله هتلحق والى يذاكر مسائل كويس اكيد يعنى هيعرف يلم النظري وبالنسبه للمجاميع :مفيش حاجه اسمها المجاميع فوق الى جايب 96 مش هيلحق حاجه الكلام ده كله كلام فاضى
كله باذن الله
اهم حاجه الواحد يعمل الى عليه قدام ربنا وموضوع الكليات ده بمشيئه الله

ربنا يسمع منك , بجد نفسي أجيب درجة كويسة في الفيزياء ترفع المجموع , الرياضيات بفروعها الستة مالهاش أمان فعالأقل أضمن حاجة .
فعلا التعامل مع القوانين والمسائل بيسهل مذاكرة وحفظ الكلام النظري بس محتاج وقت وتركيز جامد علشان اوصل لاستنتاجات واربط القوانين بالكلام النظري المشروح ..
كلامك عين العقل بخصوص مجاميع السنة اللي فاتت , مش مقياس خااالص لمستوى الطلاب , بس أتمنى الكل يحصل على مجمايع كويسة السنة ديه والأهم من كده التنسيق يكون معقول ويستوعب الجميع .

شكراً مرة تانية لكل من رد في التوبيك , بجد ردودكم رجعت لي الأمل بعد ما كنت يأست من الفيزياء .
ربنا يوفق الجميع .